رومی کلیسارا نامه 12:7 - کتاب مقدس به زبان تالشی شمالی

⁷ اَگم خدمت کَردِه یَه، چَمَه خدمتی کا. اَ کسی که تعلیم بَدای، تعلیم بِدَه.

کتاب مقدس به زبان تالشي - گویش مرکزی

⁷ اَگَم خیدمَتَه، خیدمَت کردِرا. اَ کن آموج دَرِ ، آموج بِدَ.

رومی کلیسارا نامه 12:7 Iomraidhean Croise

مَتّی 28:19

بَس بِشَه و گِردِ میلَّتون چِمِن شاگِرد بِکَرَه و اَوون دَده نومی نَه، زوعَه نومی نَه و رو‌ح القدسی نومی نَه غُسل تعمید بِدییَه،

یوحنا 3:2

ایی شَو اَ اومَه عیسی وَر و اَیی نَه واتِشه: «اُستاد، بَزنیمون تِه معلّمی اِستیش که خِدا طرفی نَه اومَیش، چوم هیچکس نیمَشا علامت و معجزه اونی که تِه بَکردیش، بِکَرِه، مَگم اِم کِه خِدا اَیی نَه بِبو.»

رَسولون اَعمال 13:1

اَنطاکیه کلیسا کا، پیغمبرِن و مُعلِمِنی بینَه: بَرنابا، شَمعون معروف بِه نیجِر، لوکیوسِ قیرَوانی، و مَنائِن که هیرودیسِ حاکمی ناتَنی یَه بِرا بَه و شائول.

رَسولون اَعمال 20:20

هَتَه که بَزنیرون، از چِنتَه هَر چی کا که ممکن بَه شِمَه را فایدَه بِدارِه، چیی دریغ نِکَردِمَه، بَلکَم پیغومی شِمَه را اِعلام کَردِمه، چِه جمعی دیلَه کا و چِه کَ بِه کَ شِمَه تعلیم دوعَمه.

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رَسولون اَعمال 6:1

اَ روزون کا که شاگِردون تعداد وِرتَر بَبی، یهودیونی که چَوون زوون یونانی بَه، یهودیونی کا که چَوون زوون عِبرانی بَه، گیلایَه کَردِشونَه که چَوون ویوَه ژِنَکون روزونَه غذا سهمی دُرست آنِدَن.

اوّلین نامَه قورَنتیانیرا 12:28

خِدا کلیسا دیلَه کا، اوّل رسولون، دوّم پِیغمبرون، سوّم معلّمون؛ دومله معجزه اَنجام دوعِه قدرت، چَیی بِه دومله شفا دوعِه عطیه اِن و کمک کَردِه و مدیر بییِه و جور بَه جورَه زَوونون نَه گف ژَندِه، تعیین کَردِشَه.

اوّلین نامَه قورَنتیانیرا 12:5

خِدمَتِن جور بَه جوری نَه، امّا خِداوند هَ اِستَه؛

اوّلین نامَه قورَنتیانیرا 14:26

بِرااِن، بَس منظور چَه؟ وختی یَندی نه جمع آبییَه، هَر کس ایلَه ستایشَ سرودی، ایلَه تعلیمی، ایلَه مکاشفه‌ای، ایلَه زَوونی و یا ایلَه ترجمه‌ای هِستِشَه. بِدارَه اِمِن گِرد بنا بییِه را اِستفاده بِبون.

نامه غلاطیَه کلیسارا 6:6

اَ کسی که خِدا کلامی کا تعلیم بَگتی، بَسی هَر چاکَه چیی، اَ کسی نَه که اَیی تعلیم بَدای شَریک بِکَرِه.

نامَه اَفسوسی کلیسارا 4:11

و اَ بَه که رسولون آدوشَه، پیغمبرون، مبَشرون، شوونَه اون و معلّمون آدوشَه،

نامَه کُولُسی کلیسا را 4:17

و آرخیپوسی نَه بوآجَه: «اِشتِه هَواس بِبو تا خدمتی که خِداوندی کا ویگِتَرَه، کامِل اَنجام بِدَی.»

اوّلین نامَه تیموتائوسیرا 2:7

چوم که اَز اِمی واسی مُعَین بیمَه تا غیر یهودیون را ایلَه تعلیم دَهنده و ایلَه رسول و ایلَه ایمانی معلّم حقیقتی کا بِبوم- حقیقتی بَواتیم و دوروع نِواجِم.

اوّلین نامَه تیموتائوسیرا 3:2

بَس ایلَه ناظر بَسی چَیی زندگی کا هیچی مَبو که چَیی واسی سَرکوفت بَرِه، ایلَه ژِن بِدارِه، هوشیار بِبو، اِشتَن پیشی بِگِرِه و آبرومَند بِبو، میهمون‌ نواز بِبو و بِشا تعلیم بِده؛

اوّلین نامَه تیموتائوسیرا 4:16

اِشتِه هَواس چاک، بَه تِه کا و اَ تعلیمی کا که بَدایش بِبو. اِمی کا پابَرجا بِبَش، چوم که اِم کاری نَه هَم اِشتَن و هَم کسونی که اِشتِه گفی دَرَسِن نجات بَدایش.

اوّلین نامَه تیموتائوسیرا 5:17

مشایخی که چاک رهبری کَردَشون بِبو، دِ برابر حُرمتی لایقی نَه، بِه خصوص کسونی که موعظه و تعلیم دوعِه کا زحمت بَکَشدین.

دِوُّمین نامَه تیموتائوسیرا 2:2

و اَ چیونی که وِرَه شاهِدون حضوری کا بَه مِن کا دَرَسِرَه، دَسپار وفادارَه آدَمون که بَشاین بقیه نی باموجِن.

دِوُّمین نامَه تیموتائوسیرا 2:24

خِداوندی نوکر نَبی دعوامُرافه بِکَرِه، بَلکَم بَسی گِردی نَه میهروون بِبو، بِشا تعلیم بِدَه و بَدی اون کا صبری نَه تاو بواَرِه.

دِوُّمین نامَه تیموتائوسیرا 4:2

خِدا کلامی اِعلام بِکَه و وخت و بی وخت آمادَه بِبی و وِرَه صَبر و کامِلَ تعلیمی نَه، اِصلاح و توبیخ و تَشویق بِکَه.