یوحنا موکاشیفَه 9:20 - کتاب مقدس به زبان تالشی شمالی

²⁰ الباقی آدَمِن، که اِم سِه گِله بَلا نَه کِشتَه نِبینِه، نِه اِشتَن دَسی کارون کا توبه کَردِشونَه و نِه دیوون پرستش کَردِه کا و نِه طِلایی یَه بُتون و نقره ای و برنجی و سِنگی و چو یَه بُتون پرستشی کا، که نِه بَشاین بِوینِن و نِه دَرَسِن و نِه راه بَشین.

کتاب مقدس به زبان تالشي - گویش مرکزی

²⁰ اَیِنی کن اِم سِه گله غَرّونکا نیفلَه آبَه نِبین، نِه اِشتَن بالی کردَ کارونکاشون توبَه کردَ. نِه پَریانون پرستش کردِکا دست پِگَتِشون و نِه طِلِه این و نِقرَ این و برنجیی و سِه و چوو اَ بوتون پرستش کردِکا کن نِه بَویندین و نِه بَشان دَرَستِه و نِه پیردِ بَشان.

یوحنا موکاشیفَه 9:20 Iomraidhean Croise

مَتّی 21:32

چوم یحیی اومَه و صالِح بییِه راه شِمَه نیشون دوشَه امّا شِمَه بَیی ایمان نِوَردِرونَه، ولی باجگیرِن و فاحیشه‌ اِن بَیی ایمان وَردِشونَه، و شِمَه حتّی بعد از اِمکه اِم چییون ویندِرونَه، شِمَه پشیمون نِبیرونَه و بَیی ایمان نِوَردِرونَه.»

رَسولون اَعمال 17:29

«حِسَه که خِدا نَسلی کا ایمونَه، چاک نییَه اِنتَه فیکر بِکَرَم که خِدا، ایلَه طِلا یا نقره یا سِنگی شیوارَه، یا ایلَه مجسمه ای شیوار که آدَمی هنر و خَیالاتی نَه تِراشتَه بییَه.

رَسولون اَعمال 19:26

امّا هَتَه که بَویندیرون و دَرَسه، اِم پولس نِه فقط اَفِسُسی کا، بَلکَم تقریباً گِردِ آسیا ایالتی کا، وِرَه یالَ جماعتی قانع و گمراه کَردَشه. اَ بَواتی خِدا اونی که آدَمی دَسی نَه وَج آبَه اینَه، خِداِن نینَه.

رَسولون اَعمال 7:41

اَ روزون کا بَه که ایلَه بُت، مونده ایی شیوار وَج آکَردِشونَه و اَیی را، قِربونی کَردِشونَه و اَ چیی واسی که اِشتَن دَسون نَه وَج آکَردَشون بَه، جشن گِتِشونَه.

دوومین نامه قرنتیانیرا 12:21

و اِمی کا تَرسِم که وختی هَنی بام شِمَه وَر، چِمِن خِدا شِمَه پیشی کا مِن فروتن بِکَرِه و از مجبور بِبوم بَعضیون واسی که قبلا گناه کَردَشونه و اِشتَن ناپاکی، و بی عفتی و عیاشی کا توبه کَردَه نیشونه، عزاداری بِکَرِم.

اوّلین نامَه تیموتائوسیرا 4:1

امّا خِدا روح، آشکارا بَواتی که آخِر زمانی کا، بعضی اِن اِشتَن، اَ روحونی که گول بَژَین و دیوون تعلیمون، وقف بَکَردین و ایمانی کا آگَردِن .

یوحنا موکاشیفَه 15:1

اَ موقع ایلَه دییَر یال و عجیبَ علامتی آسمونی کا ویندِمَه، هفت گِله ملائیکه که هفت گِله بَلا چَوون همراه بَه، اَوِن آخِرین بَلاان اینَه، چوم که اَوون نَه خِدا غَضب تمون آبو.

یوحنا موکاشیفَه 16:8

چارمین ملائیکه اِشتَن قَدَرَه آفتاوی سَری کا ویکَردِشه، و آفتاوی اِجازَه دوعَه بَه تا مردمی آتشی نَه بوسونِه.

یوحنا موکاشیفَه 9:19

چوم که اَسبون قدرت چَوون گَ و دُمی دیلَه کا بَه. چوم چَوون دُمِن، ایلَه نَلتی شیوارَه که سَر هِستِشَه و اَیی نَه صَدَمَه ژَنین.

یوحنا موکاشیفَه 9:21

اَوِن اِشتَن آدَمکِشیون و جادوگریون و بی‌عفتیون و دِزدیون کا نی توبه نِکَردِشونَه.