رومی کلیسارا نامه 12:3 - کتاب مقدس به زبان تالشی شمالی

³ چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

کتاب مقدس به زبان تالشي - گویش مرکزی

³ چون فِیضی خونِه کن بَمن عَطا بَه یَه، هَر کِرَمی شِمَکا باتیمَه کن بَشتَن ویشتَر از اَچییی کن هِستیرون، مَزنَه، بَلکَم هَر کَس اَ ایمانی اَندازَ کن خدا بَشِمَه بَخشِستَشَه، دِرِست قیضاوَت بکَرَ.

رومی کلیسارا نامه 12:3 Iomraidhean Croise

انجیل لوقا 18:11

اَ فریسی مَندَه و اِشتَن نَه اِنتَه دعا کَردِشه و واتِشه: ”خِدایا، تِه شُکر بَکَردیم که دییَر مردمی شیوار دِزد نیمَه، بی اِنصاف نیمَه و زِناکار نیمَه، یا حتی اِم باجگیری شیوار نیمَه.

یوحنا 3:34

کسی که خِدا طرفی نَه ویسا آبَه، خِدا کلامی بَواتی، چوم خِدا اِشتَن روح، بی اَندازه عَطا بَکَردی.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 11:20

راست بَواتیش. امّا اَوِن بی ایمانی واسی دَوِردَه بینَه و تِه فقط ایمانی نَه پا بَرجا ایش. بَس مغرور مَبش بَلکَم بِتَرس.

رومی کلیسارا نامه 11:25

اِی بِرااِن، نِپیستِمه اِم سِرّی کا بیخَوَر بِبییَه- نَبادا اِشتَن دانا بِزونَه- که دیل سختی بعضی اِسرائیلی یون سَری کا حُکمفرما بییَه، تا کسونی تعداد که قَرارَه غیریهودیون دیلَه کا بِه مسیح ایمان بواَرِن کامِل آبو.

رومی کلیسارا نامه 12:16

یَندی نَه مُدارا بِکَرَه! مغرور مَبییَه، بَلکَم کسونی نَه که سادَه و ضعیفی نَه رفت و آمد بِکَرَه. هرگِز شِمَه دانا مَزونه.

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

اوّلین نامَه قورَنتیانیرا 3:10

اَ فیضی نَه که خِدا بَه مِن آدوشَه، ایلَه ماهرَه معماری شیوار پاکار کَندِمه و ایی نفر دییَر اَ پاکاری سَری کا، ساختمون وَج آکَرِه. هَر کسی بَسی ویرا بِبو که چِنتَه وَج آکَرِه.

اوّلین نامَه قورَنتیانیرا 7:17

هَر کسی فقط هَتَه زِندگی بِکَرِه که خِداوند اَیی را مُعَین کَردَشه و اَته که خِدا اَیی دعوت کَردِشَه. اِم حُکمی یَه که از اَیی گِردِ کلیسااون دیلَه کا بَواتیم.

دوومین نامه قرنتیانیرا 10:13

ولی اَمَه بیش از اَندازه اِفتخار نِکَرَم، بَلکَم فقط هَ اَندازَه اِفتخار بَکَردیمون که خِدا اَمَه را مُعیَن کَردَشه، هَ اَندازه ای که شِمَه نی در بَر بَگتی.

دوومین نامه قرنتیانیرا 12:13

چوم که چِه چی کا اَلباقی کلیسااون کا کمتر شِمَه را لطف بَه، اِمی غِیراز که از اِشتَن هرگز شِمَه دوشی سَری کا باری نِبیمَه؟ چِمِن اِم خطا بِبَخشه!

دوومین نامه قرنتیانیرا 12:7

بَس اِمی واسی که اِم یالَه مکاشفاتی که بی حد و اندازه نی اِستَه، مِن مغرور مَکَرِه، ایلَه تیگی، چِمِن جسمی کا بَه مِن آدوعَه بَه، یعنی شیطان ویسا آکَردِشَه، تا مِن عذاب بِدَه و مَرزِه از مغرور بِبوم.

نامه غلاطیَه کلیسارا 6:3

چوم اَگم ایی نفر اِشتَن چیی بِه حساب بواَرِه که نییَه، اِشتَن گول ژَنِه.

نامَه اَفسوسی کلیسارا 3:2

بیدون شَک شِمَه اِم جریانی درباره دَرَسَرونه که خِدا فیضی نظارت شِمَه خِدمتی واسی بَه مِن آدوعَه بییَه.

نامَه اَفسوسی کلیسارا 3:4

وختی که اَیی بوخونه، بَشایرون بِفَهمه که از چِنتَه مسیح سِرّی فهمِستِمَه،

نامَه اَفسوسی کلیسارا 4:16

چَیی دیلَه کایَه که گِردِ بَدَن، هَر مفصلی نَه که اَیی مربوطهَ چِفت و بَست بَبین و دَچیکِن، تا هَر عضوی درست کار بِکَرِه، بَدَن رُشد بَکَردی و اِشتَن محبتی کا بینا بَکَردی.

نامَه فیلیپی کلیسا را 2:13

چوم خِدایَه که شِمَه دیلَه کا اِشتَن خشنودی را کار بَکَردی، هَم اِراده کا هَم عَملکردی کا.

نامَه کُولُسی کلیسا را 1:29

اِمی واسی یَه که اَز زَحمت بَکَشتیم و تَمون چِمِن قوّتی نَه چَیی واسطه نَه که چِمِن دیلَه کا قوّتی نَه کار بَکَردی، تَقَّلا بَکَردیم.

نامَه کُولُسی کلیسا را 2:13

و خِدا، شِمَه که شِمَه گناه اون و شِمَه خَتنَه نِبییَه جِسمی دیلَه کا مَردَه بیرونه، مَسیح نَه زِندَه آکَردِشه. اَ چَمَه خَطا اون گِردی بَخشِستِشه،

اوّلین نامَه تیموتائوسیرا 1:14

و چَمَه خِداوندی فیض، اَ ایمان و محبتی نَه که مسیحْ عیسی کایَه، فَت و فَراوون چِمن سَری کا ویبَه.

اوّلین نامَه تیموتائوسیرا 2:15

امّا ژِن، خِردَن دنیا وَردِه نَه نجات پیدا بَکَردی، اَگم ایمان و مُحبت و مقدّس بییِه کا، نجابَتی نَه بومونِه.

اوّلین نامَه تیموتائوسیرا 2:9

هِنتَه نی پیستِمَه که ژِنَکِن آبرومندانَه خَلا دَکَرِن، نجابت و حَیا نَه، نِه وَته گیسه اون نَه، یا طِلا و مِرواری نَه، یا گِرونَ خَلااون نَه،

نامَه تیتوسیرا 2:12

و بَمون آموجِه که بی‌دینی و دنیایی یَه هَواهَوسون وِل آکَرَم، چَمَه پیشی بِگِرَم و صالحی و دینداری نَه اِم دورَه کا زِندگی بِکَرَم،

نامَه تیتوسیرا 2:2

پیرَه مِردَکون هَواس جَمع بِبو، باوَقار بِبون، اِشتَن پیشی بِگِرِن و ایمان و محبت و پابَرجایی کا، دُرست رفتار بِکَرِن.

نامَه تیتوسیرا 2:4

تا جَوونَ ژِنَکون باموجِن که شو دوست و خِردَن دوست بِبون

نامَه تیتوسیرا 2:6

هِنتَه نی، جَوونَ مِردَکون نی اِصرار بِکَه تا اِشتَن پیشی بِگِرِن.

یعقوبی نامَه 4:6

امّا خِدا وِرتَر فیض بَبَخشستی، اِمی واسی بَواتی: «خِدا مَغرورون پیشی کا بَمَندی، امّا فروتَنون فیض بَبَخشستی.»

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 4:11

هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی اوّلین نامَه 5:5

هِنتَه شِمَه نی اِی جَوونِن، مشایخون کا اِطاعت بِکَرَه. شِمَه گِرد، شِمَه رفتاری کا یَندی نَه فروتنی دَکَرَه، چوم، «خِدا مغرورون پیشی کا بَمَندی، امّا فروتنون فیض بَدای.»

پطروسی اوّلین نامَه 5:8

ویرا بِبیَه، شِمَه هَواس جمع بِبو، شِمه دِشمِن اِبلیس ایلَه شیری شیوار غُرِش بَکَردی و هَر طرفی را کارا بَگردِستی، ایی نفری بِتلَفِه که اَیی ویبَرِه.

یوحنا سوّمین نامَه 1:9

از کلیسا را ایی چیی نیویشتِمه، امّا دیوتْرِفیس که خِشَه اِشتَن اوّل بِزونه، چَمَه اِقتداری اِعتنا نِکَرِه.