نامَه تیتوسیرا 1:15 - کتاب مقدس به زبان تالشی شمالی

¹⁵ پاکَ آدَمون را گِردِ چییِن پاکی نَه، امّا کسونی را که نِجسی نَه و بی‌ ایمان، هیچ چی پاک نییَه، بَلکَم هَم چَوون فیکر نِجِسَه و هَم چَوون وِجدان.

کتاب مقدس به زبان تالشي - گویش مرکزی

¹⁵ پاجا اَ آدَمونرا گِردِ چییِن پاجا اَ، و اَیِنیرا کن بی ایمان و جیفینین، هیچ چیی ایی پاجا نییَه، بَلکَم هِم چَوون فکر جیفینینَه و هِم چَوون ووژدان.

نامَه تیتوسیرا 1:15 Iomraidhean Croise

مَتّی 15:18

امّا اَ چیی که گَ کا بِرون بومَی دیلی کا بِرون بومَی. و اِمَه، اَ چیی که آدَمی نِجِس بَکَردی.

رَسولون اَعمال 10:15

دوّمین کَرَه هَ سَس اومَه که بَواتی: «اَ چیی که خِدا پاک وَج آکَردَشَه، تِه اَیی نِجِس مَزون!»

رومی کلیسارا نامه 14:14

اَز، عیسایِ خِداوندی کا بَزنیم و قانع ایمَه که هیچ چیی اِشتَن- اِشتَن نِجس نییَه. امّا اَگم ایی نفر ایی چیی نِجس بَزنی، اَییرا نِجسَه.

رومی کلیسارا نامه 14:20

خِدا کاری غذا هَردِه واسی خَراو مَکَه! حقیقتَن گِردِ غذا اِن پاکی نَه، امّا هَر غذایی که ایی نفری لغزشی باعیث بِبو،کار دُرستی نییَه.

رومی کلیسارا نامه 14:23

امّا کسی که ایلَه غذا هَردِه را شَک هِستِشه، اَگم اَیی بَرِه مَحکوم بَبی، چوم که ایمانی نَه نییَرِه و هَر چیی که ایمانی کا مَبو، گناهَه.

اوّلین نامَه قورَنتیانیرا 10:23

«هَمَه چیی جایِزَه» - امّا هَمَه چیی فایدَه نیشَه. «هَمَه چیی رَوا یَه» - امّا هَمَه چیی بَنا نِکَرِه.

اوّلین نامَه قورَنتیانیرا 10:25

هَر گوشتی که قصابی کا خِرَشِن بَرَه، بیدون اِمکه شِمَه وِجدانی را سوالی دَفَرسَه،

اوّلین نامَه قورَنتیانیرا 10:31

بَس هَر چِه بَردیرون، یا هَر چِه که بِنتیرون یا هَر کاری که بَکَردیرون، گِردی خِدا جلال دوعِه را اَنجام بِدییَه.

اوّلین نامَه قورَنتیانیرا 8:7

هَر چَن که گِرد اِم دانایی نیشونه. ولی بعضی اِن چوم که پیشتری بُتون نَه وِر سَر و کار دارین اَگم هِم الان نی غذایی بَرِن که راس راسی بُتون را قِربونی بییَه، چوم چَوون وِجدان ضَعیفه، نِجِس بَبین.

اوّلین نامَه تیموتائوسیرا 6:5

و دائم مردمی دیلَه کا جنگ و جَدلی باعث بَبی که چَوون فیکر فاسد بییَه و حقیقتی کا بی نصیبی نَه و خَیال بَکَردین دینداری، وسیله ای اِستَه منفعتی را.

نامَه، عِبرانیه نَتاجَه مسیحیونرا 10:22

بایَه صِدق دیلی نَه و کاملَه ایمانی نَه بِه خِدا نِزدیک آبییَم، و چَمَه دیلون بَدَه وِجدانی کا پاک آکَرَم و چَمَه بَدنی پاکَ آوی نَه بوشورَم.

نامَه، عِبرانیه نَتاجَه مسیحیونرا 12:15

شِمَه هَواس جمع بِبو هیچکسی خِدا فیضی ویگِتِه کا شکست مَرِه، تا هیچ تِلَه بِنَه ایی مَپِرا و دردسری باعیث مَبو و وِر کسون نِجس آمَکَرَه.

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!