رومی کلیسارا نامه 8:6 - کتاب مقدس به زبان تالشی شمالی

⁶ چوم اَ آدَمی عاقبت که اِشتَن فیکری اَ چیونی را بَنای که جِسمانی اینه، مَرگَه، ولی اَ فیکری که خِدا روح دومله یَه زِندگی و سلامتی یَه.

کتاب مقدس به زبان تالشي - گویش مرکزی

⁶ چون اَ اینسانی کن اِشتَن فکری جیسمانیَه چییون سَر آرَنا، مردَ یَه، اَمّا اَ فِکر کن خدا روح دوملَه بگَردِستی، سلامتی و زندَگیی اَ.

رومی کلیسارا نامه 8:6 Iomraidhean Croise

یوحنا 14:27

شِمَه را آرامش و سلامتی بَنایم؛ چِمِن آرامش و سلامتی آدَم شِمَه. اَ چیی که اَز شِمَه آدَم، اَ چیی شیوار نییَه که دنیا شِمَه آدَه. شِمَه دیلِن پریشون آمَبون و مَرزَه شِمَه دیلی کا ترس دَلَکه.

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

یوحنا 17:5

بَس حِسَه تِه اِی دَده، مِن اِشتِه حضوری کا جلال بِدَه، بِه جلالی که پیش اَز اِم که دنیا بِه وجود با بَه تِنَه داریم.

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

رومی کلیسارا نامه 14:17

چوم که خِدا پاُتشایی هَردِه و هِنتِه نییَه، بَلکَم صالِحی، صُلح و سلامتی و شادی روح القدسی کایَه.

رومی کلیسارا نامه 5:1

بَس چوم که ایمانی نَه صالِح حساب بیمونه، چَمَه خِداوند عیسایِ مسیح واسطه نَه، خِدا نَه صُلح هِستِمونه.

رومی کلیسارا نامه 5:10

چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

رومی کلیسارا نامه 6:21

بَس اَ موقع، اَ کارونی اَنجام دوعِه کا که حِسَه اَوون کا شَرمِرون هِستَه، چِه سودی بَردِرونه؟ چوم اَ کارون آخِر عاقبت مرگَه!

رومی کلیسارا نامه 6:23

چوم که گناه مُزد مرگَه، امّا خِدا هدیه، چَمَه خِداوند مسیحِ عیسی کا اَبَدی یَه زِندگی یَه.

رومی کلیسارا نامه 7:11

چوم گناه، شریعتی حُکمی واسطه نَه فرصت تِلَفتِشه، مِن گول ژَندِشَه و چَیی واسطه نَه مِن کِشتِشه.

رومی کلیسارا نامه 7:5

چوم اَ موقعی که اَمَه جِسمی دیلَه کا زندگی بَکَردیمون، چَمَه هَوا هَوَس که گناه‌ نه پُور بَه، که شریعت اَوون دَس بَگتی، چَمَه اَعضا دیلَه کا کار بَکَردی تا مرگی را ثمر بواَرَم.

رومی کلیسارا نامه 8:13

چوم اَگم مطابق جِسم زِندگی بِکَرَه، بَمَردیرون؛ امّا اَگم خِدا روح واسطه نَه، کارونی که بَدن بَکَردی بِکِشَه، زِندگی بَکَردیرون.

رومی کلیسارا نامه 8:27

و اَ که دیلون دیلَه بَگردِستی، روح فیکری بَزنی، چوم که روح، مطابق خِدا پیستَه، مقدّسون را شفاعت بَکَردی.

رومی کلیسارا نامه 8:7

چوم که اَ آدَمی که اِشتَن فیکری جِسمی را بَنای خِدا نَه دِشمَنی بَکَردی، چیرا که خِدا شریعتی کا اِطاعت نِکَرِه و نیمَشا نی بِکَرِه،

نامه غلاطیَه کلیسارا 5:22

امّا خِدا روح ثَمره، محبت، شادی، صُلح و سلامتی، صَبر، میهرَوونی، چاکی، وفاداری،

نامه غلاطیَه کلیسارا 6:8

چوم هر کسی که اِشتَن جِسمی را بَکاشتی، جِسمی کا فساد دِرو بَکَردی؛ امّا کسی که خِدا روح را بَکاشتی، خِدا روحْ کا اَبَدی یَه زِندگی دِرو بَکَردی.