رومی کلیسارا نامه 1:9 - کتاب مقدس به زبان تالشی شمالی

⁹ چوم خِدایی که اَیی، چِمِن صِدقِ دیلی نَه، چَیی زوعَه اِنجیلی کاری کا خدمت بَکَردیم، چِمِن شاهدَه که چِنتَه هَمَش چِمِن دعا اون کا شِمَه ویر بواَردیم

کتاب مقدس به زبان تالشي - گویش مرکزی

⁹ چون خِدایی کن بَی اِشتَن صِدقِه دِلینَه چَی زوعَه اِنجیلی کاریکا خیدمَت بَکَم، مِرا شاهیدَ کن چِنتَه یَژَن چمن دِوا اونکا بَشِمَه، اوزون یاد آمَفَند

رومی کلیسارا نامه 1:9 Iomraidhean Croise

مَرقُس 1:1

اَ خوشَ خَوَری که عیسایِ مسیح درباره، که خِدا زوعَه یَه، اِنتَه شروع بَبی.

انجیل لوقا 18:1

عیسی اِشتَن شاگِردون را ایلَه مَثَّلی وَردِشه که نیشون بِده بَسی هَمیشه دعا بِکَرِن و هرگز دیلسرد آمَبون.

رَسولون اَعمال 12:5

بَس پطرسی زندانی کا غَم هَردِشونَه، امّا کلیسا پِطرسی را یِکسَره خِدا وَری کا دعا بَکَردی.

رَسولون اَعمال 19:21

اِم اِتِفاقون پَش، پولس، خِدا روح کا هدایت بَه که مقدونیَه و اَخائیَه منطقه کا دَوییَرِه، بِشو اورشلیمی را. پولس واتِشه: «چِمِن شییِه پَش بِه اوآ، بَسی رومی شهری نی بِوینِم.»

رَسولون اَعمال 24:14

امّا اِمی شِمَه وَری کا اِقرار بَکَردیم طبق طریقتی که اَوِن، اَیی ایلَه فِرقه بَزنین، چَمَه اَجدادی خِدا پرستش بَکَردیم و هَر چیی نی که توراتی کا و پیغمبرون کیتابی کا نیویشتَه بییَه، اِعتقاد دارِم.

رَسولون اَعمال 27:23

چوم که زیرَه شَو خِدا ایلَه ملائیکه، خِدایی که از چَیی شِنیمَه و اَیی خِدمت بَکَردیم، چِمِن وَری کا مَندَه

رَسولون اَعمال 3:26

وختی که خِدا اِشتَن خادم، عیسی اِنتخاب کَردِشه، اوّل اَیی ویسا آکَردِشه شِمَه وَر تا شِمَه هَر کمیله بَرَکت بِدَه، و اِم کاری نَه شِمَه، شِمَه شَرورانَه راه اون کا آگاردِنِه.»

رومی کلیسارا نامه 9:1

از مَسیح کا راست بَواتیم، دوروع نِواجِم، و چِمِن وجدان روح القدسی واسطه نَه چِمِن شاهدَه

دوومین نامه قرنتیانیرا 1:23

خِدا شاهِد بَگتیم که فقط اِمی واسی که شِمَه ناراحت مَکَرِم آنِگردِستیمَه قُرِنتُسی شهری را.

دوومین نامه قرنتیانیرا 11:31

خِدا، خِداوندْ عیسی دَده، که اَئی تا اَبَد شُکر بَکَردیم، بَزنی که از دوروع نِواجِم.

نامه غلاطیَه کلیسارا 1:20

خِدا حضوری کا شِمَه اِطمینان بَدایم اَ چیی که بَنیویشتیم دوروع نییَه.

نامَه اَفسوسی کلیسارا 6:18

و همیشه، هَمه جورَه دعا و مِنَتی نَه، خِدا روح کا دعا بِکَرَه و اِمی واسی آگا و هوشیار بِبییَه و همیشه مقاومتی نَه گِردِ مقدسون را دعا بِکَرَه.

نامَه فیلیپی کلیسا را 1:3

هَر موقع شِمَه یاد بواَردیم، چِمِن خِدا شُکر بَکَردیم

نامَه فیلیپی کلیسا را 1:4

هَمیشه چِمِن گِردِ دعااون کا گِردِ شِمَه را شادی نَه دعا بَکَردیم،

نامَه فیلیپی کلیسا را 2:22

امّا شِمَه بَزنیرون که تیموتائوس اِشتَن اِمتحانی پس دوعَشَه، که چِنتَه مِنه، ایلَه زوعَه ای شیوار اِشتَن دَده نَه، اِنجیلی کاری کا خِدمَت کَردَشه.

نامَه فیلیپی کلیسا را 3:3

چوم خَتنَه بییَه، اَمَه ایمونه که خِدا روح نَه پرستش بَکَردیمون، و مسیح عیسی کا فخر بَکَردیمون و چَمَه تَکیَه جِسمی سَر نییَه-

اوّلین نامَه تَسالونیکی کلیسا را 1:2

اَمَه همیشه، شِمَه واسی خِدا شُکر بَکَردیمون و چَمَه دعااون کا دائم شِمَه ویر بواَردیمون،

اوّلین نامَه تَسالونیکی کلیسا را 3:10

هَتَه که اَمَه شَواَندَه روز جان و دیلی نَه دعا بَکَردیمون تا رو دَر رو شِمَه بِوینَم و شِمَه ایمانی کا هَر کَم و کسری بِبو، بَرطرف بِکَرَم.

اوّلین نامَه تَسالونیکی کلیسا را 5:17

دائِم دعا بِکَرَه،

اوّلین نامَه تیموتائوسیرا 2:7

چوم که اَز اِمی واسی مُعَین بیمَه تا غیر یهودیون را ایلَه تعلیم دَهنده و ایلَه رسول و ایلَه ایمانی معلّم حقیقتی کا بِبوم- حقیقتی بَواتیم و دوروع نِواجِم.

دِوُّمین نامَه تیموتائوسیرا 1:3

هَتَه که شَواَنده روز یکسرَه چِمِن دعااون کا تِه ویر بواَردیم، خِدا شُکر بَکَردیم، اَ خِدایی که از نی چِمِن دَده اون شیوار پاکَه وجدانی نَه اَیی خِدمت بَکَردیم.

نامَه فیلیمونیرا 1:4

از چِمِن دعا اون کا تِه ویر بواَردیم، هَمیشه چِمِن خِدا شُکر بَکَردیم،