1 Fiter 2:6 - Blaan Sarangani

⁶ du gman Dwata di Tnaluan, manan, “Fkahgu satu to di banwe Sion, salngad kenen i mabtas batu tamgalékgu du gufdak i gumnègu, na ku simto smalig di kenen landè gugdanà i nawala.”

1 Fiter 2:6 Iomraidhean Croise

Salmo 40:14

Fye moon ku i dad to mayè mati deg là gmadè i nawala, na là gadlug i knayèla nimò di deg. Na fye ku fafanakam i dad to lehew di kafsasèla deg, na fyaam ale mdà di nimòla.

Salmo 89:19

Gtalù ge di muna fa fagu di kanteen di dad tom too gsalig, na gmanam, “Tanalékgu satu to gumlégu gal di kasfati; tanalékgu kenen mdà di dad mdanà to du fanbalinggu kenen harì.

Matyu 12:18

“Ani saliggu tamgalékgu, toogu kenen kando na too fye nawagu kenen. Fnègu di kenen i Tulusgu, na fgadean di kdee dad to i kukumgu too matlu.

Mark 12:10

Làyu kè gbasa i gman Dwata di Tnaluan? Manan, ‘I batu knang i dad to fdak i gumnè batu, du di dale fandam landè kamu dun, én baling i batu too mabtas di kdee.

I Fye Tulen gablà ku Dyisas Krayst i Sulat Luk 20:17

Kabay meye Dyisas di dale, na manan, “Ku là gdohò ani kadang, tan kè man Dwata di Tnaluan i gman, ‘I batu too knang i dad to fdak i gumnè, du di dale fandam landè gukmamu dun, én baling i batu too mabtas di kdee.’

I Fye Tulen gablà ku Dyisas Krayst i Sulat Luk 23:35

Na nun dee dad to tadag déén du tmanul, bay i dad ganlal gal mebe i dad Dyu, snilola kenen, manla, “Galan falwà i dademe dad to, fye ku falwaan i kton, ku glut kenen i Krayst, i Mgalék Dwata.”

Dyan 7:38

du nun gsulat di Tnalù Dwata, manan, ‘Mdà di nawa i to faglut di deg, maloh i yéél mlé nawa landè sen.’ ”

Dad Nimò 1:16

“Dad flanekgu, là fakay ku là gdohò i Tnalù Dwata tagman i Tulus Dwata fagu di ku Dabid di muna fa gablà ku Dyudas, i to mebe i dad to di gukamfèla ku Dyisas.

Roma 10:11

Nun gman di Tnalù Dwata gablà ku Krayst, manan, “Balù simto faglut di kenen landè gugdanà i nawan.”

Ifisus 1:4

Tambù di là fa mgimò Dwata i tanà ani, tamgalékan ito, du nimoan ito dad ngaan fagu di ksasatuito di ku Dyisas Krayst, du fye landè sasè gbol di nawaito na matlu ito di kiten. Mdà di kalbong nawa Dwata gito,

Ifisus 2:20

Na kdeeito dad faglut di ku Krayst Dyisas, én guflingengu dun i gumnè fdak Dwata di batu. Na Krayst i batu gufdak dad lahan tamgal i gumnè. Na i dad to gal dek Dyisas, na i dad to tugad Dwata di muna fa, ale guflingengu i dad lahanan.

2 Timoti 3:16

I kdee Tnalù Dwata fsulatan, di kenen too gumdaan. Na tagablé di gito du én gukmamu dun di katdò i kaglut, di kngak i sasè nimò, di kafngewe, na di katdò i matlu nimò,

1 Fiter 2:4

Fdadong gamu di ku Dyisas, du kenen gumdà i nawa landè sen. Kenen salngad i batu knang i dad to fdak gumnè, du man nawala landè gukmamula dun, bay knean, kenen mgalék Dwata, du kenen too mabtas di Dwata.

1 Fiter 2:8

Na lêmanan man, “I batu ani gugsindul i dad to, i batu gutlaabla.” Tagnè fandam Dwata gsindul ale na tlaab, du là ale mimen Tnaluan.

2 Fiter 1:20

Na tooyu fkah di nawayu i mangu ani, du fye làyu glifet, dunan én gman i dad tugad Dwata ise di dale fandam gumdaan.

2 Fiter 3:16

Di kdee dad sulatan, gal kenen tamdò gablà di duh kukum Amuito. Na nun di sulatan malima glabat i gumtatekan. Na dad to là gamlabat i glut tdò na là mgal kafaglutla, fagsalàla kubad i dad malima, salngad i kibòla mubad i dademe Tnalù Dwata. Na du ani nimòla, fanlayam ale Dwata.