رومی کلیسارا نامه 13:12 - کتاب مقدس به زبان تالشی شمالی

¹² شَو کارا تمون آبو و روز نِزدیکَه. پس بایَه تاریکی بَدَه کارون بِنییَم کَنار و نوری زِرِه دَکَرم.

کتاب مقدس به زبان تالشي - گویش مرکزی

¹² شَوی آخِرَ و روج نِزِکَه. پس بِرَ ظِلَماتی بَدَ کارون کَنار بِنَرَم و نوری زِرِه دَکَرم.

رومی کلیسارا نامه 13:12 Iomraidhean Croise

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

اوّلین نامَه قورَنتیانیرا 10:11

حِسَه اِم چیی اِن چَوون سَر اومینَه تا سَرمشق بِبو و نیویشته بَه تا درس عبرتی بِبو اَمَه را که اِم دورانی کا زندگی بَکَردیمون که آخِر زمانَه.

اوّلین نامَه قورَنتیانیرا 7:29

بِرااِن، چِمِن منظور اِمَه که وخت کَمَه. چِمی پَش، کسونی که ژِن هِستِشونه جوری زِندگی بِکَرن که اِنگاری ژِن نیشونه؛

دوومین نامه قرنتیانیرا 10:4

چوم که چَمَه جنگی اَسلحه، جِسمی کا نییَه، بَلکَم خِدا قدرتی هِستِشه تا قلعه اون نابود بِکَرَه.

دوومین نامه قرنتیانیرا 6:7

راستَه واجی نَه، خِدا قدرتی نَه، صالح بییِه سِلاحون نَه که چَمَه راستَ دَس و چپَ دَسی کایَه؛

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه اَفسوسی کلیسارا 5:11

تاریکی بی فایدَه کارون کا شریک مَبییَه، بَلکَم اَوون بَرمَلا بِکَرَه.

نامَه اَفسوسی کلیسارا 5:8

چوم که شِمَه ایی زمانی تاریکی کا بیرونه، امّا حِسَه خِداوندْی کا نوری رونه. بَس نوری خِردَنون شیوار رفتار بِکَرَه.

نامَه، عِبرانیه نَتاجَه مسیحیونرا 10:25

یَندی نَه جمع آبییِه کا دَس مَپِگِرَم، هَتَه که بَعضیون را عادت بییَه، بَلکَم یَندی وِرتَر تَشویق بِکَرَم- مخصوصاً حِسَه که بَویندیرون اَ روز یعنی خِداوند عیسی آگَردِستِه روز، هِی نِزدیکتَر بَبی.

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

یعقوبی نامَه 1:21

بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

یعقوبی نامَه 5:8

شِمَه نی صبور بِبییَه. شِمَه دیل قُرص بِبو، چوم چَمَه خِداوندی اومِه نِزدیک اِستَه.

پطروسی اوّلین نامَه 2:1

بَس هَر جورَه بَدی، و هَر جورَه حیلّه و دِ دیمی و حسودی، و هَر اِفتِرایی اِشتَن کا دور آکَرَه.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی دومین نامه 3:11

اِمی واسی که گِردِ اِم چییِن کارا نابود بَبین، شِمَه بَسی چِنتَه رَه آدَمونی بِبییَه؟ شِمَه بَسی ایلَه مقدّس و دیندارَه زندگی بِدارَه،

پطروسی دومین نامه 3:9

بَرعکسِ بعضی اِن گمون، خِداوند اِشتَن وعده اَنجام دوعِه کا عَری آنِکَرِه، بَلکَم شِمَه نَه صَبورَه، چوم نِپیستِشه هیچکَس هَلاک بِبو بَلکَم پیستِشَه گِرد توبه بِکَرِن.

یوحنا اوّلین نامَه 2:18

خِردَنن، اِم آخِرین ساعتَه و هَتَه که دَرَسَرونه ’ضدّمسیح‘ بومَی، حِسَه نی وِرَه ضِدّ مسیحِن اومَینه، و اِمی واسی بَزنیمون که آخِرین ساعتَه.

یوحنا موکاشیفَه 1:3

خَسَه بِبو اَ کسی که اِم نبوّتی کلامی بَخندی و خَسَه بِبو اَ کسونی که اَیی دَرَسِن و اَ چیی که چَیی دیلَه کا نیویشته بییَه، اَنجام بَداین؛ چوم اَ وَخت نِزدیکَه.

یوحنا موکاشیفَه 22:10

اَ مِنه واتِشه: «اِم کتابی نبوّتی کلامی مُهر و موم مَکَه چوم اَ وخت نِزدیکَه.