1 Timoti 4:10 - Blaan Sarangani

¹⁰ Ani sa duenta too fgal mimò, na gal samfati kdee sasè, du fadlug ite fatan na smalig di Dwata too mto i Falwà kdee, lumban i kdee dad to faglut di ku Krayst Dyisas.

1 Timoti 4:10 Iomraidhean Croise

Salmo 107:2

Dnayenyu kenen, kdeeyu i tafalwaan. Gamu dad to tansoan mdà di kagot dad to dmuen gamu, fye ku tulenyu!

Salmo 118:8

Fye fa ku Amuito Dwata i guflidungito, nang ku i ktabeng i dad to i gusmaligito.

Salmo 37:40

Kenen i tmabeng dale na falwà dale mdà di falel i dad to sasè; falwaan ale du kenen i gusmaligla.

Salmo 84:12

E Amugu Dwata, gumdatah i kdee di tah langit na tanà, too nun kafye i to smalig di ge.

Matyu 16:16

Na tmimel Simon Fiter, manan, “Ge sa i Krayst, i Mgalék Dwata mebe i kagotan. Ge sa Tingà i too mto Dwata.”

Matyu 27:43

Smalig kenen di Dwata du manan kenen Tingà Dwata. Na neyeito ku mayè Dwata falwà kenen!”

Dyan 1:29

Di tmadol duh, teen Dyan Dyisas fdadong di kenen, na manan di dad to, “Neyeyu tadini i tingà bilibili Dwata, i dsù mwè i dad salà i dad to di klamang banwe.

Dyan 4:42

Na manla di libun én gine, “I kafaglutmi taise alò mdà di kagmanam gami, bay mdà di kaklingemi katdoan, na gadèmi too glut kenen i To Falwà i dad to di tah tanà.”

Dyan 5:24

“Tulengu gamu i kaglutan, ku simto to mimen i tnalùgu, na faglut di mdek deg, nun nawan landè sen, na talà kenen fanlayam di fulé duh, du balù kenen to mati di muna, bay di takafaglutan tanun falami nawan.

1 Korintu 15:10

Kabay ani, ku nun teenyu fye di deg, ise mdà di deg kto, bay mdà di bong kafye blé Dwata deg. Na mdà di kafyen deg, tanun nan gagangu nimò. Na di kdee dademe gal dek Dyisas, landè di dale too fgal mimò salngad i deg kimò di kenen, bay ise ku mdà di deg gnagan, bay mdà di bong kafye blé Dwata deg.

2 Korintu 1:10

Kenen sa i tagafalwà gami, na là gami mati. Taman ani duenan too gami smalig di kenen, du gadèmi ku nun gnagumi lêman i bong kaflayam lêmanan gami falwà.

1 Timoti 2:3

Na dasal ani too fye, na gaflehew Dwata i Falwà gito dad faglut,

1 Timoti 2:4

du én knayè Dwata ku kdee dad to galwà di kaflayam landè sen, na gmadè i kaglut.

1 Timoti 2:6

i mlé i kton di fati, fye nsoan i kdee dad to. Na ani fgadè Dwata di kdee dad to di bang tanalékan.

1 Timoti 3:15

du ken agu ganggà, na fagu di sulatgu ani gadeam tan kibò i dad to faglut fagu i ktola, du gadeam gito gumnè i too mto Dwata. Na gito gumgal i kaglut, du di gito sa gusmaligan i kaglut.

1 Timoti 6:17

Toom man di dad to too nun knun, nang ale fdag na smalig di knunla, du nun gusen i dad knun. Kabay Dwata alò gusmaligla, du kenen sa i mlé kdee di gito i gaflehew gito.

Hibru 11:26

Taman én fandaman balù maflayam kenen di ksilo i dad to, mdatah fa di kenen i kafaglutan di To Mgalék Dwata di kdee knun di banwe Idyif, du i fatanan i untung gdawatan di fulé duh.

Hibru 13:13

Taman salu ito di ku Dyisas ditù di lwà i banwe, na magin ito kenen di kaflayaman na i kyaan.

1 Fiter 1:21

Fagu di kenen, too gamu faglut di Dwata i mték kenen mdà di fatin na fdatah kenen. Taman ani gumdàyu faglut na smalig di Dwata.

1 Dyan 2:2

Na kenen i dsù, du fye magwè dad salaito, na ise alò ku gito salà i duen Dyisas fafati, bay mdà di salà i kdee dad to.

1 Dyan 4:14

Na gami, dad to gal dek Dyisas, tateenmi Tingà Dwata, taman toomi tulen i dek Maito Dwata i Tingaan dini, du fye falwaan dad to di tah tanà.