1 Fiter 5:5 - Blaan Sarangani

⁵ Na gamu fa dad lamnok lagi, nimenyu dad tua di gamu. Na kdeeyu fdanàyu ktoyu di dad demeyu na stabeng gamu, du gman di Tnalù Dwata, “I dad to fdatah i ktola, knang Dwata, bay blén kafye di dad to fdanà i ktola.”

1 Fiter 5:5 Iomraidhean Croise

Salmo 132:16

I dad bàyu di deg mebe i kagalwà di salà mdà di deg, na mkit i kdee togu di klehewla.

Salmo 132:9

Fnimi ku i dad bàmi di ge mebe i katlum, na mkit i kdee tom di klehewla.

Dad Fngewe 25:7

du fye fa ku manan di ge, “Dini ge di too fye gusudeng,” di kafyaan ge fagu di kmanan, “Blém i gusudengam di mdatah to ani.”

Dad Fngewe 3:34

I dad to madoy, knang Dwata, bay blén i kafye di dad to fdanà i ktola.

I Fye Tulen gablà ku Dyisas Krayst i Sulat Luk 22:26

Kabay ise én i fye nimòyu gamu, bay én fye nimòyu, ku simto i mdatah di gamu, fye ku too kenen fdanà, na ku simto nun glal, fye ku fkahan di nawan ktabengan i dademen.

Roma 12:10

Sakdo gamu dad faglut di ku Krayst, du saflanek gamu, na too gamu safè.

Roma 13:14

Kabay balingyu lsak Amuito Dyisas Krayst, dunan too gamu mimò i kenen knayè. Na nang gamu mimen i sasè knayèyu.

Ifisus 5:21

Safè gamu kat satu gamu, du nafèyu Krayst Dyisas.

Filifos 2:3

Na nangyu ku én i funayu fandam i gamu knayè, na nangyu fdatah i ktoyu, bay balingyu fdanà, na fandamyu i dademe to mdatah fa di gamu kto.

Kolosas 3:12

Na gamu sa i nalék Dwata mbaling dad ton, na kanbongan gamu nawa. Taman too gamu sakdo, nimòyu fye di demeyu to, safdanà, safè, na fantahàyu nawayu di kat satu gamu.

1 Timoti 5:1

Nangam nngak i lagi tua di ge, bay fanngewem fagu di fye kastulenam, gambet kiboam i maam. Na di kafngewem i dad lagi twali di ge sanngadam i twalim lagi.

Hibru 13:17

Dad flanekgu faglut, nimenyu ku tan fngewe i dad to mebe gamu di kafaglut di Dwata, na nafèyu ale, du ale too mifat gamu. Du satu duh, ale tmimel di Dwata, gablà di kifatla gamu. Taman fanlingeyu ale, du fye nun klehewla di kebela gamu, du ku làyu ale nimen mlidù ale na landè ulê i tabengla gamu.

Dyém 4:6

Kabay gal tnù Dwata i kafyen di gito, du ani i gman Tnalù Dwata, “Knang Dwata i dad to fdatahla i ktola, bay i dad to fdanàla i ktola galan banlé kafye.”

1 Fiter 3:8

Na nun fa mangu di kdeeyu, tooyu sansatu i fandamyu na nawayu, na sagin gamu di klehew na klidù nawa, sakdo gamu du saflanek gamu di kafaglut, safye gamu, na safdanà gamu nawa.

1 Fiter 4:1

Taman du maflayam Dyisas di tah tanà ani, di kakel i kaflayam di gamu, tooyu fangal nawayu tmayud, salngad kenen, du ku maflayam laweh i satu to, talandè ayean mimò salà.

1 Fiter 4:5

Kabay kadang di fulé duh, tmimel ale di Dwata gablà di kdee dad mgimòla, du gatlagad kenen mukum i dad to là fa mati na dad to tamati.