رومی کلیسارا نامه 2:10 - کتاب مقدس به زبان تالشی شمالی

¹⁰ امّا خِدا جلال و حُرمت و صُلح و سلامتی اَ کسونی نصیب بَبی که چاکی بَکَردین، اوّل یَهود و دومله غِیریَهود.

کتاب مقدس به زبان تالشي - گویش مرکزی

¹⁰ ولی اَیِنی کن چاکی بَکَنه، خدا شکوه و جَلال و حورمت و صلح و سلامتی چَوون رَسَت بَبیَه، اَوَل یهود و چَی به دوملَه غَیر یَهود

رومی کلیسارا نامه 2:10 Iomraidhean Croise

مَتّی 10:13

اَگم اَ کَ اَهالی لایِق بِبون، شِمَه سلامی بَرکت اَوون نَه بَمَندی ولی اَگم لایِق مَبون، شِمَه سلامی بَرکت آگَردِه بِه شِمَه.

انجیل لوقا 1:79

تا کَسونی را دَتاوِه که تاریکی کا و مَرگی سا دیلَه کا اینَه، و چَمَه قَدمون صُلح وسلامتی یَه راه دیلَه را هِدایت بِکَرِه.»

انجیل لوقا 12:37

خَسَه بِبو نوکَرونی که وختی چَوون اَرباب بومَی، اَوون آگا بِوینِه. حقیقتَن شِمَه نَه بَواتیم، چَوون خِدمت کَردِه را کَمَر دَوَسِه؛ اَوون سِفره سَری کا نِشونِه و بومَی و اَوون کا پذیرایی بَکَردی.

انجیل لوقا 19:42

و واتِشه: «کَشکی تِه نی، اِم روزی کا بِفهمیش که چِه چیونی بَه تِرا صُلح و سَلامتی بواَردین. امّا حِسَه اِشتِه چِمون کا نِینَه.

انجیل لوقا 22:14

سوری وخت آرَستَه و عیسی رسولون نَه سِفره سَری کا نِشتَه.

انجیل لوقا 9:48

و اَوون نَه واتِشه: «هَر کسی اِم خِردَنی چِمِن نومی نَه قَبول بِکَرِه، مِن قَبول کَردَشه؛ و هَر کسی مِن قَبول بِکَرِه؛ اَ کسی قَبول بَکَردی که مِن ویسا آکَردَشَه. چوم شِمَه دیلَه کا اَ کسی یالتَرَه که گِردی کا روکتَر بِبو.»

یوحنا 12:26

اَگم کسی مِن خدمت بِکَرِه، بَسی چِمِن دومله با؛ و جِگایی که اَز اِستیمَه، چِمِن خِدمتگذار نی اوآ کا بَبی. کسی که مِن خدمت بِکَرِه، دَده اَیی اَرج و قوبر بَدای.

یوحنا 14:27

شِمَه را آرامش و سلامتی بَنایم؛ چِمِن آرامش و سلامتی آدَم شِمَه. اَ چیی که اَز شِمَه آدَم، اَ چیی شیوار نییَه که دنیا شِمَه آدَه. شِمَه دیلِن پریشون آمَبون و مَرزَه شِمَه دیلی کا ترس دَلَکه.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 10:35

بَلکَم هَر قومی کا، هَر کسی که خِدا کا بِتَرسه و اَ چیی که دُرستَه عَمَل بِکَرِه، خِدا اَیی قبول بَکَردی.

رومی کلیسارا نامه 14:17

چوم که خِدا پاُتشایی هَردِه و هِنتِه نییَه، بَلکَم صالِحی، صُلح و سلامتی و شادی روح القدسی کایَه.

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

رومی کلیسارا نامه 2:7

خِدا، اَبَدی یَه زندگی کَسونی آدَه که صبری نَه چاکه کارون اَنجام دوعِه کا، جلال و حُرمت و اَبَدی یَه زندگی دومله اینه؛

رومی کلیسارا نامه 2:9

هَر کسی که بَدَه کارون اَنجام بِدَه، رَنج و عَذاب چَیی نصیب بَبی، اوّل یَهود و دومله غِیریَهود.

رومی کلیسارا نامه 5:1

بَس چوم که ایمانی نَه صالِح حساب بیمونه، چَمَه خِداوند عیسایِ مسیح واسطه نَه، خِدا نَه صُلح هِستِمونه.

رومی کلیسارا نامه 8:6

چوم اَ آدَمی عاقبت که اِشتَن فیکری اَ چیونی را بَنای که جِسمانی اینه، مَرگَه، ولی اَ فیکری که خِدا روح دومله یَه زِندگی و سلامتی یَه.

رومی کلیسارا نامه 9:21

مَگم نِرَه ساج اِختیار نیشَه که ایی گولَه تِوِلی کا، ایلَه قَبی وَج آکَرِه مهمه کارون را و ایلَه قَبی نی وَج آکَرِه اَ کارونی را که مهم نینَه؟

رومی کلیسارا نامه 9:23

تا بِشا اِشتَن جلالی عظمتی، قَبونی را که رَحم کَردَشه نمایان بِکَرِه، قَبونی که اَوون پیشتری جَلالی را آمادَه آکَردَشَه-

نامه غلاطیَه کلیسارا 5:22

امّا خِدا روح ثَمره، محبت، شادی، صُلح و سلامتی، صَبر، میهرَوونی، چاکی، وفاداری،

نامه غلاطیَه کلیسارا 5:6

چوم مسیحْ عیسی کا نِه خَتنه بییِه مُهمَه نِه خَتنه‌ نِبییِه، بَلکَم مُهم اَ ایمانی یَه که محبتی واسطه نَه کار بَکَردی.

نامَه فیلیپی کلیسا را 4:7

خِدا صُلح و سلامتی، که هَر فهمی کا کفاتَرَه، شِمَه دیلون و فیکرون مسیحْ عیسی کا مُحافظت بَکَردی.

اوّلین نامَه تیموتائوسیرا 1:17

حِسَه اَ پاُتشاهِ دوران، اَ که تا اَبَد اِستَه و نییَب اَیی ویندِه، اَ ایلَه خِدا، تا اَبَد و تا اَبَد حُرمَت و جلال بِبو. آمین.

نامَه، عِبرانیه نَتاجَه مسیحیونرا 2:7

ته اَیی روکَته زَمان، ملائیکه اون کا پَست تَر کَردِره، جَلال و اِفتخاری تاجی چَیی سَری کا پِنورَه،

یعقوبی نامَه 2:22

بَویندیش که چَیی ایمان و اَعمال یَندی نَه کار بَکَردین، و چَیی ایمان چَیی اَعمالی نَه کامل آبَه.

یعقوبی نامَه 3:13

شِمَه دیلَه کا حکیم و عَقلمَند کییَه؟ بِدارَه اَیی اِشتَن چاکه زندگی نَه نیشون بِدَه، اَ، اَعمالی که فروتنی نَه اِستَه و حکمتی کا سَرچشمه بَگتی.

پطروسی اوّلین نامَه 1:7

تا شِمَه ایمانی اِصالت، آزمایشی کا ثابت بِبو و اَ روزی که عیسایِ مَسیح ظهور بِکَرِه، ستایش و جلال و اِحترامی باعیث بِبو، هَ ایمان که طِلا کا وِر با اِرزِشتَرَه که هَر چَن از بِین بَشی، ولی آتشی نَه آزمایش بَبی.

پطروسی اوّلین نامَه 5:4

و اَ وختی که شوونَه اون رئیس ظهور بِکَرِه، اَ تاج جلالی که از بِین نِشو، بِه دَس بواَردیرون.