یوحنا موکاشیفَه 8:3 - کتاب مقدس به زبان تالشی شمالی

³ و ایلَه دییَر ملائیکه ایی اومَه که ایلَه طِلایی یَه منقلی اِشتَن نَه داری، و قِربونگاه وَری کا مَندَه. اَیی وِر بُخور آدوعَه بَه تا اَیی گِردِ مقدّسون دعا اون نَه طِلایی یَه قِربونگا سَری کا تختی پیشی کا تقدیم بِکَرِه.

کتاب مقدس به زبان تالشي - گویش مرکزی

³ و دییَرَ فرشتَه ایی آمَه کن طِلِه اینَه مَنقالی اِشتَنَه داری، و قِربونه جِگا وریکا پا بِند آبَه. اَشون وِرَ بوخور دوعَه تا اَوون گردِ موقدسَه آدَمون دِوانَه، طِلِه اینَه قِربونه جِگا سَریکا، تختی نَکا تقدیم بکرِ.

یوحنا موکاشیفَه 8:3 Iomraidhean Croise

انجیل لوقا 1:10

بُخوری سوتِه وختی کا، جماعت گِرد بِرونی کا دعا بَکَردین

رومی کلیسارا نامه 8:34

کییَه که اَوون محکوم بِکَرِه؟ مسیحْ عیسی که مَردَه، اَیی کا وِرتَر مَردَه اون دیلَه کا نی زِنده آبَه و خِدا راست دَسی کا نِشتَه، اَ اِستَه که راس راسی اَمَه را شفاعت بَکَردی!

نامَه، عِبرانیه نَتاجَه مسیحیونرا 7:25

بَس عیسی بَشای کسونی که چَیی واسطه نَه بِه خدا نِزدیک آبون، کاملاً نجات بِدَه، چوم که اَ هَمیشه زِنده یَه تا چَوون را شفاعت بِکَرِه.

نامَه، عِبرانیه نَتاجَه مسیحیونرا 9:4

اِم قسمتی کا، طِلای یَه آتشدان بوخوری سوتِه را نوعَه بَه و عهدی صوندوق که هَر طرفی نَه طِلا کاری بییَه بَه که چَیی دیلَه کا ایلَه طِلایی یَه نِرَه بَه که چَیی دیلَه کا ’مَنّا‘ غَم هَرین، و هارونی عصا که تیتَه ژَندَه ش بَه، و دِ گِله سِنگی یَه لوحِن که دَه فرمونی عهد چَوون سَری کا نیویشته بییَه بَه.

یوحنا موکاشیفَه 10:1

دومله ویندِمَه ایلَه دییَر قوی یَه ملائیکه ای آسمونی کا بومَی جیر. اَ ملائیکه ایلَه خِری کا دَپیچِستَه و ایلَه رنگین‌کمان چَیی کفایینَ سَری کا و چَیی دیم آفتاوی شیوار بَه و چَیی پا اِن آتشی ستونون شیوار.

یوحنا موکاشیفَه 14:18

دومله ایلَه دییَر ملائیکه‌ای که آتشی اِقتداری داری قِربونگاه کا اومَه بِرون و بِلندَه خِلِع نَه اَ کسی نَه که تیجَ دازّ داری، واتِشَه: «اِشتِه تیجَ دازّی پِگِه و زمینی اَنگِرَه رَزی کا اَنگِری خوشَه اون بِچین، چوم که زمینی اَنگِرِن رَسَه اینَه.»

یوحنا موکاشیفَه 5:8

هِنتَه که طوماری ویگِتِشه، اَ چار گِله مخلوق زِنده و اَ بیست و چار گِله پیر، وَرَه ناری کا بَلَکینَه. اَوِن هَر کَملیه، ایلَه ساز چَنگ دَسی کا دارین و طِلا جامونی دارین، بخوری کا پُور بَه که هَ مُقدسون دعا اِن اینَه.

یوحنا موکاشیفَه 6:9

وختی که وَرَه پنجمین مُهری چاکِندِشه، از قِربونگاه جیری کا، اَ کسونی جانی ویندِمَه که خِدا کلامی واسی و اَ شهادتونی که دوعَشون بَه، کِشته بَه بینَه.

یوحنا موکاشیفَه 7:2

دومله ایلَه دییَر ملائیکه ای ویندِمَه اَ جِگایی نَه که آفتاو کفا بومَی، شَه آسمون کفا را و خِدای زِنده مُهر اَیی نَه بَه. و بِلندَه خِلِع نَه اَ چار گِله ملائیکه که اَوون قدرت آدوعَه بَه تا زمین و دریا ضَرر بِژَنِن، دَخوندِشَه و

یوحنا موکاشیفَه 8:4

و بُخوری دو، اَ ملائیکه اون دَسون کا مقدّسون دعا اون نَه تا خِدا حضور، کَفا شَه.

یوحنا موکاشیفَه 8:5

دومله ملائیکه، منقلی بُخوری پِگِتِشَه و اَیی قِربونگا آتشی کا پُور آکَردِشَه فِرآدوشَه زمینی سَر. اَ موقع گِرخونَه سَس، بَرقی که آسمونی کا ژَنی و زمین لَرزَه اومَه.

یوحنا موکاشیفَه 9:13

دومله شیشُمین ملائیکه اِشتَن شیپوری دیلَه کا فو دَکَردِشه، و از ایلَه سَسی دَرَسِمَه که قِربونگاه طِلا چار شاخی کا که خِدا پیشی کا نوعَه بَه؛