2 Fiter 3:3 - Blaan Sarangani

³ Funa, too mabtas ku gadèyu ku mdadong gusen i banwe, kel i dad to madoy. Lalòla i sasè knayèla, na nadoyla gamu,

2 Fiter 3:3 Iomraidhean Croise

Dad Fngewe 1:22

na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?

Dad Fngewe 14:6

I to gal madoy, mngabal i kfulung, bay landè teenan, bay i to nun kaglabatan, mlal kenen gambet.

Dad Fngewe 3:34

I dad to madoy, knang Dwata, bay blén i kafye di dad to fdanà i ktola.

Dyan 12:48

Kabay nè i to là dmawat deg, na là mimen i dad tnalùgu nukum kadang di sangal duh. Na i mukum kenen dunan dad tnalùgu i laan nimen,

2 Korintu 4:2

Na too knang i nawami i dad magagyà nimò, i nimò i dad to di gugbunin. Du là gami mayè mgaw i dad to, na di katdòmi Tnalù Dwata làmi tnù i kakakéng, bay matlu i kbelmi dun. Na kdee dad to gmadè i tdòmi slame glut, taman landè dalanla fkéng dun. Na Dwata i gmadè i kdee, gadean slame glut i tdòmi.

2 Timoti 3:1

Na Timoti fye toom gadè ani. Di kdadong gusen i banwe kel too sasè kaflayam.

Hibru 1:2

Kabay di fulé ani fgadè Dwata i tnaluan di gito fagu di Tingaan Dyisas Krayst. Na fagu di kenen, mgimò Dwata i kdee na kenen gumlén dun.

2 Fiter 1:20

Na tooyu fkah di nawayu i mangu ani, du fye làyu glifet, dunan én gman i dad tugad Dwata ise di dale fandam gumdaan.

2 Fiter 2:10

Lumban flayaman i dad to too mlalò i sasè knayè lawehla, na i dad to madoy kdee nun glal. I dad to tamdò kakakéng, too ale labè na too fdag, na landè afèla dad mdatah kasaligan Dwata, bay balingla ale nadoy.

1 Dyan 2:18

Gamu dad ngàgu, tamdadong gusen i banwe. Tagnèyu linge ku tamdadong gusen i banwe nun to kel i too dmuen ku Krayst. Balù ani tanun dee dad to dmuen kenen, taman ani i gugmadeito tamdadong i gusenan.

Dyud 1:16

Dad to én, gal ale mugak na banléla salà i dad demela to, lalòla i sasè knayèla, fdagla i ktola, na dnayenla dademe to, fye gwèla i knayèla.

Dyud 1:18

manla di gamu, “Di là fa kel gusen i banwe nun dad to kel madoy gamu, na én alòla lalò i sasè knayèla, ise knayè Dwata.”