رومی کلیسارا نامه 12:12 - کتاب مقدس به زبان تالشی شمالی

¹² اُمیدْی کا شاد بِبییَه، مُصیبَتون کا صبور بِبییَه و همیشه دعا بِکَرَه.

کتاب مقدس به زبان تالشي - گویش مرکزی

¹² اومیدیکا خَش، و غَرَّ روجونکا صَبور ببَه و اوزون دِوا بکَرَ.

رومی کلیسارا نامه 12:12 Iomraidhean Croise

مَتّی 5:12

خوش بِبییَه و شادی بِکَرَه، چوم شِمَه پاداش آسِمونی کا یالَ. چوم پیغمبرونی که پیش اَز شِمَه بینَه نی هِنتَه اَذیت آزار کَردِشونَه.

انجیل لوقا 10:20

ولی ِامی واسی که روحِن شِمَه کا اِطاعت بَکَردین شادی مَکَرَه، بَلکَم شِمَه شادی اِمی واسی بِبو که شِمَه نوم آسِمونی کا نیویشته بییَه.»

انجیل لوقا 21:19

شِمَه صبر و تحملی نَه، شِمَه جانی نجات بَدایرون.

انجیل لوقا 8:15

امّا دونه اِنی که چاکَ خاکی کا ویبینَه کَسونی اِستینَه که خِدا کلامی دَرَسِن و صاف وصادقَه دیلی نَه محکم اَیی دَچیکِن و صَبری نَه ثمر بواَردین.

رَسولون اَعمال 1:14

اَوِن گِرد، ژِنَکون همراه و مریم نی عیسی نَنه و عیسی برا اِن، یَکدیل اِشتَن وختی گِردی دعا کَردِه را بَناین.

رَسولون اَعمال 12:5

بَس پطرسی زندانی کا غَم هَردِشونَه، امّا کلیسا پِطرسی را یِکسَره خِدا وَری کا دعا بَکَردی.

رَسولون اَعمال 2:42

اَوِن اِشتَن وقف کَردِشونَه رسولون کا تعلیم گِتِه را. دییَر ایماندارون نَه مشارکت کَردِه را و نون پَله کَردِه و دعا کَردِه را.

رَسولون اَعمال 6:4

ولی اَمَه چَمَه وختی گِردی بَنایمون دعا کَردِه را و خِدا کلامی خِدمتی را.»

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

رومی کلیسارا نامه 15:4

چوم هَر چیی که گِذشته کا نیویشتَه بییَه، چَمَه تعلیمی را بَه تا مقاومتی نَه و اَ دیلگرمی نَه که مقدّس نیویشته اِن بَمون آدَه، اُمید بِدارَم.

رومی کلیسارا نامه 2:7

خِدا، اَبَدی یَه زندگی کَسونی آدَه که صبری نَه چاکه کارون اَنجام دوعِه کا، جلال و حُرمت و اَبَدی یَه زندگی دومله اینه؛

رومی کلیسارا نامه 8:25

امّا اَگم ایی چیی که حَلا ویندَمون نییَه اُمید دَوَستَمونه، صبری نَه چَیی منتظر بَمَندیمون.

اوّلین نامَه قورَنتیانیرا 13:13

بَس حِسَه، اِم سِه گِله چی باقی بَمَندی: ایمان، اُمید و محبت. امّا چِمون دیلَه کا محبت یالتَرینَه.

دوومین نامه قرنتیانیرا 12:8

اِم جریانی را سِه کَرَه خِداوندی مِنّت کَردِمَه که اَیی بَه مِن کا ویگِرِه،

نامَه فیلیپی کلیسا را 3:1

آخِرسَر اِی چِمِن بِرااِن، خِداوندی کا شاد بِبییِه! گِردِ اِم چییون که شِمَه را بَنویشتیم بَه مِرا زحمتی نیشَه، بَلکَم شِمَه اَمنیتی را یَه.

نامَه فیلیپی کلیسا را 4:4

همیشه خِداوندی کا شاد بِبییَه؛ هَنی بَواتیم: شاد بِبییِه.

نامَه کُولُسی کلیسا را 1:11

و تمون قوّتی نَه که چَیی پُرجلال قدرتی کا بومَی، قوّت بِگِرَه تا شادی نَه بَرکَ صبر و تحملی بِدارَه؛

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

نامَه کُولُسی کلیسا را 4:12

اِپافْراس که ایلَه شِمَه کا و مسیحْ عیسی خادِمَه، شِمَه را سلام آرِساوونِه. اَ خِدا کا پیستِشَه که شِمَه یالَ آدَمون و خاطر جمعون شیوار پابَرجابومونه، و خِدا اِرادَه کاملا اِطاعت بِکَرَه.

نامَه کُولُسی کلیسا را 4:2

همیشه دعا کا پابَرجا بِبییَه، شُکرکَردِه نَه، دعا کا شِمَه هَواس جمع بِبو.

اوّلین نامَه تَسالونیکی کلیسا را 1:3

شِمَه کار که ایمانی کایَه و زحمتی که محبتی کا کَشَه و شِمَه پایداری اُمید که چَمَه خِداوند عیسایِ مسیح کایَه، خِدا و چَمَه آسمونی یَه دَده پیشی کا، ویر بَواَردیمون.

اوّلین نامَه تَسالونیکی کلیسا را 5:8

امّا چوم اَمَه روزی شِنی مونه، بَسی هوشیار بِبییَم، ایمان و محبتی زِرِه دَکَرَم، و نجاتی اُمیدی ایلَه کُلاهخودی شیوار چَمَه سَری کا پِنَیَم.

دوّمین نامَه تَسالونیکی کلیسا را 1:4

اِمی واسی، اَمَه اِشتَن خِدا کلیسااون کا شِمَه را اِفتخار بَکَردیمون، شِمَه پایداری و ایمانی واسی، که تمون اَذیت آزارون و عذابون کا تاو وَردِرونه.

دوّمین نامَه تَسالونیکی کلیسا را 3:5

خِداوند شِمَه دیلون خِدا محبت و مسیح پابَرجایی نَه هدایت بِکَرِه.

اوّلین نامَه تیموتائوسیرا 6:11

امّا تِه که مِردِ خِدا ایش، اِم چییون کا دَوَز، و صالحی، دینداری، ایمان، مُحبت، پابَرجایی و ملایمتی دومله بِبَش.

دِوُّمین نامَه تیموتائوسیرا 3:10

ولی تِه چِمِن تعلیم، چِمِن رَفتار، چِمِن هدف، چِمِن ایمان، چِمِن صَبر، چِمِن مُحبت و چِمِن طاقتی نِزدیکی نَه شاهِد بیشَه،

نامَه تیتوسیرا 2:13

و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه تیتوسیرا 3:7

تا چَیی فیضی نَه، صالِح بِه حساب بایَم، و طبق اُمیدی که اَبَدی یَه زِندگی را هِستِمونه، وارِثون بِبییَم.

نامَه، عِبرانیه نَتاجَه مسیحیونرا 10:32

ولی اَ قدیمَ روزون ویر بواَرَه، اَ زمانی که تازَه نورانی بَه بیرونَه؛ شِمَه ایلَه چَتینَ مبارزَه کا عذابی نَه تاو وَردِرونَه.

نامَه، عِبرانیه نَتاجَه مسیحیونرا 10:36

چوم که شِمَه اِحتیاج دارَه تاو بواَرَه، تا اَ موقع که خِدا پیستَه اَنجام بِدییَه، اَ چیی که وعده دوعَه بَه، بِه دَس بواَرَه.

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

نامَه، عِبرانیه نَتاجَه مسیحیونرا 5:7

اَ روزونی که عیسی جِسمی دیلَه کا بَه، داد کَردَه اون نَه و بِلندَه خِلِع اون و اِسِرگون نَه اَ کسی وَری کا که بَشای اَیی مرگی کا نجات بِدَه، دعا و مِنَّت کَردِشَه و اِشتَن کامِلَه اِطاعتی واسی، چَیی دعا مستجاب بَه.

نامَه، عِبرانیه نَتاجَه مسیحیونرا 6:12

تا تنبل مَبییَه، بَلکَم شِمَه سَرمشق کسونی بِبون که ایمان و صبری نَه وعده‌ اون وارث بَبین.

نامَه، عِبرانیه نَتاجَه مسیحیونرا 6:15

و اِنتَه، اِبراهیم بعد از اِم که صبوری نَه منتظر مَندَه، وعده بِه دَس وَردِشَه.

یعقوبی نامَه 5:7

بَس اِی بِرا اِن، تا اَ روزی که خِداوند بومَی صَبر بِکَرَه. دَیِسه چِنتَه کَشاورز اِنتظار کَشِه تا زَمین اِشتَن با اِرزِشَ محصولی بِه بار بواَرِه؛ چِنتَه صَبر بَکَردی تا پاییز و بهاری وارِشِن زمینی سَری کا بِوارِن.

پطروسی اوّلین نامَه 4:13

بَلکَم شاد بِبییَه اِمی واسی که مَسیح رنجون کا شَریک بِبییَه، تا اَ موقع که چَیی جلال آشکار آبو، شِمَه نی شادی بِکَرَه و وَشت واز بِکَرَه.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی دومین نامه 1:6

و آزونِستِه نَه، خود داری، و خود داری نَه، مقاومت، و مقاومتی نَه، دینداری،

یوحنا موکاشیفَه 13:10

اَگم قرار بِبو کسی اَسیر بِبو، اَسیری را بَشی. اَگم قرارَه کسی شمشیری نَه کِشتَه بِبو، بَسی شمشیری نَه کِشتَه بِبو. و اِم، مقدّسون مقاومت و چَوون ایمانی پیستِشَه.