1 Korintu 13:5 - Blaan Sarangani

⁵ Laan fyà i demen to, laan funa i kenen knayè, laan lumak flabè, laan faldam i sasè nimò i demen to di kenen.

1 Korintu 13:5 Iomraidhean Croise

Dad Fngewe 14:17

I to mlal malbut mlal gsalà, na knang i dad to i to mgaw i demen to.

Matyu 5:22

Kabay ani mangu fa di gamu, balù simto to flabè i demen to gablà nukum di gal gumukumyu. Na lêman i to smilo i demen to, gablà nukum di dad mdatah mukum. Na lêman i to ku manan, ‘Landè kamu ge,’ du mdà di kalbutan satu to, gablà kenen fanlayam Dwata di lanaw lifoh.

Matyu 9:4

Kabay gadè Dyisas i kdee mnè di fandamla, na manan di dale, “Kan ku sasè i fandamyu?

Mark 3:5

Na keye Dyisas di dale too kenen flabè na mlidù fa du too mgal ulula. Na kafnge én, man Dyisas di to kengkeng kmalan, “Bankem kmalam.” Na banken sa, na di kabken dun, tamgulê.

I Fye Tulen gablà ku Dyisas Krayst i Sulat Luk 7:39

Kanto teen i Farisi mlak ku Dyisas i nimò libun ani, man i nawan, “Ku i to ani too glut tugad Dwata, dilean i ldam i libun magot kenen, dilean kenen to too gamsalà.”

1 Korintu 10:24

Na too fye ku kat satu di gito faldam ku tan i gufye i demeito to, na nang ku aloito fandam i gito gufye.

1 Korintu 10:33

Tooyu nimò salngad deg, du di kdee nimògu, toogu mngabal kfagu gufye nawa i kdee dad to, na ise én fandamgu i gafye deg, bay gufye i dademe to, du fye galwà ale di kaflayam landè sen.

1 Korintu 11:18

Funa nun lingegu kun, ku gal gamu stifun landè ksasatu nawayu, na fangu fnaglut.

1 Korintu 12:25

Na taman i kdee gumgalel i laweh mbaling masasatu, du fye too ale mastabeng.

1 Korintu 7:36

Na ku nun sawang libun na sawang lagi na sayè ale, bay én fandamla là ale safles, ani fngewegu dale, ku là gadnan i lagi ayean di libun, fye baling ku sdeme ale. Ise salà ani.

2 Korintu 5:19

Taman ani i tdòmi, dunan fagu di ku Krayst Dyisas, smafye Dwata i dad to di kenen, na nlifetan i dad salàla. Na snaligan gami mebe i Fye Tulen ani di dad to.

Galasya 5:13

Na gamu dad flanekgu, tanalék gamu Dwata, du fye falwaan gamu di kimenyu i flalò. Kabay laan gamu tatì falwà, du fye i sasè knayè mebe gamu, bay du fye stabeng gamu mdà di kasakdoyu.

Filifos 2:21

du i dademe, alòla fandam dale knayè, na làla fandam i knayè Dyisas Krayst.

Filifos 4:8

Na dad flanekgu faglut, di gusenan nun kayègu man di gamu, tooyu fnè di fandamyu i kafye na i gablà kdayen, i kaglut, i fye nimò, i katlu, i mtiu, na i kdee gablà nafè.

2 Tésalonika 3:7

du tagadèyu fye ku tooyu lalò i gami nimò, du ku déén gami di safédyu, là gami malwe mimò.

2 Timoti 2:10

Taman tnayudgu kdee kel di deg én duenan du dad to mgalék Dwata, du fye gfunla i kagalwà mdà di ku Dyisas Krayst, na gakuf ale di kafye knè ditù di safédan landè gusenan.

2 Timoti 4:16

I tnanin kebela deg di gususay landè to msen deg, du tnagak agu i kdee dad demegu. Kayègu ku nlifet Dwata i salàla én.

Dyém 1:19

Dad flanekgu kanbonggu nawa, fandamyu ani. Fye i kdee to mlal flinge Tnalù Dwata, nang flal talù, na nang flumak flabè,