نامَه تیتوسیرا 2:10 - کتاب مقدس به زبان تالشی شمالی

¹⁰ دِزدی مَکَرِن، بَلکَم اِشتَن چاکَه ایمانی تمام کمال نیشون بِدَن تا هَر چیی کا چَمَه نجات دَهنده خِدا تعلیمی خوشگیلی، چاک نیشون بِدَن.

کتاب مقدس به زبان تالشي - گویش مرکزی

¹⁰ پِمَتارِن، بَسکم اِشتَن چاکَه ایمانی کامیل آمونِن تا هر چیی ایی دلَکا چَمه نیجات اَدَر، خدا آموجی خاص گیری، قشگینَه آمونِن.

نامَه تیتوسیرا 2:10 Iomraidhean Croise

مَتّی 24:45

«بس اَ، عَقلمَند و وَفادارَه نوکَر کییَه که، چَیی اَرباب اَیی اِشتَن کَ اَهالی سَرپرست بِکَرِه تا چَوون غذا موقع نَه اَوون آدَه؟

مَتّی 5:16

اِنتَه نی بِدارَه شِمَه نور مردمی چِمی پیشی کا شَفق بِژَنَه تا شِمَه چاکَ كارون بِوینن و شِمَه آسِمونی یَه دَده، سِتایش بِکَرِن.

انجیل لوقا 1:47

و چِمِن روح چِمِن نِجات دَهنده کا که خِدا یَه، شادی بَکَردی،

انجیل لوقا 1:80

و امّا اَ خِردَن یال آبی و روح کا قوی بَبی و تا روزی که قوم اِسرائیلی را آشکارا ظاهر آبو، ویاوونی کا زندگی بَکَردی.

انجیل لوقا 16:10

«کسی که وِرَه روکَه کارون کا اَمانتدار بِبو، یالَه کارون کا نی امّانتدار بَبی، و کسی که وِرَه روکَه کارون کا امّانتدار مَبو، یالَه کارون کا نی اَمانتدار نییَب.

یوحنا 12:6

یهودا اِمی واتِشه نِه اِمی واسی که فَقیرون فیکری کا بَه، بَلکَم اِمی واسی بَواتی که دِزد بَه؛ گروه خرجی پوله کیسه چَیی وَری کا بَه و یهودا اَ پولی کا اِشترا نی پِگِری.

اوّلین نامَه قورَنتیانیرا 4:2

چِمون غِیراز مباشِری کا اِنتظار دارِن که وفادار بِبو.

نامَه اَفسوسی کلیسارا 4:1

بَس از که خِداوندی واسی زِندانی کا ایمَه، خواهیشت بَکَردیم که شِمَه اَ دَعوتی شئنی کا که شِمَه کا بییَه، رفتار بِکَرِه،

نامَه فیلیپی کلیسا را 1:27

فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه فیلیپی کلیسا را 4:8

آخِرسَر، اِی بِرااِن، هَر چی که راستَه، هَر چی که حُرمت هِستِشَه و هَر چی که دُرسته، هَر چی که پاکَه، هَر چی که باب دیلَه و هَر چی که قابل پرستشَه، اَگم چاکَه، اَگم پرستشی اِرزِشی هِستِشَه، چِمون درباره فیکر بِکَرَه.

اوّلین نامَه تیموتائوسیرا 1:1

پولُسی طرفی کا، که چَمَه نجات‌دهندۀ خِدا حُکمی نه و چَمَه اُمید مسیحْ عیسی، مسیحْ عیسی رسول اِستَه؛

اوّلین نامَه تیموتائوسیرا 5:17

مشایخی که چاک رهبری کَردَشون بِبو، دِ برابر حُرمتی لایقی نَه، بِه خصوص کسونی که موعظه و تعلیم دوعِه کا زحمت بَکَشدین.

اوّلین نامَه تیموتائوسیرا 6:1

گِردِه کسونی که بندگی یوغی جیری کا اینَه، بَسی اِشتَن اَربابون تمام کمال اِحترام بِنَن تا خِدا نومی ضِد و چَمَه تعلیمی نَه بَدَه چیی مَواجِن.

اوّلین نامَه تیموتائوسیرا 6:3

اَگم کسی جور دییَری تعلیم بِدَه و چَمَه خِداوند عیسایِ مسیح، دُرستَه کلامی و اَ تعلیمی نَه که دینداری راه دیلَه کایَه جور مَبو،

نامَه تیتوسیرا 1:3

و مناسبَ وختی کا اَ وَعده آشکار آبَه، اَ کلامی نَه که چَیی اِعلام چَمَه نِجات​دهندۀ خِدا حُکمی نَه، بَه مِن دَسپَرده بَه.

نامَه تیتوسیرا 3:4

امّا وختی چَمَه نجات دَهنده خِدا میهروونی، و چَیی محبت مردمی را آشکار آبَه،

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 3:16

شِمَه وجدانی پاک غَم بَرَه، تا کسونی که شِمَه اِفتِرا ژَنِن، کسونی که شِمَه چاکَه رفتاری مسیح کا بَد بَواتین، شَرمَنده بِبون.

یوحنا دوّمین نامَه 1:9

هَر کسی که مسیح تعلیمی کا پیشتَر بِشو و چَیی دیلَه کا ثابت مَمونه، خِدا نیشه، هَر کسی که اَ تعلیمی کا ثابت بَمَندی، هَم دَده هِستِشه و هَم زوعَه.