یوحنا موکاشیفَه 7:3 - کتاب مقدس به زبان تالشی شمالی

³ واتِشه: «تا وختی که اَمَه چَمَه خِدا نوکرون تَقالی کا مُهر ژَندَه نیمونه، زمین یا دریا یا دارون ضَرر مَژَنَه.»

کتاب مقدس به زبان تالشي - گویش مرکزی

³ و واتش: «چَمَه خدا وزییَرون پوشنو موهر ژِ بَه نَه، خِشکی و دَیرا و دارون ضرر مَژنَه.»

یوحنا موکاشیفَه 7:3 Iomraidhean Croise

مَتّی 24:22

اَگم خِدا اَ روزون کِتا مَکَری، هیچ بَشری سالمَ جان بِه دَر نِبَری، امّا اَ کسونی واسی که اِنتخاب بَیینَه، خِدا اَ روزون کِتا آکَرِه.

مَتّی 24:31

اِنسانی زوعَه اِشتَن ملائیکه اون شیپوری بِلنده سَسی نَه ویسا آکَرِه و ملائیکه اِن، اَ کسونی که خِدا اَوون انتخاب کَردشَه دنیا چار گوشه نَه، آسِمونی اِم سَر تا اَ سَری نَه، جمع آکَرِن.

یوحنا 12:26

اَگم کسی مِن خدمت بِکَرِه، بَسی چِمِن دومله با؛ و جِگایی که اَز اِستیمَه، چِمِن خِدمتگذار نی اوآ کا بَبی. کسی که مِن خدمت بِکَرِه، دَده اَیی اَرج و قوبر بَدای.

یوحنا 3:33

هَر کسی که چَیی شهادتی قبول بِکَرِه، تائید بَکَردی که خِدا حقیقتَه.

رومی کلیسارا نامه 6:22

امّا حِسَه که شِمَه گناه کا آزاد آبَییرونه و خِدا نوکرون بَییرونه؛ چَیی ثَمر شِمَه را تقدیس بییِه یَه که آخِرسَر اَبَدی یَه زِندگی را خَتم بَبی.

یوحنا موکاشیفَه 13:16

هَنتَه نی، گِردِ کسون، روکی نَه تا یال، دارا و نَدار، و نوکَر و آزادی، زور کَردِشه تا اِشتَن راستَ دَس یا اِشتَن تَقالی کا نیشونه ای بِنَن.

یوحنا موکاشیفَه 13:17

تا هیچ‌کس مَشا بِخِرِه یا بِخرَشِه، اَ کسی غِیراز که اَ نیشونَه، یعنی اَ وَحشی یَه حَیوونی نومی یا چَیی نومی شمارۀ بِدارِه.

یوحنا موکاشیفَه 14:1

دومله دَیشتیمَه و دَیِس، اَ وَرَه صَهیونی کو سَری کا مَندَه بَه، و اَیی نَه صد و چِل و چار هَزار نفر دَبینَه که اِشتَن تَقالی سَری کا چَیی نوم و چَیی دَده نومی نیویشتَشون بَه.

یوحنا موکاشیفَه 14:9

دومله ایلَه دییَر ملائیکه یعنی سوّمین ملائیکه اَ دِ گِله پِشتِ سَر اومَه و ایلَه بِلندَه خِلِع نَه واتِشه: «اَگم کسی اَ وَحشی یَه حیوونی و چَیی مجسمه پرستش بِکَرِه و اِشتَن تَقالی کا یا اِشتَن دَسی کا اَ نیشونَه قبول بِکَرِه،

یوحنا موکاشیفَه 19:2

چوم که چَیی داوری اِن حقّ و عدلی نَه. چوم اَ، اَ یالَ فاحیشۀ داوری کَردِشَه، اَ فاحیشَه که اِشتَن بی عفتی نَه زمینی فاسد کَردِشَه، و خِدا اِشتَن خادمون خونی قِصاصی اَیی کا ویگِتِشه.»

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 22:4

اَوِن چَیی دیمی بَویندین و چَیی نوم چَوون تَقالی کا بَبی.

یوحنا موکاشیفَه 6:6

و اَ چار گِله مخلوق زِنده دیلَه کا، ایی چیی بِلندَه سَسی شیوار دَرَسِمَه که بَواتی: «ایی پیمونه گندِم، ایی دینار و سِه پیمونه ژَه، ایی دینار. ولی روعَن و شَراوی ضَرر مَژَن!»

یوحنا موکاشیفَه 7:1

دومله، چار گِله مَلائیکَه ویندِمَه، زمینی چارگوشۀ کا مَند بینَه و زمینی چار گِله وا پیشی گِرین تا هیچ وایی زمینی سَر و دریا سَر و هیچ داری سَر مَوَزِه.

یوحنا موکاشیفَه 7:2

دومله ایلَه دییَر ملائیکه ای ویندِمَه اَ جِگایی نَه که آفتاو کفا بومَی، شَه آسمون کفا را و خِدای زِنده مُهر اَیی نَه بَه. و بِلندَه خِلِع نَه اَ چار گِله ملائیکه که اَوون قدرت آدوعَه بَه تا زمین و دریا ضَرر بِژَنِن، دَخوندِشَه و

یوحنا موکاشیفَه 9:4

و اَوون نَه واتَه بَه که زمینی واشون، و نِه هیچ سَوزَه گیاهی یا داری صَدمَه مَژَنِن، بَلکَم فقط کسونی صَدمَه بِژَنِن که خِدا مُهری اِشتَن تقالی کا نیشونَه.