رومی کلیسارا نامه 13:11 - کتاب مقدس به زبان تالشی شمالی

¹¹ چِمون غیراز شِمَه بَزنیرون که چِه زمانی کا زندگی بَکَردیرون، حِسَه اَ وختی یَه که خاوی کا پِرِزَه. چیرا که حِسَه اَ زمانی مقایسه نَه که ایمان وَردِمونه، چَمَه نجات نِزدیکتَر آبَه.

کتاب مقدس به زبان تالشي - گویش مرکزی

¹¹ غَیراَز اِم شمَه بَموستیرون کِرَم زَمونَکا زندَگی بَکَرون. ایسَه چَی ساعت آرَستَه یَه کن خاویکا پِبَه، چیرا کن ایسَه اَ زمانی کن ایمان وَردِمونَه مقایسَه کا، چَمَه نیجات گَتِه نِزِک آبَه یَه.

رومی کلیسارا نامه 13:11 Iomraidhean Croise

مَتّی 16:3

و صِبی سَر، بَواتیرون: ”چوم آسِمون سِرَه و هوا گِتَه، اوری هوا طوفانی بَبی.“ شِمَه چاک بَزنیرون چِنتَه آسِمونی وضعیتی تعبیر بِکَرَه، امّا نیمَشایَه زمانون نیشونَه‌ اون تعبیر بِکَرَه!

انجیل لوقا 21:28

وختی اِم چیون اِتِفاق دَلَکِه شروع بَه، راست بومونَه و شِمَه سَرون کَفا بِگِرَه، چوم شِمَه آزادی نِزدیکه!»

اوّلین نامَه قورَنتیانیرا 10:11

حِسَه اِم چیی اِن چَوون سَر اومینَه تا سَرمشق بِبو و نیویشته بَه تا درس عبرتی بِبو اَمَه را که اِم دورانی کا زندگی بَکَردیمون که آخِر زمانَه.

اوّلین نامَه قورَنتیانیرا 15:34

اِم بیخودی یَه گفون کا که چَوون مَست آبَه ایرونه بِه اِشتَن بایَه و دِ گناه مَکَرَه؛ چوم بعضی اِن اِستینه که خِدا آنِزونِن. اِمی بَواتیم تا شرمَنده بِبییَه.

نامَه اَفسوسی کلیسارا 5:14

چوم هَر چیی آشکار بِبو نورَه. اِمی واسی واتَه بییَه که: «اِی تِه ایی که خِتیش، پِرِز، مَردَه اون دیلَه کا، زِندَه آبَش، و مسیح اِشتَن نوری بَه تِن دَتاوونه.»

یعقوبی نامَه 5:8

شِمَه نی صبور بِبییَه. شِمَه دیل قُرص بِبو، چوم چَمَه خِداوندی اومِه نِزدیک اِستَه.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی دومین نامه 3:11

اِمی واسی که گِردِ اِم چییِن کارا نابود بَبین، شِمَه بَسی چِنتَه رَه آدَمونی بِبییَه؟ شِمَه بَسی ایلَه مقدّس و دیندارَه زندگی بِدارَه،

پطروسی دومین نامه 3:9

بَرعکسِ بعضی اِن گمون، خِداوند اِشتَن وعده اَنجام دوعِه کا عَری آنِکَرِه، بَلکَم شِمَه نَه صَبورَه، چوم نِپیستِشه هیچکَس هَلاک بِبو بَلکَم پیستِشَه گِرد توبه بِکَرِن.

یوحنا اوّلین نامَه 2:18

خِردَنن، اِم آخِرین ساعتَه و هَتَه که دَرَسَرونه ’ضدّمسیح‘ بومَی، حِسَه نی وِرَه ضِدّ مسیحِن اومَینه، و اِمی واسی بَزنیمون که آخِرین ساعتَه.

یوحنا موکاشیفَه 1:3

خَسَه بِبو اَ کسی که اِم نبوّتی کلامی بَخندی و خَسَه بِبو اَ کسونی که اَیی دَرَسِن و اَ چیی که چَیی دیلَه کا نیویشته بییَه، اَنجام بَداین؛ چوم اَ وَخت نِزدیکَه.

یوحنا موکاشیفَه 22:10

اَ مِنه واتِشه: «اِم کتابی نبوّتی کلامی مُهر و موم مَکَه چوم اَ وخت نِزدیکَه.

یوحنا موکاشیفَه 22:12

«دَیِس، از هِم زودیون بومَیم و چِمِن اَ پاداشی که بَسی آدَم، اِشتَن نَه بواَردیم تا هَر کسی طبق اَ کاری که کَردَشَه عوض آدَم.

یوحنا موکاشیفَه 22:20

اَ کسی که اِم چییون را شهادتی بَدای، اِنتَه بَواتی: «حَتمن، هِم زودیون بومَیم.» آمین. بِری، اِی خِداوندْ عیسی!