1 Dyan 1:5 - Blaan Sarangani

⁵ Ani santulen talingemi di katdò Tingaan di gami, dunan Dwata i too glut lwa, na landè kifu di kenen balù tukay.

1 Dyan 1:5 Iomraidhean Croise

Salmo 139:12

knean mite ge sa Dwata, du i kifu là sa kifu di ge, i butang salngad kalwan di bong kalwa di mduh; i kifu na kalwa salngad di ge.

Salmo 27:1

Amugu Dwata i gumdà nawagu, na kenen i falwà deg mdà di kdee sasè, taman là agu likò. I Amugu Dwata i too kamlung deg, taman simto dé kanlikògu? Landè!

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Dyan 1:19

Na ani tulen Dyan di bang nun dad ganlal dad Dyu déén di Dyérusalém mdek dademe dad bà di Dwata na dad bel Libay salu di ku Dyan, du smalek ku simto kenen.

Dyan 1:4

Na i Tnalù ani, kenen i gumdà nawa balù i tan, na i gumdà nawa ani, kenen i salò lamwa fandam i dad to.

Dyan 1:9

Hae, du én i bang kakel i too glut salò tmuyal di kdee dad to dini di tah tanà.

Dyan 8:12

Na lêman talù Dyisas, manan, “Agu i salò lamwa i fandam dad to di tah tanà. Balù simto dad to mlalò deg là nan magu di gukmifu du nun mneng di dale gumdà falami nawa.”

Dyan 9:5

Na di klogu fa dini, agu sa i salò lamwa i fandam i dad to di tah tanà.”

1 Korintu 11:23

Du i tdò Amuito Dyisas Krayst di deg, tatdògu di gamu, na ani i dunan: I butang i kangkal Dyudas kenen mwè Dyisas i fan,

1 Timoti 6:16

Kenen alò i là mati, mnè kenen di too gumalwan i landè to gafdadong dun, landè to lmen mite kenen, na landè to gmagan mite kenen. Kenen sa i too mgafè, too magdayen, na i kagotan landè gusenan. Amén.

Dyém 1:17

Du i gumdà i kdee fye gdawatito, dunan di Dwata mimò i kdee mneng di langit, i kneng gal mgili na slaan maglidung. Kabay Dwata landè gumgilin, na landè gukulang i kablén.

1 Dyan 3:11

Ani talingeyu mdà di katbù i kafaglutyu di ku Dyisas Krayst, dunan là fakay ku là ito sakdo.

Tafite 21:23

Na landè gukmamu i kneng i duh na i bulen di syudad én, du i tmuyal di syudad i bong kneng Dwata na i Tingà Bilibili kenen i salò.

Tafite 22:5

Na di bang én, talandè kifu. Na landè gukmamu i salò ku demen kneng i duh, du Amuito Dwata mgimò salòla. Na i kagotla magin di Dwata kel di landè sen.