رومی کلیسارا نامه 4:16 - کتاب مقدس به زبان تالشی شمالی

¹⁶ اِمی واسی، وعده، ایمانی واسطه نَه بومَی تا فیضی سَر استوار بِبو و اِبراهیمی نَسلی گِردی را ایلَه ضِمانت بِبو، یعنی نِه فقط کسونی را که شریعتی کا اِطاعت بَکَردین، بَلکَم کَسونی را نی اِستَه که اِبراهیمی ایمانی کا اِطاعت بَکَردین، که چَمَه گِردی دَده یَه.

کتاب مقدس به زبان تالشي - گویش مرکزی

¹⁶ اِمی خاطِر، وَعدَ، ایمان داشتِه واسیطَنه آ، تا فیضی سَردِرِ آمبَست ببو و ابراهیمی گِردِ اودومیرا ضیمانت ببو، یعنی نِه تاکَه اَیِنیرا کن شَریعَتیکا ایطاعَت بَکَن، بَلکَم اَینیرا کن ابراهیمی ایمانیکا ایطاعت بَکنَه نی هِستَه، کن چَمَه گِردی دَدَیَه.

رومی کلیسارا نامه 4:16 Iomraidhean Croise

انجیل لوقا 19:9

عیسی اَیی نَه واتِشه: «اوری نِجات اومَه بِه اِم کَ، چوم که اِم مِرد نی اِبراهیم پیغمبری اولادَه.

رومی کلیسارا نامه 15:8

چوم شِمَه نَه بَواتیم که مسیح، خَتنه بییَه اون خدمتکار بَه، تا خِدا راستی نیشون بِدَه، تا اَ وعده‌ اونی که خِدا چَمَه اَجدادی دوشَه، تصدیق بِکَرِه،

رومی کلیسارا نامه 3:22

اِم صالِحی ای که خِدا کایَه، عیسایِ مسیح ایمان داشتِه راه نَه، و گِردِ کسونی نصیب بَبی که ایمان بواَرِن. چوم هیچ فرقی نییَه.

رومی کلیسارا نامه 3:30

چوم فقط ایلَه خِدا وجود دارِه، و اِم خِدا خَتنه‌ بییَه اون بَر طبق ایمان و خَتنه‌ نِبییَه اون نی بَر طبق هَ ایمان، صالِح بِه حساب بواَردی.

رومی کلیسارا نامه 4:11

اِبراهیم خَتنه نیشونه ویگِتِشه تا چَیی صالِحی را مُهری بِبو که خَتنه‌ بییِه پیش و ایمانی نَه چَیی نصیب بییَه بَه. اِنتَه، اَ گِردِ کسونی دَده یَه که بیدون خَتنه ایمان بواَردین تا اَوِن نی صالِح بِه حساب بان.

رومی کلیسارا نامه 5:1

بَس چوم که ایمانی نَه صالِح حساب بیمونه، چَمَه خِداوند عیسایِ مسیح واسطه نَه، خِدا نَه صُلح هِستِمونه.

رومی کلیسارا نامه 9:8

یعنی خِردَنِنی که طبق جِسم دنیا اومَه اینه خِدا خِردَنِن نینَه، بَلکَم اِبراهیمی نَسل وَعدَه خِردَنِن حساب بَبین.

نامه غلاطیَه کلیسارا 3:14

اَ، اِنتَه کَردِشه تا اِبراهیم پِیغمبری بَرکت، مسیحْ عیسی کا غیریهودیون نصیب بِبو، و تا اَمَه، اَ روحی که وعده دوعَه بَه، ایمانی راه نَه ویگِرَم.

نامه غلاطیَه کلیسارا 3:16

حِسَه، وعده‌ اِن بِه ابراهیم و چَیی نَسلی آدوعَه بییَه. نِواجِه «و بِه نَسلون،» اِنگاری که وِر کَسون درباره بِبو، بَلکَم بَواتی «اِشتِه نَسلی،» که منظور مسیحَ.

نامه غلاطیَه کلیسارا 3:22

امّا مقدّس نیوشته اِن اِعلام کَردِشه که گِرد گناه دیلَه کا اَسیری نه، تا اَ وعده که ایمان بِه عیسایِ مسیح راه نَه یَه، کسونی آدوعَه بِبو که ایمان وَردَشونه.

نامَه اَفسوسی کلیسارا 2:5

حتی وختی که چَمَه خَطااون دیلَه کا مَردَه بیمونَه، اَمَه مسیح نَه زِنده آکَردِشه- شِمَه فیضی راه نَه نجات پیدا کَردَرونه-

نامَه اَفسوسی کلیسارا 2:8

چوم فیضی نَه و ایمانی واسطه نَه نجات پیدا کَردَرونه. و اِم شِمَه کا نییَه؛ بَلکَم خِدا هدیه یَه،

نامَه تیتوسیرا 3:7

تا چَیی فیضی نَه، صالِح بِه حساب بایَم، و طبق اُمیدی که اَبَدی یَه زِندگی را هِستِمونه، وارِثون بِبییَم.

پطروسی دومین نامه 1:10

بَس اِی بِرااِن، وِرتَر تَقَّلا بِکَرَه تا شِمَه دعوت و اِنتخاب بییِه ثابت بِکَرَه، چوم اَگم اِم صِفَتون بِه کار بِگِرَه هرگز نِبَلَکَه.