رومی کلیسارا نامه 5:2 - کتاب مقدس به زبان تالشی شمالی

² اَمَه چَیی واسطه نَه، ایمانی نَه، اَ فیضی که حِسَه چَیی دیلَه کا پابَر جا ایمونه بِه دَس وَردَمونه و خِدا جلالی اُمیدی کا شادی بَکَردیمون.

کتاب مقدس به زبان تالشي - گویش مرکزی

² اَمه چَی واسیطنَه، و ایمان داشته نَه، اَ فیضی بَه دَست وَردَمونَه، کن ایسَه چَی دِلَکا آمبَستیمون، و خدا شکوه و جَلالی اُمیدی دلَکا خَشی بَکَمون.

رومی کلیسارا نامه 5:2 Iomraidhean Croise

مَتّی 25:21

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکَه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

یوحنا 10:7

بَس عیسی هَنی اَوون نَه واتِشه: «حقیقتن، شِمَه نَه بَواتیم، اَز گوسَندون را، ”بَر“ اِستیمَه؛

یوحنا 10:9

اَز ”بَر“ اِستیمَه؛ هر کسی که چِمِن راه نَه با دیلَه نجات پیدا بَکَردی، و بومَی دیلَه و بَشی بِرون و واشَه جاری تِلفَه.

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

یوحنا 5:24

حقیقتن، شِمَه نَه بَواتیم، هَر کسی که چِمِن کلامی دَرَسِه و بِه کسی که مِن ویسا آکَردَشَه ایمان بواَرِه، اَبَدی یَه زندگی هِستِشه و داوری نِبو، بَلکَم مرگی کا بِه زندگی منتقل بییَه.

رَسولون اَعمال 14:27

وختی پولس و بَرنابا آرَستینَه اوآ، کلیسا آدَمون جَمع آکَردِشونَه، اَوون را واتِشونَه که خِدا چَوون واسطه نَه چِه‌ کارونی کَردَشه و چِنتَه، ایمانی بَری غیر یهودیون را آکَردَشَه.

رومی کلیسارا نامه 11:20

راست بَواتیش. امّا اَوِن بی ایمانی واسی دَوِردَه بینَه و تِه فقط ایمانی نَه پا بَرجا ایش. بَس مغرور مَبش بَلکَم بِتَرس.

رومی کلیسارا نامه 12:12

اُمیدْی کا شاد بِبییَه، مُصیبَتون کا صبور بِبییَه و همیشه دعا بِکَرَه.

رومی کلیسارا نامه 14:4

تِه کییش که ایی نفر دییَری نوکَری قضاوت بَکَردیش؟ اَ چِه اِشتَن ایمانی سَری کا بومونِه یا مَمونه چَیی اَربابی مربوطَه. و اَ نی اِشتَن پا سَری کا بَمَندی چوم که خِداوند بَشای اَیی سرپا غَم بَرِه.

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

رومی کلیسارا نامه 2:7

خِدا، اَبَدی یَه زندگی کَسونی آدَه که صبری نَه چاکه کارون اَنجام دوعِه کا، جلال و حُرمت و اَبَدی یَه زندگی دومله اینه؛

رومی کلیسارا نامه 3:23

چوم گِرد گناه کَردَشونه و خِدا جلالی پیشی کا کَم بواَردین.

رومی کلیسارا نامه 5:5

و اِم اُمید چَمَه خِجالتی باعیث نییَب، چوم خِدا محبت، روح القدسی واسطه نَه که بَمون آدوعَه بییَه، چَمَه دیلون دیلَه کا ویکَردَه بییَه.

رومی کلیسارا نامه 8:1

بَس حِسَه کسونی را که مسیحْ عیسی کا مَندینه، دِ هیچ محکومیتی نییَه،

رومی کلیسارا نامه 8:24

چوم هِم اُمیدی نَه نجات پیدا کَردِمونه. حِسَه اُمیدی که ویندَه بَبی، دِ اُمید نییَه. چوم که چِنتَه ایی نفر بَشای چیی که بَویندی اُمید دَوَندِه؟

اوّلین نامَه قورَنتیانیرا 15:1

اِی بِرااِن، حِسَه پیستِمَه اِنجیلی که شِمَه را موعظه کَردِمَه شِمَه ویر بواَرِم، هَ اِنجیلی که اَیی قبول کَردِرونه و اَیی کا پابَر جا ایرونه.

دوومین نامه قرنتیانیرا 3:18

و گِردِ اَمَه که بی نِقابَ دیمی نَه، خِداوندی جَلالی، ایلَه آواینه شیوار دَیِسَم، هَ شِکلی شیوار، جلالی کا بِه ایلَه جلالی که وِرتَرَه عوض آبییَم؛ و اِم خِداوندی کا شروع بَبی که، روح اِستَه.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

نامَه اَفسوسی کلیسارا 2:18

چوم چَیی واسطه نَه، اَمَه هر دِ گله، ایلَه روح دیلَه کا آسِمونی یَه دَده دَسترسی هِستِمونه.

نامَه اَفسوسی کلیسارا 3:12

اَمَه مسیح کا و بِه واسطه ایمان بِه اَیی، بَشایمون جرئتی نَه و اِطمینانی نَه بِه خِدا نِزدیک آبییَم.

نامَه اَفسوسی کلیسارا 6:13

بَس خِدا اَسلحه تَمام کمال دَکَرَه، تا شَرّه روزی کا بِشایَه مقاومت بِکَرَه، و بِشایَه گِردِ چییون اَنجام بییَه پَش، پابَرجا بومونه.

دوّمین نامَه تَسالونیکی کلیسا را 2:16

حِسَه چَمَه خِداوند عیسایِ مسیح اِشتَن و چَمَه دَده، خِدا، که اَمَه نَه خِش بَه و فیضی واسطه نَه، اَمَه اَبَدی یَه تَسلی و چاکه اُمیدی آدوشَه،

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

نامَه، عِبرانیه نَتاجَه مسیحیونرا 6:18

تا دِ گِله چیی واسطه نَه که عوض آنییَب، و ممکن نییَه خِدا چَوون درباره دوروع بوآجِه، اَمَه که پناه وَردِه را دَوَشتَه ایمونَه، وِر دیلگرمی داریمون تا اَ اُمیدی که چَمَه پیشی کا نوعَه بَه، مُحکم غَم بَرَم.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

یوحنا موکاشیفَه 21:11

خِدا جلالی داری و چَیی سوسو ایلَه گِرون قیمَت و کَمیابَه گوهری شیوار بَه، یَشمی شیوار و بُلوری شیوار شفاف.

یوحنا موکاشیفَه 21:23

و شهر آفتاو و مانگی اِحتیاجی نیشَه که اَیی روشون آکَرِه. چوم خِدا جَلال، نور آدَه بَیی و وَرَه چَیی چِرا یَه.

یوحنا موکاشیفَه 21:3

و تختی کا، ایلَه بِلندَه سَسی دَرَسِمَه که واتِشه: «دَیِس، خِدا مَنزِل آدَمون هَمراه یَه. و اَ، اَوون نَه بَمَندی، و اَوِون چَیی قوم بَبین، و خِدا اِشتَن اَوون نَه بَبی و چَوون خِدا بَبی.

یوحنا موکاشیفَه 3:21

«هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.