رومی کلیسارا نامه 12:8 - کتاب مقدس به زبان تالشی شمالی

⁸ اَ کسی که تشویق بَکَردی، تشویق بِکَرِه. اَ کسی که کمک بَکَردی، دَس دیل بازی نَه کمک بِکَرِه. اَ کسی که رَهبری بَکَردی، اِم کاری غیرتی نَه بِکَرِه. و کسی که دییَرون را رَحم بَکَردی و میهروونی بَکَردی، شادی نَه اِم کاری بِکَرِه.

کتاب مقدس به زبان تالشي - گویش مرکزی

⁸ اَ کن تشویق بَکَیه، تشویق بکَرِ. اَ کن کمک بکَیه، دستو دیلبازینَه کمک بکرِ. اَ کن رَهبَرَ، اِم کاری غَیرَتینَه اَنجوم بدَرِ. و اَ کن دییَرون سَر رحم و مِرَبانی بَکیَه، خَشینَه اِم کاری بکَرِ.

رومی کلیسارا نامه 12:8 Iomraidhean Croise

مَتّی 25:40

پاُتشا چَوون جَواوی کا بَواتی: ”حقیقتن شِمَه نَه بَواتیم، هر کاری که چِمِن ایلَه روکتَرین بِرا اون را کَردَرونَه، بَه مِرا کَردَرونَه.“

رَسولون اَعمال 11:23

وختی بَرنابا آرَستَه اوآ و خِدا فیضی ویندِشه، شاد آبَه و گِردی تشویق کَردِشه تا تَمونِ جان و دیلی نَه خِداوندی وفادار بِبون،

رَسولون اَعمال 13:12

دومله فرماندار اِم ماجرا ویندِشه، ایمان وَردِشه، چوم اَ، تعلیمی کا که خِداوندی درباره بَداین مات و مبهوت آبَه بَه.

رَسولون اَعمال 13:15

تورات و پیغمبرون کتابون خَندهِ پَش، عِبادتگاه رَهبرِن، اَوون را پَیغوم ویسا آکَردِشونَه و واتِشونَه: «بِرااِن، اَگم گفی دارَه که مردمی تشویق بَکَردی، بوآجَه.»

رَسولون اَعمال 15:32

یهودا و سیلاس نی که پیغمبر بینَه، وِرَه گَفون نَه، بِرااون تَشویق کَردِشونَه و قوّت دوشونَه.

رَسولون اَعمال 20:2

پولس، اَ منطقه کا دَوییَردَه، اِشتَن گَفون نَه ایماندارون وِرَه دیلگرمی دوشَه، تا آرَستَه یونان.

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رَسولون اَعمال 4:36

یوسف نی که لاوی قبیله کا و قِپرِسی بَه، رسولِن اَیی بَرنابا لقب دوعَشون بَه، که چَیی معنی ’تشویقی زوعَه‘ یَه.

رومی کلیسارا نامه 12:13

مُقدّسون نیازون برطرف کَردِه کا شریک بِبییَه و میهمون‌ نواز بِبییَه.

رومی کلیسارا نامه 13:6

اِمی واسی نی شِمَه مالیات آدییَه، چوم صاحِب منصبِن خِدا خِدمتکارِنی نَه و اِم چیون کا مواظبت بَکَردین.

اوّلین نامَه قورَنتیانیرا 12:28

خِدا کلیسا دیلَه کا، اوّل رسولون، دوّم پِیغمبرون، سوّم معلّمون؛ دومله معجزه اَنجام دوعِه قدرت، چَیی بِه دومله شفا دوعِه عطیه اِن و کمک کَردِه و مدیر بییِه و جور بَه جورَه زَوونون نَه گف ژَندِه، تعیین کَردِشَه.

اوّلین نامَه قورَنتیانیرا 14:3

امّا اَ کسی که نبوّت بَکَردی، آدَمون نَه گف ژَنِه تا اَوون بَنا بِکَرِه و تشویق بِکَرِه و اَوون دیلداری بِدَه.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 11:3

امّا تَرسِم هَتَه که نَلتی، حَوا گول ژَندِشَه، شِمَه فیکر نی اَ صاف و صادقی و خلوصی نَه که بِه مسیح هِستِرونه، منحرف بِبو.

دوومین نامه قرنتیانیرا 8:12

چوم اَگم ذوق و شوق بِبو، اَ آدَمی هدیه مُطابق اَ چی که دارِه قَبول بَبی، نِه مطابق اَ چی که نیشَه.

دوومین نامه قرنتیانیرا 9:11

شِمَه هَر چیی کا دولتمند بَبیرون تا بِشایَه هَر چیی کا دَس دیل باز بِبییَه، و شِمَه اِم دَس دیل باز بییِه چَمَه واسطه نَه خِدا شُکرکَردِه را ختم بَبی.

دوومین نامه قرنتیانیرا 9:13

و اِم خِدمتی واسی مردم خِدا جلالی بَویندین، چوم که شِمَه نِه فقط اِعتراف بَکَردیرون مسیح اِنجیلی ایمان هِستِرونه، بَلکم اَوون و دییَرون اَ چیی دیلَه کا که هِستِرونه شریک بَکَردیرون.

دوومین نامه قرنتیانیرا 9:7

هَر کس هَ اَندازه ایی آدَه که اِشتَن دیلی کا نیّت کَردَشه، نِه بی میلی و زوری نَه، چوم خِدا، اَ کسی نَه که شادی نَه هدیه آدَه خِشَه.

نامَه اَفسوسی کلیسارا 6:5

اِی نوکَرِن، شِمَه زمینی یَه اَربابون کا، ترس و لرزی نَه، و صِدق دیلی نَه، اِطاعت بِکَرَه، جوری که اِنگاری مسیح کا اِطاعت بَکَردیرون.

نامَه کُولُسی کلیسا را 3:22

اِی نوکَرِن، هَر چیی کا شِمَه زمینی یَه اَربابون کا اِطاعَت بِکَرَه، نِه فقط اَ موقع که شِمَه دَیِسِن، اَ آدَمونی شیوار که چِمی دومله اینه که مردمی راضی آکَرِن، بَلکَم پاکَه دیلی نَه و خِداوندی تَرسی نَه.

اوّلین نامَه تَسالونیکی کلیسا را 2:3

چوم که چَمَه تشویق، خطا یا ناپاکی یا گول ژَندِه واسی نییَه،

اوّلین نامَه تَسالونیکی کلیسا را 2:8

اَمَه هَدَه شِمَه نَه خِش بیمونه که اِشتیاقی نَه حاضیر بیمونه نِه فقط خِدا اِنجیلی پَیغومی بِه شِمَه آرِساوونم، بَلکَم شِمَه راه کا چَمَه جانی کا نی دَوییَرَم، چوم که شِمَه اَمَه را وِر عزیز بیرونَه.

اوّلین نامَه تیموتائوسیرا 4:13

تا از بام، اِشتَن اِمی را وقف بِکَه که خِدا کلامی مردمی را بوخونی و اَوون تشویق بِکَری و تعلیم بِدَی.

اوّلین نامَه تیموتائوسیرا 5:17

مشایخی که چاک رهبری کَردَشون بِبو، دِ برابر حُرمتی لایقی نَه، بِه خصوص کسونی که موعظه و تعلیم دوعِه کا زحمت بَکَشدین.

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

نامَه، عِبرانیه نَتاجَه مسیحیونرا 10:25

یَندی نَه جمع آبییِه کا دَس مَپِگِرَم، هَتَه که بَعضیون را عادت بییَه، بَلکَم یَندی وِرتَر تَشویق بِکَرَم- مخصوصاً حِسَه که بَویندیرون اَ روز یعنی خِداوند عیسی آگَردِستِه روز، هِی نِزدیکتَر بَبی.

نامَه، عِبرانیه نَتاجَه مسیحیونرا 13:17

شِمَه رهبرون کا اِطاعَت بِکَرَه و چَوون تسلیم بِبییَه؛ چوم اَوِن شِمَه جانون کا محافظت بَکَردین و بَسی حِساب پَس آدَن. بِدارَه اِشتَن کاری شادی نَه بِکَرِن نِه آه و ناله نَه، چوم شِمَه نفع نییَه.

نامَه، عِبرانیه نَتاجَه مسیحیونرا 13:22

اِی بِرااِن، شِمَه کا پیستِمَه چِمِن گفی که پند و نصیحتَه تاو بواَرَه، چوم شِمَه را خُلاصه نیویشتَمَه.

نامَه، عِبرانیه نَتاجَه مسیحیونرا 13:24

شِمَه گِردِ رهبرون و گِردِ مقدّسون را سلام آرِساوونَه. کسونی که ایتالیا کا مَندینه، شِمَه را سلام آرِساوونِن.

نامَه، عِبرانیه نَتاجَه مسیحیونرا 13:7

شِمَه رهبرون ویر بواَرَه، اَوِن که خِدا کلامی شِمَه را واتَشونَه. چَوون زندگی رَوِشی عاقِبتی دَیِسَه و چَوون ایمانی کا سَرمشق بِگِرَه.