رومی کلیسارا نامه 10:3 - کتاب مقدس به زبان تالشی شمالی

³ چوم اَ صالِحی که خِدا کایَه نِفهمِستشونه و اِمی واسی که پیستِشونَه اِشتَن صالِحی ثابت بِکَرِن، اَ صالِحی ای پیشی کا که خِدا کایَه، سَر جیر نِوَردِشونه.

کتاب مقدس به زبان تالشي - گویش مرکزی

³ چون اَ صالِح بِه ایی کن خدا کارَ سَر آنِگنین، و اِمی خاطِر کن اِشتَن صالح بِه ثابیت کَردِ دوملَه بینَه، اَ صالح بِه کن خدا کا بَه، ناریکا، کَلَّه وینِه فَندِشون.

رومی کلیسارا نامه 10:3 Iomraidhean Croise

انجیل لوقا 10:29

امّا اَ اِشتَن توجیح کَرده را عیسی کا دَفَرسِشه: «چِمِن خَمسوعه کییَه؟»

انجیل لوقا 16:15

عیسی اَوون نَه واتِشه: «شِمَه کسونی اِستیرونَه که مردمی وَری کا اِشتَن درستکار نیشون بَدایرون، امّا خِدا شِمَه دیلی کا خَوَرِش اِستَه. چوم اَ چیی که مردمی نَظری کا وِر اِرزِش هِستِشه، خِدا نظری کا مِردالَه چییَه!

رومی کلیسارا نامه 1:17

چوم اِنجیلی کا، اَ صالح بییِه ای که خِدا کایَه آشکار آبو، که اوّلی نَه تا آخِر، ایمانی سَر پابَرجایَه. هَتَه که حَبَقوق پیغمبری کیتابی کا نیویشتَه بییَه که: «صالحَ آدَم ایمانی نَه زِندگی بَکَردی.»

رومی کلیسارا نامه 10:2

چوم که از چَوون دربارَه بَشایم شهادتی بِدَم که خِدا را غیرت هِستِشونه، امّا نِه دانایی نَه.

رومی کلیسارا نامه 10:20

دومله، اِشعَیای پیغمبر جُرئتی نَه بَواتی: «کسونی که چِمِن دومله گردِستَه نِبینَه، مِن تِلفتِشونه و اِشتَن کسونی را که مِن دَخوندَه شون نِبَه، نیشون دومَه.»

رومی کلیسارا نامه 11:7

دومله چِه؟ اِم که، اَ چیی که قوم اِسرائیل ذوق و شوقی نَه چَیی بِه دَس وَردِه دومله بَه، بِه دَس نِوَردِشونَه. اِنتخاب بییَه اِن بِه دَس وَردِشونه ولی اَلباقی دیل سختی دُچار بینَه.

رومی کلیسارا نامه 3:22

اِم صالِحی ای که خِدا کایَه، عیسایِ مسیح ایمان داشتِه راه نَه، و گِردِ کسونی نصیب بَبی که ایمان بواَرِن. چوم هیچ فرقی نییَه.

رومی کلیسارا نامه 3:26

اَ اِم کاری کَردِشه تا اِشتَن عدالتی اِم دورَه زمانه کا نیشون بِدَه، تا اِشتَن عادِل بِبو و گِردِ کسونی که بِه عیسی ایمان هِستِشونه، صالِح حساب بِبون.

رومی کلیسارا نامه 5:19

چوم هَتَه که ایلَه آدَمی گناه نَه، وِر کَسِن گناه کار بینَه، ایلَه آدَمی اِطاعتی نَه نی وِر کَسِن صالِح بَبین.

دوومین نامه قرنتیانیرا 5:21

خِدا اَ، کسی که گناه آنِزونی، چَمَه واسی گناه وَج آکَردِشه، تا اَمَه، چَیی دیلَه کا خِدا صالِحی بِبییَم.

نامَه فیلیپی کلیسا را 3:9

و چَیی دیلَه کا پیدا بِبوم، نِه چِمِن صالِحی نَه که شریعتی کا بومَی، بَلکم اَ صالِحی نَه که اَز راه ایمان بِه مسیح بِه دَس بومَی، اَ صالِحی که خِدا کایَه و طبق ایمانَه.

پطروسی دومین نامه 1:1

شَمعون پطرسی طرفی نَه، عیسایِ مَسیح رسول و نوکر، کسونی را که خِدا عدالتی واسطه نَه و چَمَه نجات دَهنده عیسایِ مسیح، ایمانی چَمَه ایمانی شیوار چَوون نصیب بَه: