1 Korintu 13:9 - Blaan Sarangani

⁹ du i gnadeito, na i gnaganito tmulen i fgadè Dwata, kulang fa.

1 Korintu 13:9 Iomraidhean Croise

Salmo 139:6

I ksikof gnadeam too gamtikeng di deg; too mdatah i kgadeam na landè kibògu gamlabat i kdatahan.

Salmo 40:5

E Amugu Dwata, ge i Dwatagu, na too dee i tnikeng mgimoam di gami, na landè gasngad ge. I dad fye fandamam gablà di gami là gse; kayègu tulen kdee, bay làgu gagan dun du too dee.

Dad Fngewe 30:4

Nun kè to lmen magket salu di langit di gumnè Dwata, na samfulê dini fdu ditù? Nun kè to lmen samtifun i nus na nagotan di falelan? Nun kè to lmen mungas i klamang yéél na i klamang mahin di saulan? Nun kè to lmen mimò i klamang banwe na i dad gusablengla? Simto lmen mimò kdee ani, tan i dagitan na dagit i tingaan? Tulenam deg ku gadeam.

Matyu 11:27

Na man Dyisas di dad to, “Tasalig Mà di deg i kdee. Na landè gmadè i Tingà Dwata, galwà di Maan. Na landè gmadè i Maan galwà di Tingaan na dad to kayègu gufgadè kenen.”

Roma 11:34

“Landè gmadè ku tan i fandam Dwata. Landè mngewe kenen.”

1 Korintu 13:10

Kabay di kasfulê Dyisas Krayst, i sikof, landè gukmamu nan i là sikof.

1 Korintu 13:12

Salngad gito dad faglut, du là fa sikof i kgadeito gablà di Dwata. Salngad ku meye ito di sfihu, là too gamal i keyeito. Kabay nun duh kadang, ku teenito Dyisas, too mbangal kiteito kenen, na too sikof i kaglabatito gablà di kenen salngad i kaglabat Dwata gito ani.

1 Korintu 2:9

Kabay balù ani nimò i dad to én, gdohò sa i gsulat di Tnalù Dwata, manan, “Landè to lmen mite, landè lmen mlinge, na landè to lmen gamlabat i kafye tafatlagad Dwata, du blén di dad to mbong nawa kenen.”

1 Korintu 8:2

I to ku man nawan nun gnadean, én gudmilè kulang fa i gnadean.

Ifisus 3:8

Na balù agu i too mdanà di kdee dad to faglut di Dwata, knean agu i nalékan gumlén i kafye, du dekan agu tmulen di gamu dad to ise Dyu i Fye Tulen gablà di bong kafye Dyisas, i landè gufasngadgu dun.

1 Dyan 3:2

Dad flanekgu toogu kando, too glut tambaling ito dad ngà Dwata. Kabay là ito gmadè ku tan i kagkahito kadang di fulé duh. Kabay ani tooito gadè, dunan di kasfulê Krayst mbaling ito gambet kenen kagkah, du tooito teen kadang i kenen kagkah.