رومی کلیسارا نامه 10:9 - کتاب مقدس به زبان تالشی شمالی

⁹ که اَگم اِشتِه زَوونی نَه اِقرار بِکَری «عیسی خِداوندَه» و اِشتِه دیلی دیلَه کا ایمان بِداری که خِدا اَیی مَردَه اون دیلَه کا زِنده آکَردَشَه، نِجات پیدا بَکَردیش.

کتاب مقدس به زبان تالشي - گویش مرکزی

⁹ کن اَگَم اِشتَن زونینَه ایقرار بِکَری «عیسی خِداوندَ» و اِشتَن صدقِه دلینَه ایمان بِداری کن خدا بَی مَردَاونکا زندَ آکَردِشَه، نیجات بگَتیشَه.

رومی کلیسارا نامه 10:9 Iomraidhean Croise

انجیل لوقا 12:8

شِمَه نَه بَواتیم، هَر کسی مردمی وَری کا اِشتَن زوونی نَه بوآجِه که چِمِن شِنَه، اِنسانی زوعَه نی خِدا مَلائیکه اون وَری کا اِشتَن زوونی نَه بَواتی که، اَ آدَم چَیی شِنَه.

یوحنا 9:22

اَ مِردی دَده نَنه اِمی واسی اِم چییون واتِشونَه که یهودیون کا تَرسین. چوم یهودییِن پیشتری واتَشون بَه هَر کسی اِقرار بِکَرِه عیسی هَ مسیح موعودَه، اَیی عِبادتگاه کا بَرکَرِن.

رَسولون اَعمال 16:31

پولس و سیلاس جَواو دوشونَه: «عیسایِ مسیحِ خِداوندی ایمان بوعَه که تِه و اِشتِه خانواده نِجات پیدا بَکَردیرون.»

رَسولون اَعمال 2:24

خِدا اَیی مرگی عذابون کا نِجات دوشَه، اَیی زِندَه آکَردِشه، چوم مَحال بَه که مرگ بِشای اَیی اِشتَن چَنگی کا غَم بَری.

رَسولون اَعمال 2:32

خِدا هِم عیسی زِنده آکَردِشه و اَمَه گِرد چَیی شاهِدیمونَه.

رَسولون اَعمال 8:36

هَتَه که راه کا پیش بَشین، آرَستینَه جِگایی که آو اِستبَه. خواجه واتِشه: «دَیِس، اییا کا آو اِستَه! حِسَه چِه بَشای چِمِن پیشی بِگِرِه تا غسل تعمید مَگِرِم؟»

رومی کلیسارا نامه 10:10

چوم دیلی دیلَه کایَه که آدَم ایمان بواَردی و صالِح حساب بَبی، و زَوونی نَه یَه که اِقرار بَکَردی و نجات پیدا بَکَردی.

رومی کلیسارا نامه 14:11

چیرا که اِشعَیای پِیغمبری کیتابی کا نیویشته بییَه که: «خِداوند بَواتی: چِمِن زندگی سَر قَسَّم که هَر زِنگی چِمِن پیشی کا قات بَبی و هَر زَوونی خِدا اِقرار بَکَردی.»

رومی کلیسارا نامه 14:9

مسیح نی اِمی واسی مَردَه و زِنده آبَه تا زِنده اون و مَردَه اون خِداوند بِبو.

رومی کلیسارا نامه 4:24

بَلکَم چَمَه را نی نیویشته بَه، تا اَمَه را نی حساب بِبو، اَمَه که اَیی ایمان هِستِمونه که چَمَه خِداوند عیسی، مَردَه اون دیلَه کا زِنده آکَردِشه.

رومی کلیسارا نامه 8:34

کییَه که اَوون محکوم بِکَرِه؟ مسیحْ عیسی که مَردَه، اَیی کا وِرتَر مَردَه اون دیلَه کا نی زِنده آبَه و خِدا راست دَسی کا نِشتَه، اَ اِستَه که راس راسی اَمَه را شفاعت بَکَردی!

اوّلین نامَه قورَنتیانیرا 12:3

بَس شِمَه نَه بَواتیم که هَر کسی که خِدا روح واسطه نَه گَف بِژَنه، هرگز نِواجِه لَعنت بِه عیسی، و هیچ‌کس روح القدسی واسطه غِیراز نیمَشا بوآجِه: «عیسی خِداوندَه.»

نامَه فیلیپی کلیسا را 2:11

و هَر زَوونی اِقرار بِکَرِه که عیسایِ مسیحْ ’خِداوندَه‘، خِدای دَده جلالی را.

پطروسی اوّلین نامَه 1:21

شِمَه که چَیی واسطه نَه بِه خِدا ایمان وَردَرونه، اَ خِدایی که اَیی مَردَه اون دیلَه کا زِنده آکَردِشه و جلال دوشَه، تا شِمَه ایمان و امید بِه خِدا بِبو.

یوحنا اوّلین نامَه 4:15

اَ کسی که اِقرار بَکَردی عیسی خِدا زوعَه یَه، خِدا چَیی دیلَه کا بَمَندی و اَ خِدا دیلَه کا.

یوحنا دوّمین نامَه 1:7

چوم دنیا کا وِر حُقه بازِن اِستینه، که اِقرار نِکَرِن که عیسایِ مسیح آدَمی جسمی کا اومَه بِه اِم دنیا. اِنتَه رَه آدَمِن هَ حُقه بازِن و ضِدّ مسیح اِستینه.