یوحنا موکاشیفَه 7:17 - کتاب مقدس به زبان تالشی شمالی

¹⁷ چوم اَ وَرَه ایی که تختْی وَسطی کایَه چَوون شوونَه بَبی، و اَوون زِندگی بَخشَ آوی خانیون طرفی را راهنمایی بَکَردی. و خِدا هَر اِسِرگی چَوون چِمون کا پاک آکَرِه.»

کتاب مقدس به زبان تالشي - گویش مرکزی

¹⁷ چون وَرَ کن تختی وسطیکارَ چَوون شونه آرَبن، و اوون زندَگی بَخشه خونیون آویی طَرَف راهنمایی بَکیَه. و خدا هر اَسِرگی چَوون چَمیکا پاکییَه آرَکَرد.»

یوحنا موکاشیفَه 7:17 Iomraidhean Croise

مَتّی 2:6

«”اِی بِیت‌لِحِم که یهودا سرزمینی کا ایش، تِه اَصلا یهودا فرمانروایون کا روکتَر نییش، چوم بَه تِه کا فرمانروایی بومَی كه چِمِن قوم، اِسرائیلی، رهبری بَکَردی.“»

مَتّی 5:4

خَسَه بِبو کسونی که ماتم دارِن، چوم اَوِن تَسلی بَگتین.

یوحنا 10:11

«اَز چاکَه شوونَه ایمَه. چاکَه شوونَه اِشتَن جانی گوسَندون راه کا بَنای.

یوحنا 10:14

اَز چاکَه شوونَه ایمَه. اَز چِمِن گوسَندون آزونِم و چِمِن گوسَندِن مِن آزونِن،

یوحنا 4:10

عیسی ژِنی نَه واتِشه: «اَگم خِدا هدیه کا خَوَرِر اِستبَه و بَزنیش که کییَه تِنَه بَواتی :”ایی چِله آو بَه مِن آدَه“ تِه اَیی کا بَپیستیش و اَ بَه تِن زِندگی بَخشَ آو آدَی.»

یوحنا 4:11

ژِن اَیی نَه واتِشه: «آقا، تِه چیی نیرَه که اَیی نَه آو پِگِری، چاه نی عمیقه، بَس زندگی بَخش آوی کییانَه بواَردیش؟

یوحنا 4:14

امّا هَر کسی اَ آوی کا که اَز اَیی آدَم بِنجه، هَرگز هَنی تِشیرش نییَب، آوی که اَز آدَم چَیی وجودی کا ایلَه خانیی شیوار بَبی که تا اَبَدی یَه زندگی هَتَه بَگِلِستی و لَبریز بَبی.»

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

پطروسی اوّلین نامَه 5:2

رَمَه ای که خِدا شِمَه دَس دَسپاردَشَه شوونَه تی و نظارت بِکَرَه، نِه زور زورکی، بَلکَم میل و رِغبتی نَه، هَتَه که خِدا پیستِشَه؛ و نِه شرم آوَرَه سودی را بَلکَم شوقی نَه.

یوحنا موکاشیفَه 14:4

اِمن هَ کسونی اِستینَه که اِشتَن، ژِنَکون نَه نِجس نِکَردِشونَه، چوم که اِم مِردَکِن باکِرَه اینَه. اِمِن هَ کسونی اِستینَه که وَرَه هَر طرفی را بِشو، چَیی دومله بَشین، اِمن آدَمون دیلَه کا هَنی خِریَه بَیینَه تا خِدا و وَرَه را نوبر بِبون.

یوحنا موکاشیفَه 21:22

شهری دیلَه کا هیچ معبدی نِویندِمَه، چوم خِداوندْخِدای قادر مطلق و وَرَه، چَیی معبدی نَه.

یوحنا موکاشیفَه 21:23

و شهر آفتاو و مانگی اِحتیاجی نیشَه که اَیی روشون آکَرِه. چوم خِدا جَلال، نور آدَه بَیی و وَرَه چَیی چِرا یَه.

یوحنا موکاشیفَه 21:4

اَ هَر اِسِرگی چَوون چِمون کا پاک آکَرِه. و دِ مرگ نییَه؛ و دِ هیچ شیون و هیچ داد و هیچ داجی نییَه، چوم که اوّلین چییِن از بِین شَه اینَه.»

یوحنا موکاشیفَه 21:6

و اَ مِنَه واتِشه: «انجام بَه! از ’الف‘ و ’ی‘ و اوّل و آخِریمَه. هَر کسی که تِشیش بِبو، از زندگی خانی آوی کا مِفتَه آدَم بَیی.

یوحنا موکاشیفَه 22:1

دومله، اَ ملائیکه زندگی بخشَ رِواری آوی بَه مِن نیشون دوشَه که بُلوری شیوار زُلال بَه و خِدا تخت و وَرَه کا ویبی.

یوحنا موکاشیفَه 4:11

«اِی چَمَه خِداوندْ و اِی چَمَه خِدا، تِه قابِلیش که جلال و حُرمت و قدرت بَه تِن تقدیم بِبو، چوم که گِردِ چیون تِه خَلق کَردَرَه، و گِردِ چییِن اِشتِه پیستَه نَه بِه وجود اومَه و خَلق بَه.»

یوحنا موکاشیفَه 5:6

و تختی وسطی کا اَ چار گِله مخلوق زِنده و پیرون دیلَه کا ایلَه وَرَه ویندِمَه مَندَه بَه که ایلَه قِربونی شیوار بَه، هفت گِله شاخ و هفت گِله چِم داری، که خِدا هفت گِله روحی نَه که گِردِ زمینی سَری را ویسا آبَینه.