نامَه تیتوسیرا 2:8 - کتاب مقدس به زبان تالشی شمالی

⁸ و جوری دُرست گف بِژَن که کسی مَشا عیبی چَیی سَر بِنَن، تا وختی که مخالِفِن مَشان اَمَه کا بَدی بِوینِن و شَرمنده بِبون.

کتاب مقدس به زبان تالشي - گویش مرکزی

⁸ و اِشتِه گفِن اَنه دِرست ببو کن کَسی مشا عَیبی چَی سَر پِنَرِ، تا وقتی کن زِرَبَرا اِن مَشان اَمکا بدی ویندِ، شرمندَ آبون.

نامَه تیتوسیرا 2:8 Iomraidhean Croise

مَرقُس 12:17

عیسی اَوون نَه واتِشه: «بَس اَ چیی که اِمپراطوری شِنَه آدییَه اِمپراطوری و اَ چیی که خِدا شِنَه آدییَه خِدا.» اَوِن چَیی گفون کا حَیرون مَندینَه.

مَرقُس 12:28

ایلَه توراتی معلمون کا نِزدیک اومَه و چَوون بحثی دَرَسِشَه. وختی ویندِشه که عیسی چاکَه جَواوی اَوون دوشَه، عیسی کا دَفَرسِشه: «کَمیله حُکم، گِردی کا مهمتَرَه؟»

مَرقُس 12:32

اَ توراتی معلم عیسی نَه واتِشه: «اُستاد چاکَه گفی ژَندِرَه! درست واتَرَه که خِدا ایلَه یَه و چَیی غِیراز خِدایی نییَه،

مَرقُس 12:34

وختی عیسی ویندِشه که اَ مِرد چَدَه عاقلانه جَواو دوشَه، اَیی نَه واتِشه: «تِه خِدا پاُتشایی کا دور نیشَه.» چَیی پَش، دِ هیچکس جِکَه نِکَری عیسی کا چیی دَفَرسی.

انجیل لوقا 13:17

وختی عیسی اِمی واتِشه، چَیی مخالِفِن گِرد خجالت بینَه، امّا مردم گِرد، گِردِ عجیب کارونی کا که عیسی بَکَردی شاد بینَه.

دوّمین نامَه تَسالونیکی کلیسا را 3:14

اَگم ایی نفر اَ چیی کا که اَمَه اِم نامه کا بَواتیمون اِطاعت مَکَرِه، اَئی نیشون بِکَرَه و اَیی نَه رفت و آمَد مَکَرَه تا خجالت بِکَشِه.

اوّلین نامَه تیموتائوسیرا 5:14

بَس چِمِن نظر اِمَه که جَوونتَرَه ویوَه ژِنَکِن شو بِکَرِن، خِردَن بواَرِن و کَ داری بِکَرِن و دِشمِنی فرصت مَدَن بُختون بِژَنِه.

اوّلین نامَه تیموتائوسیرا 6:3

اَگم کسی جور دییَری تعلیم بِدَه و چَمَه خِداوند عیسایِ مسیح، دُرستَه کلامی و اَ تعلیمی نَه که دینداری راه دیلَه کایَه جور مَبو،

نامَه تیتوسیرا 3:14

بِدا چَمَه مردم باموجِن اِشتَن، اِحتیاجاتی برطرف کَردِه واسی چاکَ کارون را وَقف بِکَرن و بی‌ ثمر مَبون.

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 2:15

چوم که خِدا پیستَه اِمَه که شِمَه چاکَه کارون نَه، نادونَه مردمی گفی پیشی که اَخمَقونه یَه بِگِرَه.

پطروسی اوّلین نامَه 3:16

شِمَه وجدانی پاک غَم بَرَه، تا کسونی که شِمَه اِفتِرا ژَنِن، کسونی که شِمَه چاکَه رفتاری مسیح کا بَد بَواتین، شَرمَنده بِبون.