1 Timoti 3:1 - Blaan Sarangani

¹ Too gsalig i man ani, “Ku nun to na too mayè mebe i dad to faglut, fye sa i kayean nimò.”

1 Timoti 3:1 Iomraidhean Croise

Dad Fngewe 11:30

I bunge i nimò i to matlu, én gamlawil i demen to, bay i klabè, én gafalmo dun.

I Fye Tulen gablà ku Dyisas Krayst i Sulat Luk 15:10

Na tulengu gamu, salngad én i klehew dad kasaligan Dwata di ksal satu to gamsalà di salaan.”

Dad Nimò 1:20

Du tagsulat di libru Salmo, manan, ‘Fye moon ku i gumnean mbaling gumnè tnagak na landè mnè déén.’ Na lêman nun gsulat, manan, ‘Fye moon ku nun dademe to tlas di nimoan.’ ”

Dad Nimò 20:28

Na tooyu neye i ktoyu, na i kdee dad faglut i tasalig i Mtiu Tulus di gamu du salngad ale dad bilibili. Na tooyu nifat i dad to fbaling Dwata dad ton fagu di kfati i Tingaan Dyisas.

Roma 11:13

Na gamu ise Dyu, nun mangu di gamu. Du agu tamgalék Dwata, na dekan agu samtulen Tnaluan di gamu, i fimoan too mabtas di deg.

Ifisus 4:12

Na nimò Krayst ani, du fye fatlagadan i kdee dad to Dwata du fye gmagan ito mimò i fimoan gito, du fye lamnok i kafaglut kdeeito dad to i laweh Krayst,

Filifos 1:1

Agu Fol na Timoti dad salig Krayst Dyisas, smulat i sulat ani ditù di gamu dad faglut di ku Krayst Dyisas di banwe Filifos, di dad to mebe gamu di kafaglutyu, na di dad to i gal tmabeng gamu.

1 Tésalonika 5:14

Dad flanekgu faglut, ani fa toomi fni di gamu, tooyu tnalù i dad to là mayè mimò, tangalyu i dad to msamuk nawala, tnabengyu dad to mlungay di kafaglutla, na tooyu fantahà nawayu di kdee dad to.

1 Timoti 1:15

Ani i glut tdò, i too gablà fnaglut i kdee dad to, dunan salu Krayst Dyisas dini di tah tanà, du falwaan i dad to gamsalà di kaflayam landè gusenan, na agu sa i too sasè di kdee to gamsalà.

1 Timoti 4:9

Na too glut i gmangu ani, na gablà fnaglut i kdee.

2 Timoti 2:11

Too gsalig i gman ani, manan, “Ku gagin ito di kfatin, mnè ito di safédan kadang,

Titus 1:7

Du i to mebe i dad faglut, mebe nimò Dwata, taman fye ku landè fakay mlé salà di kenen. Là fakay ku fdag, na mlal flabè, flangal, sfati, na lom i knun.

Titus 3:8

Too glut i gmangu di ge ani. Taman kayègu ku toom tdò i kdee gmangu, du fye i dad to tafaglut di Dwata, toola fkah di nawala mimò fye. Du i tdògu ge too fye na too nun gukmamu i dad to dun.

Hibru 12:15

Too gamu fgeye na stabeng, du fye landè balù satu di gamu là gakuf di kafye mdà di Dwata, na du fye landè di gamu mbaling gambet sabat lamnok na munge féét, na smamuk i dad to faglut, na dee mgebe di sasè.

1 Fiter 2:25

Du di muna, di làyu fa gadè Dyisas Krayst, salngad gamu i dad bilibili tatlas, bay ani, taneben gamu samfulê fye lalòyu Krayst i Mifat na Kamlung gamu.

1 Fiter 4:15

Ku maflayam gamu, fye ku là mdà di kbanòyu demeyu to, di ktakuyu, di dademe sasè nimòyu, na balù di klabetyu di nimò i demeyu to.

1 Fiter 5:2

Taman tooyu nifat dad to tasalig Dwata di gamu, du ale gambet dad bilibili na gamu mifat dale. Na di kifatyu dale nang ku fagu di kleges i nawayu, bay mdà di ayèyu mimò dun, du ani kayè Dwata. Nang ku én duenyu mimò dun, du alòyu kayè i taden, bay nifatyu ale du kayèyu too tmabeng dale.