رومی کلیسارا نامه 1:1 - کتاب مقدس به زبان تالشی شمالی

¹ پولُسی طرفی کا، مسیحْ عیسی نوکر، که رسالتی را دعوت بییَه و خِدا اِنجیلی را وَقف بییَه؛

کتاب مقدس به زبان تالشي - گویش مرکزی

¹ مَسیح عیسی وَزییَر، پولوسی طَرَفیکا، کن رِسالَتیرا خِلِه آبَه یه و خدا اِنجیلیرا وَقف آبَه یَه؛

رومی کلیسارا نامه 1:1 Iomraidhean Croise

مَرقُس 1:14

یحیی دستگیر بییِه پَش عیسی شَه جَلیلی ولایَتی را. اَ، خِدا خوشَ خَوَری اِعلام بَکَردی

یوحنا 12:26

اَگم کسی مِن خدمت بِکَرِه، بَسی چِمِن دومله با؛ و جِگایی که اَز اِستیمَه، چِمِن خِدمتگذار نی اوآ کا بَبی. کسی که مِن خدمت بِکَرِه، دَده اَیی اَرج و قوبر بَدای.

یوحنا 15:15

دِ شِمَه نَه نوکَر نِواجِم، چوم نوکَر اِشتَن اَربابی کارون کا خَوَر نیشَه. بَلکَم شِمَه نَه چِمِن رَفِق بَواتیم، چوم هَر چیی دَده کا دَرَسَمه، شِمَه اَیی کا خَوَردار کَردَمه.

یوحنا 15:20

کلامی که شِمَه نَه واتَمه، ویرِرون بِبو: ” نوکَر اِشتَن اَربابی کا یالتَر نی.“ اَگم مِن اذیت کَردِشونَه، شِمَه نی اَذیت بَکَردین؛ اَگم چِمِن کلامی اَنجام دوشونَه، شِمَه کلامی نی اَنجام بَداین.

رَسولون اَعمال 13:9

ولی شائول، که اَیی نَه پولس نی بَواتین، روح القدسی کا پُور آبَه، اَ مِردی چِمی دیلَه دَیشتَه و واتِشه:

رَسولون اَعمال 20:24

ولی از هَم جان و هَم زندگی بَه مِرا بی‌ اِرزش بَزنیم، فقط اَگم بِشام چِمِن دُورَه تَمون آکَرِم و خدمتی که عیسایِ خِداوندی کا ویگِتَمه تا آخِر اَنجام بِدَم، و خِدا فیضی خوشَه خَوَری شهادتی بِدَم.

رَسولون اَعمال 21:40

وختی فرمانده اِجازه دوشَه، پولس پاپیله اون سَری کا مَندَه و اِشتَن دَسی مردمی طرف دِراز آکَردِشه. وختی گِردِ جِگا کاملاً ساکیت آبَه، عِبرانیون زَوونی نَه اَوون نَه اِنتَه واتِشه:

رَسولون اَعمال 22:21

«خِداوند مِنَه واتِشه: ”بِش؛ چوم از تِه، دوره اُفتاده جِگا اون را ویسا آکَرِم، غیریهودیون وَر.»

رَسولون اَعمال 22:7

از زمینی کا بَلَکیمه و ایلَه سَسی دَرَسِمَه که مِنَه بَواتی: ”شائول! شائول! چیرا مِن اَذیت آزار بَکَردیش؟“

رَسولون اَعمال 26:1

آگْریپاسِ پاُتشا پولسی نَه واتِشه: «اِجازَه هِستِرَه اِشتَن کا دفاع بِکَری و گف بِژَنی.» اَ موقع پولس اِشتَن دَسی دراز آکَردِشه و اِنتَه شروع کَردِشه اِشتَن کا دفاع کَردِه، واتِشه:

رَسولون اَعمال 26:14

وختی که گِرد بَلَکیمونَه زمینی سَری کا اَز سَسی دَرَسِمه که عِبرانی زَوونی نَه مِنه بَواتی: ”شائول، شائول، چیرا مِن عذاب بَدایش؟ بَه تِرا چَتینَه که مِخون پاسَر بِژَنی، فقط اِشتَن اَذیت بَکَردیش!“

رَسولون اَعمال 27:23

چوم که زیرَه شَو خِدا ایلَه ملائیکه، خِدایی که از چَیی شِنیمَه و اَیی خِدمت بَکَردیم، چِمِن وَری کا مَندَه

رَسولون اَعمال 9:15

ولی خِداوند حَنانیا نَه واتِشه: «بِش، چوم که اِم مِرد وسیله ای یَه که از اَیی انتخاب کَردَمه تا چِمِن نومی، غیریهودیون و چَوون پاُتشااون و یهودی مردمی را اِعلام بِکَرِه.

رومی کلیسارا نامه 1:16

چوم از اِنجیلی کا عار نِدارِم، چیرا که اِنجیل خِدا قوّتَه، هَر کسی نجاتی را که ایمان بواَرِه، اوّل یَهود و دومله غِیریَهود.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 1:9

چوم خِدایی که اَیی، چِمِن صِدقِ دیلی نَه، چَیی زوعَه اِنجیلی کاری کا خدمت بَکَردیم، چِمِن شاهدَه که چِنتَه هَمَش چِمِن دعا اون کا شِمَه ویر بواَردیم

رومی کلیسارا نامه 11:13

حِسَه، شِمَه غیریهودیون نَه کارا گف ژَنِم. اوآنه که از غیریهودیون رسولی مَه، چِمِن خِدمتی را وِر اِفتخار بَکَردیم.

رومی کلیسارا نامه 15:16

که مسیحْ عیسی نوکر، غیریهودیون را بِبوم و خِدا اِنجیلی خدمت کَردِه را کاهِنَتی بِکَرِم، تا غیریهودیِن خِدا درگاه کا قابِلِ قبولَ هدیه ای بِبون که روح القدسی واسطه نَه تَقدیس بییَه.

رومی کلیسارا نامه 15:29

بَزنیم وختی که بام شِمَه وَر، مسیح بَرکتی نَه که فَت و فراوونَه بومَیم.

رومی کلیسارا نامه 16:18

چوم که اِنتَه رَه آدَمِن چَمَه خِداوند مسیح خِدمت نِکَرِن، بَلکَم اِشتَن اِشکمی فیکری کا اینه و قَشنگَ گفون و چاپلوسی نَه، سادَه آدَمون گول ژَنِن.

رومی کلیسارا نامه 16:25

حِسَه جَلال اَیی بِبو که، بَشای طبق چِمِن اِنجیل و عیسی مسیح موعظه، شِمَه تقویت بِکَرِه- یعنی طبق ایلَه سِرّی آشکار آبییِه که وِرَه زمانون نِین بَه،

اوّلین نامَه قورَنتیانیرا 1:1

پولُسی طرفی کا، که خِدا پیستَه نَه دَعوت بَه تا مسیحِ عیسی رسول بِبو، و چَمَه بِرا سوسْتِنِسی طرفی کا،

اوّلین نامَه قورَنتیانیرا 9:1

مَگم از آزاد نیمَه؟ مَگم از رسول نیمَه؟ مَگم چَمَه خِداوند عیسی ویندَه نیمَه؟ مَگم شِمَه چِمِن کارون نتیجه خِداوندی کا نیرونَه؟

دوومین نامه قرنتیانیرا 1:1

پولُسی طرفی کا که خِدا پیسته نَه، مسیح عیسی رسولَه، و چَمَه بِرا کا تیموتائوس، خِدا کلیسا را قُرِنتُسی شهری کا، و گِردِ مقدسون را، اَخائیه ولایتی سَرتاسری کا:

دوومین نامه قرنتیانیرا 11:5

راس راسی گَمون نِکَرِم از اَ ’یالَ رسولون‘ کا چیی کَم بِدارِم.

دوومین نامه قرنتیانیرا 11:7

مَگم گناه کَردِمَه که اِشتَن روک آکَردِمَه تا شِمَه سَربِلند بِبییَه، چوم که خِدا اِنجیلی پِیغومی مِفتَکی شِمَه را اِعلام کَردِمَه؟

دوومین نامه قرنتیانیرا 12:11

از ایلَه نادون بیمَه! شِمَه مِن مَجبور کَردِرونه، چوم که بَسی بَه مِن کا تعریف بِکَریرون. چوم هَر چَن که هیچی نیمَه، امّا اَ ’یالَ رسولون‘ کا هچیی کم نیمَه.

دوومین نامه قرنتیانیرا 2:12

وختی شیمَه تْروآسی شهری را تا مسیح اِنجیلی موعظه بِکَرِم، با اِمکه خِداوند اوآ کا ایلَه یالَه دَروازَه ای چِمِن دِیمی کا آکَردَشَه،

دوومین نامه قرنتیانیرا 4:5

چوم که اَمَه چَمَه را موعظه نِکَرَم، بَلکَم اِعلام بَکَردیمون که عیسایِ مسیح خِداوندَه، و اِشتَن کا فقط عیسی واسی، و اَ نی فقط شِمَه خِدمتکارون شیوار گَف ژَنَم.

نامه غلاطیَه کلیسارا 1:1

پولسی طرفی کا، رسولی که چَیی رسالت نِه اِنسانون طَرفی کا و نِه اِنسانی واسطه نَه بَه، بَلکَم عیسایِ مسیح و خِدای دَده، واسطه نَه یَه که اَیی مَردَه اون دیلَه کا زِنده آکَردِشه،

نامَه اَفسوسی کلیسارا 1:1

پولُسی طرفی کا کِه خِدا پیستَه نَه مسیحْ عیسی رسول اِستَه، مقدّسینی را که اَفِسُسی شهری کا مَندینه، کسونی را که مسیحْ عیسی کا وَفاداری نَه:

نامَه اَفسوسی کلیسارا 1:13

شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

نامَه اَفسوسی کلیسارا 4:11

و اَ بَه که رسولون آدوشَه، پیغمبرون، مبَشرون، شوونَه اون و معلّمون آدوشَه،

نامَه فیلیپی کلیسا را 1:1

پولُس و تیموتائوسی طرفی کا، که مسیحْ عیسی نوکری نَه: گِردِ مقدّسون را مسیحْ عیسی کا که فیلیپی شهری کا اینه، ناظِرِن و شَماسِن:

نامَه فیلیپی کلیسا را 2:11

و هَر زَوونی اِقرار بِکَرِه که عیسایِ مسیحْ ’خِداوندَه‘، خِدای دَده جلالی را.

نامَه کُولُسی کلیسا را 1:1

پولُسی طرفی کا که خِدا پیستَه نَه مسیحْ عیسی، رسول اِستَه، و چَمَه بِرا، تیموتائوسی طرفی کا،

نامَه کُولُسی کلیسا را 1:25

که طبق خدمت نظارتی که خِدا بَه مِن دَسپاردِشه، کلیسا خادِم بَه ایمَه، تا خِدا کلامی کامل شِمَه آزونِم،

اوّلین نامَه تَسالونیکی کلیسا را 2:2

بَلکَم هَر چَن پیشتَری، فیلیپی شهری کا عذاب کَشِمونه و اَمَه نَه بَدی کَردِشونه جوری که خجالت آور بَه، هَتَه که بَزنیرون، امّا اَمَه، چَمَه خِدا کمکی نَه جرئَت کَردِمونه تا خِدا اِنجیلی وِرَه مُخالفون دیلَه کا شِمَه را اِعلام بِکَرَم.

اوّلین نامَه تَسالونیکی کلیسا را 2:8

اَمَه هَدَه شِمَه نَه خِش بیمونه که اِشتیاقی نَه حاضیر بیمونه نِه فقط خِدا اِنجیلی پَیغومی بِه شِمَه آرِساوونم، بَلکَم شِمَه راه کا چَمَه جانی کا نی دَوییَرَم، چوم که شِمَه اَمَه را وِر عزیز بیرونَه.

اوّلین نامَه تَسالونیکی کلیسا را 2:9

چوم شِمَه اِی بِرااِن، چَمَه زحمت و کار کَردِه شِمَه ویری کایَه: که شَواَندَه روز کار بَکَردیمون تا وختی که خِدا اِنجیلی شِمَه را اِعلام بَکَردیمون، هیچکسی سَربار مَبییَم.

اوّلین نامَه تیموتائوسیرا 1:1

پولُسی طرفی کا، که چَمَه نجات‌دهندۀ خِدا حُکمی نه و چَمَه اُمید مسیحْ عیسی، مسیحْ عیسی رسول اِستَه؛

اوّلین نامَه تیموتائوسیرا 2:7

چوم که اَز اِمی واسی مُعَین بیمَه تا غیر یهودیون را ایلَه تعلیم دَهنده و ایلَه رسول و ایلَه ایمانی معلّم حقیقتی کا بِبوم- حقیقتی بَواتیم و دوروع نِواجِم.

دِوُّمین نامَه تیموتائوسیرا 1:11

که اَز اَیی را مُعین بیمَه تا اِم اِنجیلی رسول و معلّم بِبوم و موعظه بِکَرِم.

نامَه تیتوسیرا 1:1

پولُسی طرفی کا، خِدا نوکر و عیسایِ مسیح رسول، که تعیین بیمَه تا خِدا اِنتخاب بییَه اون ایمانی تقویت بِکَرِم و اَ حقیقتی که دینداری نَه مطابقَه بوآجِم،

نامَه، عِبرانیه نَتاجَه مسیحیونرا 5:4

و هیچکس اِشتَن، نیمَشا اَ کاهنی اِفتخاری آدَه بِه اِشتَن، بَلکَم اِم اِفتخار فقط وختی که خِدا اَیی دَعوت بَکَردی بَیی آرَستِه، هَتَه که هارونی آرَستَه.

نامَه، عِبرانیه نَتاجَه مسیحیونرا 7:26

چوم که راس راسی اِم بِه جا بَه که اَمَه اِنتَه رَه یالَ کاهِنی بِدارَم،که مقدّس، بی گناه، بی‌عیب، گناه کارون کا سیوا، و جَلال گِتَه آسِمونون کا کفاتَر بِبو.

یعقوبی نامَه 1:1

یعقوبی طَرفی کا، خِدا و عیسایِ مسیحِ خِداوندی نوکر، دونزَه گِله قبیله را که دییَر جِگا اون کا وِلا اینه. سلام!

پطروسی اوّلین نامَه 4:17

چوم زمانی آرَستِه که داوری، خِدا کَ کا شروع بِبو؛ و اَگم اَمَه کا شروع بِبو، کسونی آخِرعاقبت که خِدا اِنجیلی کا اِطاعت نِکَرِن، چِه بَبی؟

پطروسی دومین نامه 1:1

شَمعون پطرسی طرفی نَه، عیسایِ مَسیح رسول و نوکر، کسونی را که خِدا عدالتی واسطه نَه و چَمَه نجات دَهنده عیسایِ مسیح، ایمانی چَمَه ایمانی شیوار چَوون نصیب بَه:

یهودا نامه 1:1

یهودا طرفی کا، عیسی مسیح نوکر و یعقوبی بِرا، کسونی را که دعوت بَیینه و خِدای دَده کا عزیزگِرامی اینه، و کسونی که عیسایِ مسیح واسی حفظ بَیینه:

یوحنا موکاشیفَه 1:1

عیسایِ مسیح مکاشفه، که خِدا اَیی آدوشَه تا اَ چیونی که بَسی هِم زودیون اِتِفاق دَلَکِه، اِشتَن نوکَرون نیشون بِدَه. اَ، اِمی اِشتَن ملائیکه ویسا آکَردِه نَه، اِشتَن نوکر یوحنا را، آشکار آکَردِشَه.

یوحنا موکاشیفَه 22:6

ملائیکه مِنَه واتِشه: «اِم گَفِن راستی نَه و بَبی اَوون اِعتماد کَردِه. خِداوند، پیغمبرون روحون خِدا، اِشتَن ملائیکه ویسا آکَردِشَه تا اَ چیی که بَسی هِم زودیون اِتفاق دَلَکِه، اِشتَن خادِمون نیشون بِدَه.»

یوحنا موکاشیفَه 22:9

امّا ملائیکه مِنَه واتِشه: «اَتَه مَکَه! از نی اِشتِه شیوار و اِشتِه بِرا اون شیوار، یعنی پیغمبرون، و کسونی که اِم کتابی کلامی انجام بَداین، همخِدمتیمَه. خِدا پرستِش بِکَه.»