رومی کلیسارا نامه 8:9 - کتاب مقدس به زبان تالشی شمالی

⁹ امّا شِمَه را جِسم حُکم نِکَرِه، بَلکَم خِدا روحَه که حُکم بَکَردی، البته اَگم خِدا روح شِمَه دیلَه کا بِبو. کسی که مسیح روح مَدارِه، اَ، مسیح شِن نییَه.

کتاب مقدس به زبان تالشي - گویش مرکزی

⁹ ولی جندَک شِمَه سَریکا حِکم نییکَرد، بَسکَم خدا روحَه کن شمَه سَردِرِ حِکم بکَیه، اَلبَت اَگَم خدا روح شِمَکا ببو. کَسی مَسیح روح مَدارِ، اَ، مَسیح شِن نیَه.

رومی کلیسارا نامه 8:9 Iomraidhean Croise

انجیل لوقا 11:13

بَس اَگم شِمَه که بَدَه آدَمونی اِستیرونَه بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر آسِمونی یَه دَده، روح القدسی آدَه اَ کسونی که اَیی کا پیستِشونَه.»

یوحنا 14:17

یعنی روح حقیقت که دنیا نیمَشا اَیی قبول بِکَره، چوم که اَیی نِه بَویندی و نِه آزونِه. شِمَه اَیی آزونَه، چوم که اَ شِمَه نَه بَمَندی و شِمَه دیلَه کا بَبی.

یوحنا 14:23

عیسی جَواو دوشَه: «اَگم کسی مِنَه خِش بِبو، چِمِن کلامی عَمل بَکَردی، و چِمِن دَده اَیی نَه خِش بَبی، و اَمَه بومَیمون چَیی وَر و اَیی نَه بَمَندیمون.

یوحنا 3:34

کسی که خِدا طرفی نَه ویسا آبَه، خِدا کلامی بَواتی، چوم خِدا اِشتَن روح، بی اَندازه عَطا بَکَردی.

یوحنا 3:6

اَ چِه که بَشر خاکی کا دنیا با، بَشری یَه؛ و اَ چِه که روح کا دنیا با، روحانی یَه.

رَسولون اَعمال 16:7

وختی آرَستینَه میسیَه ایالتی را، تقّلا کَردِشونَه بِشون بیطینیَه را، امّا عیسی روح، اَوون اِجازه نِدوشَه.

رومی کلیسارا نامه 7:5

چوم اَ موقعی که اَمَه جِسمی دیلَه کا زندگی بَکَردیمون، چَمَه هَوا هَوَس که گناه‌ نه پُور بَه، که شریعت اَوون دَس بَگتی، چَمَه اَعضا دیلَه کا کار بَکَردی تا مرگی را ثمر بواَرَم.

رومی کلیسارا نامه 8:1

بَس حِسَه کسونی را که مسیحْ عیسی کا مَندینه، دِ هیچ محکومیتی نییَه،

رومی کلیسارا نامه 8:11

اَگم روحی که عیسی مَردَه اون دیلَه کا زِنده آکَردِشه شِمَه دیلَه کا بومونِه، اَیی که مسیح عیسی مَردَه اون دیلَه کا زِنده آکَردِشه، اِشتَنِش روح واسطه نَه که شِمَه دیلَه کایَه، شِمَه مَردَه بَدَنون نی زِندگی آدَه.

رومی کلیسارا نامه 8:2

چوم شریعتی که روح زِندگی یَه مسیحْ عیسی کا، شِمَه، گناه شریعت و مرگی کا آزاد آکَردِشه؛

اوّلین نامَه قورَنتیانیرا 15:23

امّا هَر کس اِشتَن نوبۀ نَه: اوّل مسیح که نوبَر بَه؛ و دومله، کسونی که چَیی اومِه موقع، مسیح شِن اِستینه.

اوّلین نامَه قورَنتیانیرا 3:16

مَگم نیمَزنه که شِمَه خِدا مَعبدیرونه و خِدا روح شِمَه دیلَه کا مَندَه؟

اوّلین نامَه قورَنتیانیرا 6:17

امّا اَ کسی که خِداوندی نَه ایلَه بَبی، اَیی نَه ایلَه روحَه.

اوّلین نامَه قورَنتیانیرا 6:19

مَگم نیمَزنَه که شِمَه بَدن روح القدسی معبدَه که شِمَه دیلَه کایَه و اَیی خِدا کا ویگِتَرونه؟ شِمَه دِ شِمَه شِن نیرونه.

دوومین نامه قرنتیانیرا 10:7

دَیِسَه، بِوینه شِمَه چِمی پیشی کا چِه نوعَه. اَگم کسی مطمئنَه که مسیح شِنَه، اَ آدَم بَسی بِزونه هَتَه که اَ مسیح شِنَه اَمَه نی مسیح شِنیمونه.

دوومین نامه قرنتیانیرا 6:16

و خِدا معبد و بُتون را چِه سُلوکاتی اِستَه؟ چوم که اَمَه خِدای زِنده مَعبَدیمونه. هَتَه که خِدا، تورات و پِیغمبرون کیتابی کا بَواتی که: «از چَوون دیلَه کا بَمَندیم و چَوون دیلَه کا راه بَشیم، و اَز چَوون خِدا بَبیم و اَوِن چِمِن قوم بَبین.»

نامه غلاطیَه کلیسارا 4:6

بَس چوم که شِمَه خِردَنونی رونَه، خِدا اِشتَن زوعَه روح چَمَه دیلون دیلَه کا نوشَه که خِلِع بَکَردی: «اَبّا! دَده!»

نامه غلاطیَه کلیسارا 5:24

کسونی که مسیحْ عیسی شِنی نَه، جِسمی چَیی هوا هَوَسون نَه و چَیی پیستَه اون نَه مصلوب کَردَشونه.

نامَه اَفسوسی کلیسارا 1:13

شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

نامَه اَفسوسی کلیسارا 2:22

و شِمَه نی یَندی نَه مسیح کا بینا بَبیرون تا ایلَه کَ بِبییَه که خِدا اِشتَن روح واسطه نَه چَیی دیلَه کا بَمَندی.

نامَه اَفسوسی کلیسارا 3:17

تا ایمانی واسطه نَه، مسیح شِمَه دیلون دیلَه کا بومونِه و محبتی کا بِنَه بِژَنَه، پابَرجا بِبییَه،

نامَه فیلیپی کلیسا را 1:19

چوم بَزنیم که شِمَه دعااون و عیسایِ مسیح روح کمکی نَه، اِمِن چِمِن آزادی باعث بَبین،

دِوُّمین نامَه تیموتائوسیرا 1:14

روح القدسی واسطه نَه که چَمَه دیلَه کا یَه، اَ چاکَه اَمانتی کا که بَه تِن دَسپارده بییَه، محافظت بِکَه.

پطروسی اوّلین نامَه 1:11

اَوِن تَقَّلا بَکَردین بِفهمِن وختی که مَسیح روح چَوون دیلَه کا مسیح جَلالون و عذابون که چَیی پَش بومیَ، پیشگویی بَکَردی، کِی یا چِه زمانی نیشون بَدای.

یوحنا اوّلین نامَه 3:24

هَر کسی که چَیی اَحکامی عَمَل بَکَردی، خِدا دیلَه کا بَمَندی و خِدا نی چَیی دیلَه کا. اِمی کا بَزنیمون اَ چَمَه دیلَه کا بَمَندی، اَ روحی واسطه نَه که بَمون بَخشستَشه.

یوحنا اوّلین نامَه 4:13

اِمی کا بَزنیمون که چَیی دیلَه کا بَمَندیمون و اَ چَمَه دیلَه کا، چوم که اِشتَن روح کا بَمون آدوعَشه.

یوحنا اوّلین نامَه 4:4

اِی روکَه خِردَنِن، شِمَه خِدا کا ایرونه و اَوون اَفجور بَیرونه، چوم اَیی که شِمَه دیلَه کا یَه، اَیی کا که دنیا کا یَه، یالتَرَه.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 20:15

و هَر کسی که چَیی نوم دفتر حیاتی دیلَه کا نیویشته بَه نِبَه، دَرَفَنده بَه آتشی دریاچه دیلَه کا.