رومی کلیسارا نامه 13:7 - کتاب مقدس به زبان تالشی شمالی

⁷ هَر کسی حقی آدییَه بَیی: اَگم خَراجَه، خَراج آدییَه، اَگم مالیاتَه، مالیات آدییَه، اَگم اِحترامَه، اِحترام بِنییَه؛ و اَگم حُرمَتَه، حُرمت بِنییَه.

کتاب مقدس به زبان تالشي - گویش مرکزی

⁷ هَرکَمی حَقی بَی بدَرَ: اَگَم مالیاتَه، مالیات بدَرَ؛ اَگَم خَراجَه، خَراج بدَرَ؛ اَگَم ایحترامَه، ایحترام بِنَرَ؛ و اَگَم حورمتَه، حورمت بکَرَ.

رومی کلیسارا نامه 13:7 Iomraidhean Croise

مَتّی 17:25

پطرس واتِشه: «اَلبت که آدَه!» وختی پطرس شَه کَ، پیش اَز اِم که چیی بوآجِه، عیسی اَیی نَه واتِشه: «شَمعون، تِه چِه فیکر بَکَردیش؟ دنیا پاُتشااِن کیون کا باج و مالیات ویگِرِن؟ اِشتَن مردمی کا یا خَلکی کا؟»

مَتّی 22:21

اَوِن جَواو دوشونَه: «رومی اِمپِراطوری شِن.» عیسی اَوون نَه واتِشه: «بَس اَ چیی که اِمپراطوری شِنَه آدییَه اِمپراطوری و اَ چیی که خِدا شِنَه آدییَه خِدا.»

مَرقُس 12:17

عیسی اَوون نَه واتِشه: «بَس اَ چیی که اِمپراطوری شِنَه آدییَه اِمپراطوری و اَ چیی که خِدا شِنَه آدییَه خِدا.» اَوِن چَیی گفون کا حَیرون مَندینَه.

انجیل لوقا 20:22

رومی اِمپِراطوری خَراج آدییِه شرعَن اَمَه را دُرستَه یا نِه؟»

انجیل لوقا 20:25

عیسی اَوون نَه واتِشه: «بَس اَ چیونی که اِمپراطوری شِنَه آدییَه اِمپراطوری و اَ چیونی که خِدا شِنَه آدییَه خِدا!»

انجیل لوقا 23:2

اَوِن دَمَندینَه عیسی متهم کَردِه، واتِشونَه: «اَمَه اِم نتیجه آرَستیمونَه که اِم مِرد چَمَه میلّتی راه کا بَرکَرِه و اَمَه قَدَغَن بَکَردی که رومی اِمپِراطوری خَراج آمَدییَم و اِدعا بَکَردی که اِشتَن مسیح و پاُتشایَه.»

رومی کلیسارا نامه 12:10

بِرااون شیوار یَندی نَه خِش بِبییَه. یَندی اِحترام نوعه کا پیش دَلکَه.

رومی کلیسارا نامه 13:6

اِمی واسی نی شِمَه مالیات آدییَه، چوم صاحِب منصبِن خِدا خِدمتکارِنی نَه و اِم چیون کا مواظبت بَکَردین.

نامَه اَفسوسی کلیسارا 5:33

خُلاصه اِم که، هَر کمیله شِمَه کا نی بَسی اِشتَن ژِنی نَه اِشتَن جانی شیوار خِش بِبو، و ژِنی هَواس نی بَسی جمع بِبو که اِشتَن شو حُرمت اِحترام بِکَرِه.

نامَه اَفسوسی کلیسارا 6:5

اِی نوکَرِن، شِمَه زمینی یَه اَربابون کا، ترس و لرزی نَه، و صِدق دیلی نَه، اِطاعت بِکَرَه، جوری که اِنگاری مسیح کا اِطاعت بَکَردیرون.

اوّلین نامَه تیموتائوسیرا 5:13

چِمی غِیراز، اَوِن تنبلی آموجِن، اِم کَ اَ کَ بَشین، نِه فقط تنبلی، بَلکَم خَوَربَر و فضول بَبین و اَ چییونی که نَبی بوآجین، بَواتین.

اوّلین نامَه تیموتائوسیرا 5:17

مشایخی که چاک رهبری کَردَشون بِبو، دِ برابر حُرمتی لایقی نَه، بِه خصوص کسونی که موعظه و تعلیم دوعِه کا زحمت بَکَشدین.

اوّلین نامَه تیموتائوسیرا 6:1

گِردِه کسونی که بندگی یوغی جیری کا اینَه، بَسی اِشتَن اَربابون تمام کمال اِحترام بِنَن تا خِدا نومی ضِد و چَمَه تعلیمی نَه بَدَه چیی مَواجِن.

پطروسی اوّلین نامَه 3:7

هَتَه نی، شِمَه اِی مِردَکِن، شِمَه ژِنَکون نَه جوری زندگی بِکَرَه که اَوِن درک بِکَرِن و آزونِن و چوم شِمَه کا ظریفتَری نَه، چَوون اِحترامی غَم بَرَه، چیرا که شِمَه شیوار فیض بَخشَه زِندگی هدیه وارثی نَه، تا مَبو که شِمَه دعااِن بی جَواو بومونِن.