نامَه تیتوسیرا 2:2 - کتاب مقدس به زبان تالشی شمالی

² پیرَه مِردَکون هَواس جَمع بِبو، باوَقار بِبون، اِشتَن پیشی بِگِرِن و ایمان و محبت و پابَرجایی کا، دُرست رفتار بِکَرِن.

کتاب مقدس به زبان تالشي - گویش مرکزی

² پیرَ آدَمِن هوش ببون و با وقار ببون و اِشتَن نفسی ناری بیگِن و ایمان و موحبَت و آمبست مندِ کا دِرِست رفتار بکَن.

نامَه تیتوسیرا 2:2 Iomraidhean Croise

مَرقُس 5:15

اَوِن اومینَه عیسی وَر و وختی ویندِشونَه اَ تور و دیوونه مِرد که پیشتَری اَ قُشونی گیرفتار بَه، حِسَه خَلا دَکَردَشه و عاقل اوآ کا نِشتَه، وحشت کَردِشونَه.

انجیل لوقا 8:35

بَس مردم اومینَه بِرون که بِوینن چِه اِتِفاقی دَلَکه. وختی آرَستینَه عیسی وَر، اَ مِردی که دیوِن اَیی کا بَرشه بیینَه، ویندِشونَه که خَلا دَکَردَشه و عاقل نِشته عیسی پا وَری کا، اَوِن تَرسی نَه.

رَسولون اَعمال 24:25

اَ موقعی که پولس، صالِح بییِه کا، پَرهیزگاری و آیَنده داوری کا گف ژَندِشَه، فِلیکْس هَراسون آبَه و واتِشه: «فعلا وَستَه! بَشای بِشی. ایلَه دییَر فُرصَتی کا هَنی تِه دَخونِم بای چِمِن وَر.»

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

اوّلین نامَه قورَنتیانیرا 15:34

اِم بیخودی یَه گفون کا که چَوون مَست آبَه ایرونه بِه اِشتَن بایَه و دِ گناه مَکَرَه؛ چوم بعضی اِن اِستینه که خِدا آنِزونِن. اِمی بَواتیم تا شرمَنده بِبییَه.

اوّلین نامَه قورَنتیانیرا 9:25

هَر کسی که مسابقه را بَشی گِردِ چیون کا اِشتَن پیشی بَگَتی. اَوِن اِم کاری بَکَردین تا اَ تاجی که از بِین بَشی بِه‌ دَس بوعَرِن؛ ولی اَمَه اِم کارون بَکَردیمون تا اَ تاجی بِه‌ دَس بوعَرَم که از بِین نِشو.

دوومین نامه قرنتیانیرا 5:13

چوم که اَگم چَمَه عقلی از دَس دوعَمونه، خِدا واسی یَه؛ و اَگم عاقلیمونه، شِمَه واسی یَه.

نامه غلاطیَه کلیسارا 5:23

ملایمت و نَفسی پیشی گِتِه یَه. هیچ شریعتی چِمون ضِد نییَه.

نامَه فیلیپی کلیسا را 4:8

آخِرسَر، اِی بِرااِن، هَر چی که راستَه، هَر چی که حُرمت هِستِشَه و هَر چی که دُرسته، هَر چی که پاکَه، هَر چی که باب دیلَه و هَر چی که قابل پرستشَه، اَگم چاکَه، اَگم پرستشی اِرزِشی هِستِشَه، چِمون درباره فیکر بِکَرَه.

اوّلین نامَه تَسالونیکی کلیسا را 5:6

بَس بقیه شیوار اِشتَن بِه خاو مَژَنَم، بَلکَم آگا و هوشیار بِبییَم.

اوّلین نامَه تَسالونیکی کلیسا را 5:8

امّا چوم اَمَه روزی شِنی مونه، بَسی هوشیار بِبییَم، ایمان و محبتی زِرِه دَکَرَم، و نجاتی اُمیدی ایلَه کُلاهخودی شیوار چَمَه سَری کا پِنَیَم.

اوّلین نامَه تیموتائوسیرا 1:10

زناکارون و لَواط گَرون را؛ کسونی را که بَردَه خرید و فروش بَکَردین، دوروعَه واجون و کَسونی را که دوروعَه قَسَم بَردین، و هَر چیی که دُرستَ تعلیمی ضِدَه،

اوّلین نامَه تیموتائوسیرا 1:14

و چَمَه خِداوندی فیض، اَ ایمان و محبتی نَه که مسیحْ عیسی کایَه، فَت و فَراوون چِمن سَری کا ویبَه.

اوّلین نامَه تیموتائوسیرا 1:2

تیموتائوسی را، چِمِن حقیقی یَه زوعَه ایمانی کا: فیض و رَحمت و صُلح و سلامتی خِدای دَده طرفی کا و چَمَه خِداوند مسیحْ عیسی کا شِمه را با.

اوّلین نامَه تیموتائوسیرا 1:5

چَمَه منظور اِم دستوری کا محبتَه، محبتی که پاکه دیلی کا، و چاکَه وجدان و خالصَ ایمانی کایَه.

اوّلین نامَه تیموتائوسیرا 3:11

هِنته نی، چَوون ژِنَکِن نی بَسی باوَقار بِبون، بُختون ژَن مَبون، بَلکَم هوشیار بِبون و گِردِ چییون کا وفادار بِبون.

اوّلین نامَه تیموتائوسیرا 3:2

بَس ایلَه ناظر بَسی چَیی زندگی کا هیچی مَبو که چَیی واسی سَرکوفت بَرِه، ایلَه ژِن بِدارِه، هوشیار بِبو، اِشتَن پیشی بِگِرِه و آبرومَند بِبو، میهمون‌ نواز بِبو و بِشا تعلیم بِده؛

اوّلین نامَه تیموتائوسیرا 3:4

اَ بَسی اِشتَن خانواده اِداره کَردِه عُهدَه کا چاک بَرا و اِشتَن خِردَنون اِنتَه تربیت بِکَرِه که تمون اِحترامی نَه، اَیی کا اِطاعت بِکَرِن.

اوّلین نامَه تیموتائوسیرا 3:8

اِنتَه نی شَماسِن بَسی باوَقار بِبون، دِ دیم مَبون، شَراوی گیریفتار مَبون، نادُرستَ سودی را حِرص مَژَنِن.

اوّلین نامَه تیموتائوسیرا 5:1

پیرَه مِردَکی سَرکوفت مَژَن، بَلکَم اَیی اِشتِه دَده شیوار تشویق بِکَه، و جَوونون نی اِشتِه بِرااون شیوار،

نامَه تیتوسیرا 1:13

اِم شهادتی راستَه. بَس اَوون بَرک توبیخ بِکَه تا ایمانی کا دُرست بِبون.

نامَه تیتوسیرا 1:8

بَلکَم میهمون نواز بِبو، چاکی کَردِه نَه خِش بِبو، اِشتَن پیشی بِگِرِه، درستکار و مقدّس بِبو و منظم بِبو؛

نامَه تیتوسیرا 2:7

تِه اِشتَن، گِردِ چیون کا چاک کارون را ایلَه سَرمشق بِبَش. اِشتِه تعلیمی کا صاف و صادق و باوقار بِبَش،

نامَه فیلیمونیرا 1:9

با اِم وجود، محبتی واسی صَلاح بَزنیم که تِه کا خواهیشت بِکَرِم: از، پولُس که ایلَه پیرَه مِردیمَه، و حِسَه نی مسیحْ عیسی زندانی ایمَه،

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی اوّلین نامَه 5:8

ویرا بِبیَه، شِمَه هَواس جمع بِبو، شِمه دِشمِن اِبلیس ایلَه شیری شیوار غُرِش بَکَردی و هَر طرفی را کارا بَگردِستی، ایی نفری بِتلَفِه که اَیی ویبَرِه.

پطروسی دومین نامه 1:6

و آزونِستِه نَه، خود داری، و خود داری نَه، مقاومت، و مقاومتی نَه، دینداری،