نامَه تیتوسیرا 2:12 - کتاب مقدس به زبان تالشی شمالی

¹² و بَمون آموجِه که بی‌دینی و دنیایی یَه هَواهَوسون وِل آکَرَم، چَمَه پیشی بِگِرَم و صالحی و دینداری نَه اِم دورَه کا زِندگی بِکَرَم،

کتاب مقدس به زبان تالشي - گویش مرکزی

¹² و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

نامَه تیتوسیرا 2:12 Iomraidhean Croise

مَتّی 12:32

هَر کسی اِنسانی زوعَه ضِد گَفی بِژنِه، بَخشِستَه بَبی، امّا هَر کسی‌ که روح القدسی ضِد گَف بِژنِه، بَخشِستَه نییَب، نِه اِم دنیاکا و نِه اَ دنیاکا.

مَتّی 16:24

دومله عیسی اِشتَن شاگِردون نَه واتِشه: «اَگم کسی پیستِشَه چِمِن پِیرو بِبو، بَسی اِشتَن جانی کا دَس پِگِرِه و اِشتَن عذاب و مرگی صلیبی پِگِرِه چِمِن دومله با.

مَتّی 28:20

و اَوون تعلیم بِدییَه که هَر چیی که شِمَه فرمان دوعَمَه، اَنجام بِدَن. دَیِسَه، اَز تا آخِر زمان، هَمش شِمَه هَمراه ایمَه!»

انجیل لوقا 1:6

اَوِن هَر دِ نفر خِدا نَظری کا صالِح بینَه و خِداوندی گِرد اَحکام و دَستورون، بیدون کم و کَسری اَنجام بَداین.

انجیل لوقا 1:75

چَیی حضوری کا، قدّوسیت و صالِحی نَه، تا عُمرِمون اِستَه.

یوحنا 14:30

وِر وخت مَندَه نییَه که شِمَه نَه گَف بِژَنِم، چوم اِم دنیا رَئیس، که شیطان بِبو، کارا بومَی. اَ هیچ اِدعایی چِمِن سَری کا نیشَه؛

یوحنا 6:25

وختی اَیی دریاچه اَ طرفی کا تِلفتِشونَه، اَیی نَه واتِشونَه: «اُستاد، کَیینی اومَیش اییا؟»

رَسولون اَعمال 24:16

اِمی واسی، همیشه تَقَّلا بَکَردیم تا خِدا و مردمی پیشی کا راحَتَه وجدانی نَه زندگی بِکَرِم.

رَسولون اَعمال 24:25

اَ موقعی که پولس، صالِح بییِه کا، پَرهیزگاری و آیَنده داوری کا گف ژَندِشَه، فِلیکْس هَراسون آبَه و واتِشه: «فعلا وَستَه! بَشای بِشی. ایلَه دییَر فُرصَتی کا هَنی تِه دَخونِم بای چِمِن وَر.»

رومی کلیسارا نامه 12:2

و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

رومی کلیسارا نامه 6:12

بَس مَرزَه گناه شِمَه بَدنی کا که از بِین بَشی دستور بِدَه، تا چَیی پیسته اون کا اِطاعت بِکَرَه.

رومی کلیسارا نامه 6:19

اَز آدَمی زَوونی نَه شِمَه نَه گَف ژَنِم، چوم که آدَمیرونه و شِمَه جسم ضعیفه. چوم هَتَه که پیشتَری شِمَه بَدنی اَعضا، ایلَه نوکری شیوار دَسپردَرون بَه، بِه ناپاکی و بی قانونی دَس که روز بَه روز وِر آبی، بَس حِسَه اَوون دَسپارَه صالِحی نوکری دَس که قدّوسیتی را خَتم بَبی.

رومی کلیسارا نامه 8:13

چوم اَگم مطابق جِسم زِندگی بِکَرَه، بَمَردیرون؛ امّا اَگم خِدا روح واسطه نَه، کارونی که بَدن بَکَردی بِکِشَه، زِندگی بَکَردیرون.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 7:1

بَس اِی عَزیزِن، حِسَه که اَمَه اِم وعده‌ اون هِستِمونه، بایَه اِشتَن هَرجورَه ناپاکیِ جسم و روح کا پاک آکَرَم و خِدا ترسی نَه، مقدّس بییِه کامل آکَرَم.

نامه غلاطیَه کلیسارا 1:4

که اِشتَن جانی چَمَه گناه اون راه کا آدوشَه، تا اَمَه، خِدا اِراده نَه و چَمَه دَده، اِم شَرَه دورانی کا رهایی بِدَه.

نامه غلاطیَه کلیسارا 5:24

کسونی که مسیحْ عیسی شِنی نَه، جِسمی چَیی هوا هَوَسون نَه و چَیی پیستَه اون نَه مصلوب کَردَشونه.

نامَه اَفسوسی کلیسارا 1:4

چوم دنیا خَلق بییِه پیش، اَمَه مسیح دیلَه کا اِنتخاب کَردِشه تا چَیی حضوری کا مقدّس و بی‌عیب بِبَیم. محبتی کا،

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه کُولُسی کلیسا را 1:22

حِسَه اَ، اِشتَن مرگی واسطه نَه، اِشتَن جِسمانی یَه بدنی کا شِمَه آشتی دوعَشَه، تا شِمَه مقدّس و بی‌عیب و بیدون هیچ سَرکوفتی، بواَرِه خِدا وَر.

اوّلین نامَه تَسالونیکی کلیسا را 4:7

چوم خِدا اَمَه نِه ناپاکی را، بَلکَم مقدّس بییِه را دَعوت کَردَشه.

اوّلین نامَه تَسالونیکی کلیسا را 4:9

حِسَه بِرااونَه محبتی درباره شِمَه نیازی نیرونَه کسی چیی شِمَه را بینیویسِه، چوم که شِمَه اِشتَن خِدا واسطه نَه آموتَرونه که یَندی نَه خِش بِبییَه،

اوّلین نامَه تیموتائوسیرا 4:12

مَرزِن هیچکس اِشتِه جَوونی روک بِزونِه، بَلکَم گف ژندِه کا، کِرداری کا، محبتی کا، ایمانی کا و پاکی کا، گِردِ ایماندارون را سَرمشق بِبَش.

اوّلین نامَه تیموتائوسیرا 6:17

اِم دنیا پولدارون نَه بوآج که مغرور مَبون و اِشتَن اُمیدی اِم دنیا مالی سَری کا مَنَن که نِمونِه، بَلکَم چَوون اُمید بِه خِدایی بِبو که گِردِ چییون فَت و فَراوون بَمون را آمادَه آکَردَشَه تا اَوون کا کِیف بِکَرَم.

اوّلین نامَه تیموتائوسیرا 6:9

امّا کسونی که پولدار بییِه آرزو هِستِشونه، وسوسه کا، تَله دیلَه کا دَلَکِن و وِرَه بیخودی یَه پیسته اون کا دَلَکِن که ضرر بَژَین، که مردمی نابودی و هلاکتی طرفی را کَشونِن.

دِوُّمین نامَه تیموتائوسیرا 3:12

راس راسی، کَسونی که پیستِشونَه مسیحْ عیسی کا دینداری نَه زِندگی بِکَرِن، عذاب کَشِن؛

دِوُّمین نامَه تیموتائوسیرا 4:10

چوم دیماس اِم دنیا خِش بییِه واسی مِن وِل آکَردَشَه و شَه تَسالونیکی شهری را. کریسکیس شَه غلاطیه منطقه را و تیتوس نی دَلماتیه منطقه را شَه.

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

نامَه، عِبرانیه نَتاجَه مسیحیونرا 8:11

و هیچکسی اِشتَن خَمسوعه تعلیم نِدَه و هیچکسی اِشتَن بِرانَه نِواجِه، ”خِداوَندی آزون!“ چوم گِرد، یالی نَه تا روک مِن آزونِن؛

یعقوبی نامَه 1:27

پاک و خالصَه دینداری خِدای دَده نَظری کا اِمَه که، یَتیمون و ویوَه ژِنَکون مصیبتی کا چَوون دَسی بِگِرَم و اِم فاسِدَه دنیا کا اِشتَن دور غَم بَرَم.

پطروسی دومین نامه 2:9

بَس خِداوند بَزنی که چِنتَه صالحَ آدَمون آزمایشون کا نِجات بِدَه و آدَمی که صالِح نییَه داوریَ یَه روزی مکافاتی را غَم بَرِه،

پطروسی دومین نامه 3:11

اِمی واسی که گِردِ اِم چییِن کارا نابود بَبین، شِمَه بَسی چِنتَه رَه آدَمونی بِبییَه؟ شِمَه بَسی ایلَه مقدّس و دیندارَه زندگی بِدارَه،

یوحنا اوّلین نامَه 2:27

امّا شِمَه درباره بَسی بوآجِم اَ مَسحی که اَیی کا ویگِتَرونه، شِمَه دیلَه کا بَمَندی و نیازی نیرونه کسی شِمَه تعلیم بِدَه، بَلکَم چَیی مَسح گِردِ چییون درباره شِمَه تعلیم بَدای. اَ مَسح، حقیقتَه، نِه دوروع. بَس هَتَه که شِمَه تعلیم دوعَشَه، چَیی دیلَه کا بومونه.

یوحنا اوّلین نامَه 2:6

اَ کسی که بَواتی اَیی کا بَمَندی، بَسی هَتَه زندگی بِکَرِه که عیسی زندگی بَکَردی.

یوحنا اوّلین نامَه 5:19

اَمَه بَزنیمون که خِدا کا ایمونه و گِردِه دنیا اَ شَریری قدرتی جیری کایَه.

یهودا نامه 1:18

که شِمَه نَه واتِشونَه: «آخِر زمانی کا، مسخره کَرارونی بومَین که اِشتَن هَواهَوسی دومله کا اینه.»

یوحنا موکاشیفَه 14:12

اِم، مقدّسون مقاومتی پیستِشَه، اَوِن که خِدا حُکمون و بِه مسیح ایمان هِستِشونَه.