رومی کلیسارا نامه 1:26 - کتاب مقدس به زبان تالشی شمالی

²⁶ اِمی واسی خِدا نی اَوون، چَوون شَرم آورَه شَهوَتون کا وِل آکِردَشه. چوم چَوون ژِنَکِن، طبیعی یَه رابطه غِیرطبیعی یَه رابطه نَه عوض آکَردِشونه؛

کتاب مقدس به زبان تالشي - گویش مرکزی

²⁶ اِمی خاطر خدا نی اَیِنِش چَوون شَرم آوَرَ شَهوَتیکا آهَشتِش. اِمی خونه کن چَوون ژِنِن، طَبیعیَه رابِطَه اون غَیرِ طَیبعیَه رابِطَه اونَّه عَوَض آکَردِشون.

رومی کلیسارا نامه 1:26 Iomraidhean Croise

رومی کلیسارا نامه 1:24

بَس خِدا نی اَوون، چَوون دیلون شَهوَتون کا ناپاکی نَه وِل آکَردِشه، تا اِشتَن دیلَه کا اِشتَن بَدَنون بی‌حُرمت بِکَرِن.

رومی کلیسارا نامه 1:28

اوآنه که خِدا آزونِستِه چَوون را اِرزِشِشی نِبه، خِدا نی اَوون، چَوون فاسِدَه فیکرون نَه وِل آکَردِشه تا اِشتَن بَدَه کارون اَنجام بِدَن.

اوّلین نامَه قورَنتیانیرا 6:9

مَگم نیمَزنَه که ظالِمَ آدَمِن خِدا پاُتشایی وارث نِبون؟ گول مَرَه! بی‌عفتِن، بُت‌پرستِن، زِناکارِن، لواط گَرِن،

نامَه اَفسوسی کلیسارا 4:19

اَوِن دیل سِنگ آبَه اینه، اِشتَن دَسپَردَشونه هَرزگی دَس، اِنتَه که طمع نَه دَس بِه هَر جورَه ناپاکی ژَنِن.

نامَه اَفسوسی کلیسارا 5:12

چوم حتّی بِه زَوون وَردِه اَ چیی که اَوِن نِینَکی بَکَردین، شرم آوَرَه.

اوّلین نامَه تَسالونیکی کلیسا را 4:5

نِه شهوت و هَواهَوسی کا، اَ غیریهودیونی شیوار که خِدا آنِزونون؛

اوّلین نامَه تیموتائوسیرا 1:10

زناکارون و لَواط گَرون را؛ کسونی را که بَردَه خرید و فروش بَکَردین، دوروعَه واجون و کَسونی را که دوروعَه قَسَم بَردین، و هَر چیی که دُرستَ تعلیمی ضِدَه،

یهودا نامه 1:10

امّا اِمِن اَ چی اِهانت بَکَردین که آنِزونِن، اَوِن بی‌شعورَه حَیوونون شیوار هَر چیی که غَریزه کا فَهمِن، هَ چَوون نابودی باعیث بَبی.

یهودا نامه 1:7

هِنتَه، سُدوم و عَمورَه و اَطرافی شَهرِن، که چَوون شیوار بی عفتی کَردِشونه و شینَه اَ هَرزگی دومله که بَدَنی را غِیر طبیعی بَه، اَبَدی یَه آتشی دیلَه کا مجازات بَبین، تا ایلَه درس عِبرتی بِبون گِردی را.