رومی کلیسارا نامه 8:4 - کتاب مقدس به زبان تالشی شمالی

⁴ تا اَ دُرُستَه چیونی که شریعت پیستِشَه، چَمَه دیلَه کا اَنجام بِبو، چَمَه دیلَه کا که مطابق خِدا روح زِندگی بَکَردیمون نِه مطابق جِسم.

کتاب مقدس به زبان تالشي - گویش مرکزی

⁴ تا اَ دِرِسته چیی اِنی کن شَریعَت بَپیشَه اَمَکا اَنجوم ببو. اَمَکا کن خدا روح واتنَه زندَگی بَکَمون، نِه جندکی واتَه چییون سَر.

رومی کلیسارا نامه 8:4 Iomraidhean Croise

انجیل لوقا 1:6

اَوِن هَر دِ نفر خِدا نَظری کا صالِح بینَه و خِداوندی گِرد اَحکام و دَستورون، بیدون کم و کَسری اَنجام بَداین.

رومی کلیسارا نامه 2:26

بَس اَگم ایلَه مِردی که خَتنه بَه نییَه، شریعتی حُکمون بِه جا بواَرِه، مَگم چَیی خَتنه نِبییِه خَتنه‌ بییِه حساب نِبو؟

رومی کلیسارا نامه 3:31

بَس مَگم اَمَه اِم ایمانی نَه، شریعتی از بِین بَبَردیمون؟ البَت که نِه! بَرعَکس، اَمَه شریعتی پابَرجا بَکَردیمون.

دوومین نامه قرنتیانیرا 10:2

از شِمَه مِنَت بَکَردیم وختی که اومیمَه شِمَه وَر مجبور مَبوم شِمَه نَه جِسارتی نَه رفتار بِکَرِم، اَتَه که بعضی مردم خَیال بَکَردین که اَمَه آدَمی یَه فیکرون نَه رفتار بَکَردیمون.

دوومین نامه قرنتیانیرا 10:3

چوم هَر چَن که جِسمی کا زِندگی بَکَردیمون، امّا مطابق جِسم جنگ نِکَرَم.

نامه غلاطیَه کلیسارا 5:16

امّا از بَواتیم خِدا روح نَه رَفتار بِکَرَه که جِسمی پیستَه اون بِه جا نِورَه.

نامَه کُولُسی کلیسا را 1:22

حِسَه اَ، اِشتَن مرگی واسطه نَه، اِشتَن جِسمانی یَه بدنی کا شِمَه آشتی دوعَشَه، تا شِمَه مقدّس و بی‌عیب و بیدون هیچ سَرکوفتی، بواَرِه خِدا وَر.

نامَه، عِبرانیه نَتاجَه مسیحیونرا 12:23

و اوّلین زَندَه اون مجلسی دیلَه کا که چَوون نومِن آسِمونی کا نیویشتَه بییَه، و خِدایی که گِردی داوَرَه و صالِحون روحِن که کامل آبَیینه،

یوحنا اوّلین نامَه 3:2

اِی عَزیزِن، حِسَه اَمَه خِدا خِردَنیمونه، و اَ چیی که قَرارَه بِبَم حَلا آشکار آبَه نییَه. امّا بَزنیمون اَ موقع که اَ ظهور بِکَرِه، چَیی شیوار بَبیمون، چوم اَیی هَتَه که اِستَه بَویندیمون.

یهودا نامه 1:24

حِسَه اَیی که بَشای شِمَه بَلَکِه کا حفظ بِکَرِه و اِشتَن پُور جلالَ حضوری کا بی‌عیب، بَرکَ شادی نَه پُور آکَرِه،

یوحنا موکاشیفَه 14:5

و هیچ دروعی چَوون گَ کا پیدا نِبَه چوم که اَوِن بی عیبی نَه.