1 Timoti 6:9 - Blaan Sarangani

⁹ Kabay i dad to mayè bong knun, too ale lumak tatek di tilew, na mfawel di dee sasè knayè i landè gukmamu na gafalmo, i gamgebe i dad to di gumalmola landè sen.

1 Timoti 6:9 Iomraidhean Croise

Salmo 11:6

Too blat kadang kaflayaman i dad to sasè, du gambet gnumah ale bong ulen bala lifoh na sandawà dminè, na maflayam ale di lyof init mdà di lifoh.

Dad Fngewe 15:27

I to mlimbung fakufan sa i malayan di ksamuk, bay i to là dmawat i blé du fye msen di sasè, mlawil kenen.

Dad Fngewe 20:21

I knun tatì gtagak di ge na gwè fagu di sasè kfagu, landè fye gweam déén kel di atuan.

Dad Fngewe 21:6

I knun gwè fagu di klimbung tatì mlal lana na gamgebe i to di fati.

Dad Fngewe 22:16

I to mkut i dad to landè, du fye matnù i knunan, demen mlé di dad to nun, mbaling kenen to landè.

Dad Fngewe 23:4

Fandamam funa, na nangam faflungay i ktom mngabal i bong knunam,

Matyu 13:22

Na i tanà gugsabul bnê i gutmabò dad walad nun sual, dunan i dad to mlinge Tnalù Dwata, bay dee gusbalét i nawala gablà di knèla di tah tanà na i kiballa knun. Taman landè ulê Tnalù Dwata di dale.

Matyu 19:22

Kabay di kaklinge i lagi i man Dyisas, mdà kenen na too mlidù nawan du too bong knunan.

Matyu 26:15

na manan, “Tan bléyu deg ku blégu di gamu Dyisas?” Na bléla kenen tlu falò batù filakla salafì.

Matyu 6:19

Na fadlug Dyisas tamdò, manan, “Nang gamu samtifun knun dini di tah tanà, du alò falmo i kanok na tnéé ku demen tnaku i dad to.

Mark 4:19

bay dee gusbalét i nawala gablà di knèla di tah tanà, na kiballa knun, na dademe knayè ktola. Taman landè ulê Tnaluan di dale.

I Fye Tulen gablà ku Dyisas Krayst i Sulat Luk 12:21

Na man Dyisas, “Ani kagkah i kdee dad to samtifun knun dini di tah tanà, bay di kite Dwata landè knunla.”

I Fye Tulen gablà ku Dyisas Krayst i Sulat Luk 21:35

du makto kel i duh én, di kdee dad to di klamang banwe, salngad ktaban fawel.

Dad Nimò 8:20

Kabay tmimel Fiter kenen, manan, “Fye moon ku malmo ge gagin di filakam du man nawam gaganam bnayad i blé Dwata.

Ifisus 4:22

Taman tooyu tnagak fandam i labi nawayu, i mebe gamu di dad sasè nimòyu di là gamu fa faglut, du balingan fangaw gamu fagu di kfibalan i dad gafalmo gamu.

1 Timoti 1:9

Lêta gadè là mgimò i dad flalò du mdà di dad to fye, bay di dad to mlafà i flalò Dwata na i urdin i dad to, dad là mayè mimen Dwata, dad là fulung likò di Dwata, dad mimò kdee sasè knayèla, dad là mayè faglut di Dwata, dad smilo i fnaglut di Dwata, dad manò i dad tuala na i demela to,

1 Timoti 3:7

Na fye ku too kenen mgafè i dad to là faglut, du fye là malmo i dengegan, na là gfawel Satanas.

1 Timoti 6:10

Du i kbong nawa i filak, én i gumdà i kdee bung sasè. Nun dademe dad to, mdà di kalbong nawala filak, gasyat ale di kafaglutla di Dwata, na malbà i nawala di ksalla.

1 Timoti 6:17

Toom man di dad to too nun knun, nang ale fdag na smalig di knunla, du nun gusen i dad knun. Kabay Dwata alò gusmaligla, du kenen sa i mlé kdee di gito i gaflehew gito.

2 Timoti 2:26

Na samfulê ale di fye fandamla, na galwà ale di falel Satanas i kamfè dale, du fye nimòla i knayean.

Titus 2:12

Na fagu di kafyen ani, tdoan ito fye ku tnagak kdee nimò i knang Dwata, na sasè nibal i dad to di tah tanà ani, na tooito dnan i ktoito, na fatlu i nimoito, na laloito i kdee knayè Dwata kneito di tah tanà,

2 Fiter 2:3

Mdà di klom nawala filak, fangawla gamu fagu di dad santulen alò mdà di dale fandam, du fye gamwè ale filak di gamu. Kabay tasana ale nukum Dwata, na gatlagad i kafalmo dale.

Dyud 1:11

Magakdo ale! Fanlayam ale Dwata, du lalòla i nimò Kain di kbanoan i twalin, lalòla i nimò Balaam, du balù gadèla sasè i nimòla, knean fadlug ale du fye gamwè ale filak, na lalòla Kora di kduenan Dwata, na malmo ale gambet kenen.