رومی کلیسارا نامه 16:2 - کتاب مقدس به زبان تالشی شمالی

² اَیی خِداوندی کا، هَتَه که مقدسون شَئنی کایَه، قبول بِکَرَه و هَر کمکی که شِمَه کا پیستِشَه، اَیی کا دریغ مَکَرَه، چوم اَ وِر کسون، حَتی بَه مِن، وِر کمک کَردَشه.

کتاب مقدس به زبان تالشي - گویش مرکزی

² بَی خداوندی دِلَکا، اَتَه کن موقدَسون لایِقَه، قِبول بکَرَ و هر کمکی کن شِمَکا اَپیشَه اَیکا دَریغ مَدارَ، اِمی خونِه کن اَ خَیلیون، حتی بَمن، وِرَ کاریَری آدوعَشَه.

رومی کلیسارا نامه 16:2 Iomraidhean Croise

مَتّی 25:40

پاُتشا چَوون جَواوی کا بَواتی: ”حقیقتن شِمَه نَه بَواتیم، هر کاری که چِمِن ایلَه روکتَرین بِرا اون را کَردَرونَه، بَه مِرا کَردَرونَه.“

رَسولون اَعمال 9:13

امّا حَنانیا جَواو دوشَه: «خِداوندا، وِر کَسون کا اِم مِردی درباره دَرَسَمَه که اِشتِه مقدسون اورشلیمی کا اَذیت آزار کَردَشه.

رَسولون اَعمال 9:15

ولی خِداوند حَنانیا نَه واتِشه: «بِش، چوم که اِم مِرد وسیله ای یَه که از اَیی انتخاب کَردَمه تا چِمِن نومی، غیریهودیون و چَوون پاُتشااون و یهودی مردمی را اِعلام بِکَرِه.

رَسولون اَعمال 9:36

یافا شهری کا ایلَه شاگِردی زندگی بَکَردی که چَیی نوم طابیتا بَه. یونانیون زوونی کا طابیتا نَه دورکاس بَواتین که چَیی معنی پِرزَه یَه. اِم ژِن اِشتَن، چاکَ کارون را وقف کَردَش بَه و فقیر فُقرا کمک بَکَردی.

رَسولون اَعمال 9:39

پطرس پِرِشته و چَوون هَمراه شَه. وختی آرَستَه اوآ، اَیی بَردِشونَه بالا خونه را. ویوه ژِنکِن گِرد چَیی دُوری کا جمع آبَه بینَه، داد بَکَردین و خَلا اونی که دورکاس اِشتَن زِندَه بییِه موقع چَوون را دوتَش بَه، پطرسی نِشون بَداین.

رَسولون اَعمال 9:41

پطرس چَیی دَسی گِتِشه و اَیی پِرِزاووندِشه. اَ موقع ویوه ژِنکون و مقدسون دَخوندِشه و طابیتا زِنده اَوون تحویل دوشَه.

رومی کلیسارا نامه 15:7

بَس هَتَه که مسیح شِمَه گرمی نَه قبول کَردِشه، شِمَه نی یَندی گرمی نَه قبول بِکَرَه تا خِدا جَلال بِگِرِه.

رومی کلیسارا نامه 16:15

فیلولوگوس، یولیا، نیریاس و چَیی خالا، و اولیمپاس و گِردِ مقدّسونی را که چَوون هَمراه اینه، سلام آرِساوونه.

رومی کلیسارا نامه 16:23

گایوس که از و گِردِ کسونی کا که اییا کلیسا کا اینه میهمونداری کَردِشَه، شِمَه را سلام ویسا آکَرِه. اِراستوس که شهری خزانه‌دارَه، و چَمَه بِرا کوآرتوس شِمَه را سلام ویسا آکَرِن.

رومی کلیسارا نامه 16:6

مریمی را نی که شِمَه را وِرَه زحمت کَشِشه، سلام آرِساوونه.

رومی کلیسارا نامه 16:9

چِمِن همکارون مَسیح کا، اوربانوس، و چِمِن عزیز رَفِقی، اِستاخیسی، سلام آرِساوونه.

نامَه اَفسوسی کلیسارا 5:3

ولی شِمَه دیلَه کا بی عفتی یا هَرجورَه ناپاکی یا هَواهَوسی کا حتّی نَبی گفی بِه زَوون با، چوم اِمِن مقدّسون شئنی کا نینَه.

نامَه فیلیپی کلیسا را 1:27

فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه فیلیپی کلیسا را 2:29

بَس خِداوندی کا، اَیی تمون شادی نَه قبول بِکَرَه و اِنتَه رَه کسون حُرمتی بِدارَه،

نامَه کُولُسی کلیسا را 4:10

آریستارخوس که مِنه زندانی کا اِستَه، شِمَه را سلام آرِساوونه؛ اِنتَه نی مَرقُس، بَرنابا عمو زوعَه، که پیشتری، دربارَه چَیی شِمَه سفارش کَردِمه که هَر موقع با شِمَه وَر، گَرمینه اَیی قبول بِکَرَه.

اوّلین نامَه تیموتائوسیرا 2:10

بَلکَم چاکَه کارون نَه، هَتَه که اَ ژِنکونی شَئنی کایَه که اِدِعا بَکَردین دینداری نَه.

دِوُّمین نامَه تیموتائوسیرا 1:18

خِداوند اَیی عطا بِکَرِه که اَ روزی کا، خِداوندی کا رحمت ویگِرِه- و تِه، گِردِ اَ خِدمتونی که اَفِسُسی شهری کا کَردِشَه، چاک بَزنیش.

نامَه تیتوسیرا 2:3

پیرَه ژِنَکِن نی بَسی اِشتَن حُرمتی بِدارِن، اِفتِرا مَژَنِن، وِرَه شَراو هَری بَردَه مَبون، اَوِن بَسی هَر چیی که چاکَه تعلیم بِدَن،

نامَه فیلیمونیرا 1:12

از چِمِن جیگر گوشه ویسا آکَرِم اِشتَه وَر.

نامَه فیلیمونیرا 1:17

بَس اَگم مِن اِشتِه رَفِق بَزنیش، اَیی هَتَه قبول بِکَه که مِن قبول بَکَردیش.

یوحنا دوّمین نامَه 1:10

اَگم کسی بومَی شِمَه وَر و اِم تعلیمی مَواَرِه، اَئی شِمَه کَ کا راه مَدییَه و اَیی نَه موآجَه خِش اومَیش؛