رومی کلیسارا نامه 5:10 - کتاب مقدس به زبان تالشی شمالی

¹⁰ چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

کتاب مقدس به زبان تالشي - گویش مرکزی

¹⁰ چون اَگَم هَنگومی کن خِدانَه غَنیم بیمون، و چَی زوعَه مَردِ واسیطنَه، اَمَشون خدا نَه آشتیشون دوعَه، چَدَ ویشتَر ایسَه کن بَینه آشتیکامونَه، چَی زندَگی واسیطنَه نیجات بَگَتیمون.

رومی کلیسارا نامه 5:10 Iomraidhean Croise

یوحنا 14:19

روکَته پَش دنیا دِ مِن نِوینِه، امّا شِمَه بَویندیرون. چوم که اَز زِنده‌ایمَه، شِمَه نی زندگی بَکَردیرون.

یوحنا 5:26

چوم هَتَه که دَده اِشتَن کا زندگی هِستِشه، زوعَه نی عطا کَردَشه که اِشتَن کا زندگی بِدارِه،

یوحنا 6:40

چوم چِمِن دَده پیستَه اِمَه که هرکسی که زوعَه دَیِسه و اَیی ایمان بواَرِه، اَبَدی یَه زندگی بِدارِه، و اَز داوری یَه روزی کا اَیی زِنده آکَرِم.»

یوحنا 6:57

هَتَه که دَده ای که زِندگی بَبَخشِستی مِن ویسا آکَردَشِه و از هَ دَده واسی زنِده‌ایمَه، اَ کسی که مِن کا بَردی نی چِمِن واسی زِنده بَبی.

رومی کلیسارا نامه 11:28

از لحاظ اِنجیل یَهودیِن شِمَه واسی، دِشمَنی نَه؛ امّا از لحاظ خِدا اِنتخاب، اَجدادون واسی، خِدا عزیزگِرامی نَه.

رومی کلیسارا نامه 5:11

نِه فقط اِم، بَلکَم اَمَه، چَمَه خِداوند عیسایِ مسیح واسطه نَه، خِدا آشتی چَمَه نصیب بَه، خِدا دیلَه کا نی شادی بَکَردیمون.

رومی کلیسارا نامه 5:6

چوم اَ موقع که اَمَه حَلا دَرموندَه بیمونه، مَسیح بِه موقع، بی‌ خِدا اون واسی جان دوشَه.

رومی کلیسارا نامه 8:32

اَ که اِشتَن زوعَه دریغ نِکَردِشه، بَلکَم اَیی، چَمَه گِردی راه کا فیدا کَردِشه، چِنتَه، اَ، دَس و دیل بازی نَه گِردِ چییون بَمون آنِدَه؟

رومی کلیسارا نامه 8:34

کییَه که اَوون محکوم بِکَرِه؟ مسیحْ عیسی که مَردَه، اَیی کا وِرتَر مَردَه اون دیلَه کا نی زِنده آبَه و خِدا راست دَسی کا نِشتَه، اَ اِستَه که راس راسی اَمَه را شفاعت بَکَردی!

رومی کلیسارا نامه 8:7

چوم که اَ آدَمی که اِشتَن فیکری جِسمی را بَنای خِدا نَه دِشمَنی بَکَردی، چیرا که خِدا شریعتی کا اِطاعت نِکَرِه و نیمَشا نی بِکَرِه،

دوومین نامه قرنتیانیرا 5:20

بَس اَمَه مسیح سَفیرونیمونه، خِدا اِشتَن پیستَه از طریق چَمَه اَنجام بَدای. اَمَه مسیح طرفی نَه شِمَه کا خواهیشت بَکَردیمون که خِدا نَه آشتی بِکَرَه.

دوومین نامه قرنتیانیرا 5:21

خِدا اَ، کسی که گناه آنِزونی، چَمَه واسی گناه وَج آکَردِشه، تا اَمَه، چَیی دیلَه کا خِدا صالِحی بِبییَم.

نامَه اَفسوسی کلیسارا 2:16

و هر دِ گِله ایلَه بدنی کا خِدا نَه آشتی بِدَه، اِشتَن صلیبی واسطه نَه که چَیی سَری کا، دِشمَنی کِشتِشه.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

نامَه، عِبرانیه نَتاجَه مسیحیونرا 2:17

بَس لازِم بَه که اَ هَر چیی کا اِشتَن بِرا اون شیوار بِبو، تا اِنتَه خِدا خِدمتی کا ایلَه بَخشنده و وفادارَه کاهن اَعظم بِبو، تا قومی گناه اون بَخشِشی را کفّاره آدَه.

نامَه، عِبرانیه نَتاجَه مسیحیونرا 7:25

بَس عیسی بَشای کسونی که چَیی واسطه نَه بِه خدا نِزدیک آبون، کاملاً نجات بِدَه، چوم که اَ هَمیشه زِنده یَه تا چَوون را شفاعت بِکَرِه.

یوحنا اوّلین نامَه 2:1

اِی چِمِن روکَه خِردَنِن، اِم چییون شِمَه را بَنیوشتیم تا گناه مَکَرَه. امّا اَگم کسی گناه کَردِشه، دَده وَری کا ایلَه مُدافع اِستِمونه، یعنی عیسایِ مسیحِ صالِح.

یوحنا اوّلین نامَه 4:10

محبت اِمَه، نِه اِم که اَمَه خِدا محبت کَردَمونه، بَلکَم اَ اَمَه محبت کَردَشه و اِشتَن زوعَه ویسا آکَردِشه تا چَمَه گناه اون کفّارَه بِبو.

یوحنا موکاشیفَه 1:18

از که زِندَه ایمَه. مَردیمَه، و دَیِس، تا اَبَد زِنده ایمَه و مرگ و مَردَه اون دنیا اَچَرِن چِمِن دَسی کا اینَه.