رومی کلیسارا نامه 12:2 - کتاب مقدس به زبان تالشی شمالی

² و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

کتاب مقدس به زبان تالشي - گویش مرکزی

² و دِ هنتَه اِم دِنیا شیوار مَبَه، بَسکَم اِشتَن فکری تازَ آبِه نَه عَوَض آبَه. اَموقه خدا ایرادَ فَهمِستِه بَشارون؛ خدا دِل پیستَه و کامیلَه ایرادَ.

رومی کلیسارا نامه 12:2 Iomraidhean Croise

مَتّی 13:22

دونَه ایی که بِرّون دیلَه کا ویبَه، کسی یَه كه خِدا کلامی دَرَسِه، امّا دنیا نِگرانی اِن و مال دنیا وسوسه، خِدا کلامی خَفه بَکَردی و بی ثمَر بَکَردی.

مَرقُس 4:19

امّا اِم دنیا نِگرانی اِن و مال دنیا وسوسه و دییَر چییون هَوس، چَوون دیلی دیلَه دَشو و خِدا کلامی خَفه بَکَردی و بی‌ثَمر بَکَردی.

یوحنا 14:30

وِر وخت مَندَه نییَه که شِمَه نَه گَف بِژَنِم، چوم اِم دنیا رَئیس، که شیطان بِبو، کارا بومَی. اَ هیچ اِدعایی چِمِن سَری کا نیشَه؛

یوحنا 15:19

اَگم دنیا شِن بَبیرون، دنیا شِمَه نَه اِشتَن کسون شیوار خِش بَبی. امّا چوم دنیا شِن نیرونَه بَلکَم اَز شِمَه دنیا کا اِنتخاب کَردَمه، دنیا شِمَه کا بیزارَه.

یوحنا 17:14

اَز اِشتِه کلامی اَوون آدوعَمَه، امّا اِم دنیا اَوون کا بیزار بَه، چوم اِم دنیا شِن نینَه، اِنتَه که اَز اِم دنیا شِن نیمَه.

یوحنا 7:7

دنیا مردم نیمَشان شِمَه کا بیزار بِبون امّا بَه مِن کا بیزاری نَه، چوم اَز شهادتی بَدایم که چَوون کارِن بَدی نَه.

رومی کلیسارا نامه 12:1

بَس اِی بِرااِن، خِدا رَحمتون واسی، شِمَه کا خواهیشت بَکَردیم که شِمَه بَدنی زِندَه قِربونی شیوار، مقدّس و خِدا دیلی باب، تقدیم بِکَرَه که اِم شِمَه روحانی یَه عبادتَه.

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

رومی کلیسارا نامه 7:12

بَس، شریعتْ مقدّسَه و شریعتی حُکم نی مقدّس، دُرست و چاک.

رومی کلیسارا نامه 7:14

چوم اَمَه بَزنیمون که شریعت روحانی یَه، امّا اَز جِسمانی یَه اِنسانیمَه و ایلَه بَردَه ای شیوار خِرَته بَییمَه بِه گِناه.

رومی کلیسارا نامه 7:22

چوم اَز چِمِن باطنی دیلَه کا خِدا شریعتی کا کیف بَکَردیم،

اوّلین نامَه قورَنتیانیرا 3:19

چوم که اِم دنیا حِکمت، خِدا نظری کا نادونی یَه. هَتَه که ایوبی کیتابی کا نیویشته بییَه که: «حَکیمَ آدَمون چَوون اِشتَن فَنی نَه گیرفتار بَکَردی.»

دوومین نامه قرنتیانیرا 4:4

اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

دوومین نامه قرنتیانیرا 5:17

بَس اَگم ایی نفر مسیح دیلَه کا بِبو، تازه خِلقتی اِستَه. هَر چیی که کَنه بَه دِ تَمون آبَه؛ حِسَه، گِردِ چیی اِن تازه آبَیینه!

نامه غلاطیَه کلیسارا 1:4

که اِشتَن جانی چَمَه گناه اون راه کا آدوشَه، تا اَمَه، خِدا اِراده نَه و چَمَه دَده، اِم شَرَه دورانی کا رهایی بِدَه.

نامَه اَفسوسی کلیسارا 1:18

تا شِمَه دیلی چِمِن روشون آبون، تا اَ اُمیدی که خِدا شِمَه چَیی واسی دَخوندِشه آزونَه، و خِدا اَ بی حَدو اندازه و پُر جلال میراثی، مقدّسون دیلَه کا بِفهمَه،

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 5:17

بَس نادون مَبییَه، بَلکَم بِفهمَه که خِداوندی اِراده چَه.

نامَه کُولُسی کلیسا را 1:9

اِمی واسی، اَمَه نی اَ روزی نَه که اِمی دَرَسِمونه، شِمَه را دعا کَردِه کا دَس نِپِگتَمونه، بَلکَم هَمیشه خِدا کا پیستِمونَه تا چَیی اِرادَه آزونستِه نَه، هَر حِکمت و روحانی یَه فهمی کا پور بِبییَه؛

نامَه کُولُسی کلیسا را 3:10

و تازَه آدَمی خَلا دَکَردَرونه، که معرفت حقیقی کا هَر لحظه تازَه بَبی تا اِشتَن خالقی شیوار بِبو.

نامَه کُولُسی کلیسا را 4:12

اِپافْراس که ایلَه شِمَه کا و مسیحْ عیسی خادِمَه، شِمَه را سلام آرِساوونِه. اَ خِدا کا پیستِشَه که شِمَه یالَ آدَمون و خاطر جمعون شیوار پابَرجابومونه، و خِدا اِرادَه کاملا اِطاعت بِکَرَه.

اوّلین نامَه تَسالونیکی کلیسا را 4:3

چوم که خِدا اِراده اِمَه یعنی شِمَه مقدّس بِبییَه: که اِشتَن بی‌عفتی کا دور غَم بَرَه؛

نامَه تیتوسیرا 3:5

اَ اَمَه نجات دوشَه. اِم نجات نِه چَمَه چاکَه کارونی واسی که صالِحی کا کَردَمون بَه، بَلکَم اِشتَن رَحمتی واسی، و اَ شوشتِه ای راه کا بَه که چَیی واسطه نَه روح القدوس اَمَه تولد تازه و تازه زندگی آدوعَشَه،

یعقوبی نامَه 1:27

پاک و خالصَه دینداری خِدای دَده نَظری کا اِمَه که، یَتیمون و ویوَه ژِنَکون مصیبتی کا چَوون دَسی بِگِرَم و اِم فاسِدَه دنیا کا اِشتَن دور غَم بَرَم.

یعقوبی نامَه 4:4

اِی زناکارِن، بَگم نیمَزنه دنیا نَه رَفاقَت کَردِه، خِدا نَه دِشمنی کَردِه اِستَه؟ بَس هَر کسی که دنیا نَه رَفاقت کَردِه دومله اِستَه، اِشتَن، خِدا دِشمِن بَکَردی.

پطروسی اوّلین نامَه 1:14

اَ مطیع خِردَنون شیوار، اَ هَواهَوسون شیوار مبییَه که نادونی دورانی کا داریرون.

پطروسی اوّلین نامَه 1:18

چوم بَزنیرون، شِمَه آزادی، اِم بیخودی یَه راه اون دیلَه کا که شِمَه دَده اون کا اِرث بَردَه رونَه، اَ چیونی نَه که از بِین بَشی، طِلا و نِقره شیوار خِریَه بَه نییَه،

پطروسی اوّلین نامَه 2:3

اَگم راس راسی چَشَرونَه که خِداوند چاکَه.

پطروسی اوّلین نامَه 4:2

و باقی عُمری جِسمی کا، نِه آدَمی هَواهَوسی نَه، بَلکَم خِدا اراده کا زندگی بَکَردی.

پطروسی دومین نامه 1:4

که اِم چییون اِشتَن یال و با اِرزِشَه وعده اون واسطه نَه بَمون بَخشِستَشه، تا چَوون واسطه نَه طبیعت الهی کا شریک بِبییَه و اَ فسادی کا که هَواهَوسی واسی دنیا دیلَه کا وجود دارِه،آزاد بِبییَه.

پطروسی دومین نامه 2:20

چوم اَگم اَوِن که خِداوند و چَمَه نجات‌دهندۀ عیسایِ مَسیح آزونِستِه پَش، دنیا فِسادی کا جیوَشته اینَه، اَگم هَنی اَ چییون گیرفتار بِبون و شکست بَرِن، چَوون آخِرعاقب اوّلی کا بَدتر بَبی.

یوحنا اوّلین نامَه 3:13

اِی بِرا اِن، تعجب مَکَرَه اِمی واسی که دنیا شِمَه کا بیزارَه.

یوحنا اوّلین نامَه 5:19

اَمَه بَزنیمون که خِدا کا ایمونه و گِردِه دنیا اَ شَریری قدرتی جیری کایَه.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.