1 Korintu 1:11 - Blaan Sarangani

¹¹ Dad flanekgu, mangu ani gine, du nun dad to mnè di gumnè Klowi tmulen di deg nun di gamu kun gal sdal.

1 Korintu 1:11 Iomraidhean Croise

Dyénésis 27:42

Na di kaklinge Rébéka i tafandam Isaw, fngén Dyékob, na manan di kenen, “Tò, fanlingem agu. I flanekam Isaw mayè malas i tamgimoam di kenen, du falan fandam fanan ge fnati.

Dyénésis 37:2

Na ani i santulen gablà i dad ngà Dyékob. Na tasfalò fitu fali Dyosif, na tnabengan i dad twegen mifat i dad lmanaf i màla. Na dad twegen ani dad ngà di dademe yaan Dyékob dunan Bilha na Silfa. Satu duh, salu Dyosif di maan, du tulenan kenen gablà di sasè nimò i dad flanekan.

Dad Fngewe 13:10

I to fdatah i kton, landè dademe gukelan ku là samuk, bay i to flinge i fngewe, kenen fulung faldam.

Dad Fngewe 18:6

I talù i to là fulung faldam, én gutambù i ksugak, na tatian mimò i tdukan.

1 Korintu 1:10

Dad flanekgu faglut, toogu fakdo di gamu, mdà di glal Amuito Dyisas Krayst, tooyu sansatu i nawayu, du fye nun ksasatuyu. Sansatuyu i nawayu di satu fandam na di satu knayè.

1 Korintu 1:12

Du nun di gamu kun, mangman, “Agu sa mlalò ku Fol,” na man i dademe, “Afolos i deg lalò,” na man i dademe, “Fiter i deg lalò,” na man i dademe, “Krayst i deg lalò.”

1 Korintu 11:18

Funa nun lingegu kun, ku gal gamu stifun landè ksasatu nawayu, na fangu fnaglut.

1 Korintu 3:3

du én fa mebe gamu i sasè knayè nawayu. Mingà nawayu di demeyu to, na nun di gamu sbulaw, na du ani kagkahyu, là gamu kè salngad i dad to là faglut di ku Dyisas?

2 Korintu 12:20

Na likò agu ken di kakelgu di gamu, teengu di gamu i làgu knayè, na nun mangu di gamu i làyu knayè. Likò agu ken nun di gamu sbulaw, mingà nawa, flabè nawa, na fabtasla di nawala i alò knayèla, na falmo i dengeg i demela to, malsalék, fdatah, na gal mlét i nawa i dad demela to.

Galasya 5:15

Kabay ku sdal gamu, gambet i dad lmanaf sngal na sakét, tooyu neye ken baling sdulê malmo i ksasatuyu.

Galasya 5:20

mangamfù ale di dad ise glut dwata, na mloos ale, snang ale nawa, sbulaw ale, mingà nawala, gal ale flabè, alòla fandam i knayèla, na sduen dad lumbuk, na slumbuk ale mdà di kasduenla,

Galasya 5:26

Na nang ito safdatah, sbulaw, ku demen singà nawa.

Filifos 2:14

Na balù tan i knayean di gamu, tooyu nimò na nang gamu sugak demen sdal,

1 Timoti 6:4

to ani alò fdatah, bay landè glabatan. Én i kanbookan i kasdal na kasbulaw gablà di gumtatek i dad tnalù, na i gukel én dunan i ksingà nawa, i kasbulaw, i kasatfayes, na landè ksasalig,

Titus 3:9

Kabay fawag ge di dad kastalù landè kamu, gablà di kdee dad gutambul i dad to, na kasdal na kasbulaw i dad to gablà di dad flalò blé Dwata fagu di ku Mosis, du kdee nimò én landè gukmamu na landè fye gukelan.