رومی کلیسارا نامه 6:12 - کتاب مقدس به زبان تالشی شمالی

¹² بَس مَرزَه گناه شِمَه بَدنی کا که از بِین بَشی دستور بِدَه، تا چَیی پیسته اون کا اِطاعت بِکَرَه.

کتاب مقدس به زبان تالشي - گویش مرکزی

¹² پس مَرزَ گناخ شِمَه فانیَه جَندَکونکا فِرمون بدَرِ، تا چَی خواستَه اونکا ایطاعَت بکَرَ.

رومی کلیسارا نامه 6:12 Iomraidhean Croise

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

رومی کلیسارا نامه 2:8

امّا خودخواهَ آدَمون را و کسونی را که حقیقتی کا اِطاعت نِکَرِن، بَلکَم ناراستی کا اِطاعت بَکَردین، غیض و غَضَبی ویکَرِه.

رومی کلیسارا نامه 5:21

تا هَتَه که گناه مرگی کا حُکومت کَردِشه، فیض نی صالِحی واسطه نَه حکومت بِکَرِه که چَمَه خِداوند عیسایِ مسیح واسطه نَه، اَبَدی یَه زِندگی را آرَستِه.

رومی کلیسارا نامه 6:14

چوم گناه شِمَه سَر حُکم نِکَرِه، چیرا که شریعتی جیری کا نیرونه بَلکَم فیضی جیری کا ایرونه.

رومی کلیسارا نامه 6:16

مَگم نیمَزنه که اَگم اِشتَن نوکرونی شیوار که اِطاعت بَکَردین، آدییَه ایی نفری دَس اَ آدَمی نوکرون بَبیرون که اَیی کا اِطاعت بَکَردیرون، چِه گناه نوکر، که مرگی را خَتم بَبی، چِه خِدا اِطاعتی نوکر، که صالحی را خَتم بَبی؟

رومی کلیسارا نامه 8:11

اَگم روحی که عیسی مَردَه اون دیلَه کا زِنده آکَردِشه شِمَه دیلَه کا بومونِه، اَیی که مسیح عیسی مَردَه اون دیلَه کا زِنده آکَردِشه، اِشتَنِش روح واسطه نَه که شِمَه دیلَه کایَه، شِمَه مَردَه بَدَنون نی زِندگی آدَه.

رومی کلیسارا نامه 8:13

چوم اَگم مطابق جِسم زِندگی بِکَرَه، بَمَردیرون؛ امّا اَگم خِدا روح واسطه نَه، کارونی که بَدن بَکَردی بِکِشَه، زِندگی بَکَردیرون.

دوومین نامه قرنتیانیرا 4:11

چوم اَمَه که زِندَه ایمونه، هَمَش عیسی واسی دَسپَردَه بَبیمون مرگی، تا چَیی زِندگی چَمَه فانی یَه بَدنی کا آشکار آبو.

دوومین نامه قرنتیانیرا 5:4

چوم تا وختی که اِم خیمَه کا ایمونَه سَنگینَه باری نَه آه کَشَم، نِه اِمی واسی که لُخت بَبیمون بَلکَم وِرتَر پوشوندَه بَبیمون، تا زِندگی اَ چیی که فانی یَه ویبَرِه.

نامه غلاطیَه کلیسارا 5:16

امّا از بَواتیم خِدا روح نَه رَفتار بِکَرَه که جِسمی پیستَه اون بِه جا نِورَه.

نامه غلاطیَه کلیسارا 5:24

کسونی که مسیحْ عیسی شِنی نَه، جِسمی چَیی هوا هَوَسون نَه و چَیی پیستَه اون نَه مصلوب کَردَشونه.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

اوّلین نامَه تَسالونیکی کلیسا را 4:5

نِه شهوت و هَواهَوسی کا، اَ غیریهودیونی شیوار که خِدا آنِزونون؛

دِوُّمین نامَه تیموتائوسیرا 2:22

بَس جَوونی هَواهَوسی کا دَوز، و کسونی نَه که پاکَه دیلی نَه خِداوندی دَخونِن، صالِحی، ایمان، محبت، صُلح و سلامتی دومله بِبَش.

نامَه تیتوسیرا 2:12

و بَمون آموجِه که بی‌دینی و دنیایی یَه هَواهَوسون وِل آکَرَم، چَمَه پیشی بِگِرَم و صالحی و دینداری نَه اِم دورَه کا زِندگی بِکَرَم،

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

پطروسی اوّلین نامَه 1:14

اَ مطیع خِردَنون شیوار، اَ هَواهَوسون شیوار مبییَه که نادونی دورانی کا داریرون.

پطروسی اوّلین نامَه 2:11

اِی عزیزِن، شِمَه کا که اِم دنیا کا مسافر و غریبیرونَه خواهیشت بَکَردیم که جِسمی هَواهَوسی کا، که شِمَه روح ضِد بَجَنگستین، پَرهیز بِکَرَه.

یهودا نامه 1:16

اِمِن غُرغُر بَکَردین و دائِم ایراد گِرِن و اِشتَن گناه آلودَه پیسته اون دومله اینه؛ اَوِن مغروری نَه و تَکَبُری نَه گَفون بَواتین و اِشتَن منَفتعی را مردمی دیلَه کا فرق بَناین.

یهودا نامه 1:18

که شِمَه نَه واتِشونَه: «آخِر زمانی کا، مسخره کَرارونی بومَین که اِشتَن هَواهَوسی دومله کا اینه.»