یوحنا موکاشیفَه 6:9 - کتاب مقدس به زبان تالشی شمالی

⁹ وختی که وَرَه پنجمین مُهری چاکِندِشه، از قِربونگاه جیری کا، اَ کسونی جانی ویندِمَه که خِدا کلامی واسی و اَ شهادتونی که دوعَشون بَه، کِشته بَه بینَه.

کتاب مقدس به زبان تالشي - گویش مرکزی

⁹ هَنگومی کن وَرَ پِنجومین موهرِش آکردَ، اَز قِربونگا بنیکا، اَ کَسونی جانِنِم ویندَ کن خدا کلامی خونه و شاهیدی ایی خونه کن دوعَشون بَه، اَیِنِشون کشتَه بَه.

یوحنا موکاشیفَه 6:9 Iomraidhean Croise

یوحنا 16:2

شِمَه عبادتگاه اون کا بَرکَرِن. حقیقتن موقعی آرَستِه که هَر کی شِمَه بِکِشه، خَیال بَکَردی که خِدا خدمت کَردَشه.

دوومین نامه قرنتیانیرا 5:8

ها، اَمَه حیسابی دیلگَرمیمونَه و اِمی چاکتَر بَزنیمون که اِم بَدنی کا دور آبییَم، و کَ کا خِداوَندی نَه زِندگی بَکَردیمون.

نامَه فیلیپی کلیسا را 1:23

اِم دِ گِله وسطی کا بَرک دَرگیریمَه. چیرا که آرِزو دارِم اِم دنیا کا بِشوم و مَسیح نَه بِبوم، چوم که اِم چاکتَرَه.

نامَه فیلیپی کلیسا را 2:17

حتی اَگم لازم بِبو چِمِن خون ایلَه هدیه‌ای شیوار، شِمَه ایمانی قِربونی را ویکَردَه بِبو، خوشحالیمَه و گِردِ شِمَه نَه شادی بَکَردیم.

دِوُّمین نامَه تیموتائوسیرا 1:8

بَس، اِمی واسی که چَمَه خِداوندی را شهادتی بِدَی یا از که چَیی واسی زِندانی کا دَلَکیمَه، عار مَدا، بَلکم تِه نی خِدا قوّتی نَه اِنجیلی واسی عذاب کَشِه کا شریک بِبَش.

دِوُّمین نامَه تیموتائوسیرا 4:6

چوم که چِمِن خون، هِم حِسَه نی، ایلَه هدیه شرابی شیوار، کارا ویبو و چِمِن شییِه وخت اِم دنیا کا آرَستَه.

نامَه، عِبرانیه نَتاجَه مسیحیونرا 12:23

و اوّلین زَندَه اون مجلسی دیلَه کا که چَوون نومِن آسِمونی کا نیویشتَه بییَه، و خِدایی که گِردی داوَرَه و صالِحون روحِن که کامل آبَیینه،

یوحنا موکاشیفَه 1:2

و اَ، خِدا کلام و عیسایِ مسیح شهادتی، یعنی هَر چیی که ویندَش بَه، شهادتی بَدای.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 14:18

دومله ایلَه دییَر ملائیکه‌ای که آتشی اِقتداری داری قِربونگاه کا اومَه بِرون و بِلندَه خِلِع نَه اَ کسی نَه که تیجَ دازّ داری، واتِشَه: «اِشتِه تیجَ دازّی پِگِه و زمینی اَنگِرَه رَزی کا اَنگِری خوشَه اون بِچین، چوم که زمینی اَنگِرِن رَسَه اینَه.»

یوحنا موکاشیفَه 16:7

و دَرَسِمَه که قِربونگاه بَواتی: «ها، اِی خِداوندْ خِدای قادر مطلق، اِشتِه داوری اِن حَقّ و عدلی نَه»

یوحنا موکاشیفَه 19:10

دومله چَیی پا پیشی کا بَلَکیمَه تا اَئی پرستش بِکَرِم. امّا اَ مِنَه واتِشه: «اِنتَه مَکَه! چوم که از، تِه و اِشتِه بِرااون نَه که عیسی شهادتی دوعِه مُحکم دَچیکَه ای نَه، هَم خِدمَتی ایمَه. خِدا پرستش بِکَه!» چوم عیسی شهادتی دوعِه، نبوّتی روحَه.

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 8:3

و ایلَه دییَر ملائیکه ایی اومَه که ایلَه طِلایی یَه منقلی اِشتَن نَه داری، و قِربونگاه وَری کا مَندَه. اَیی وِر بُخور آدوعَه بَه تا اَیی گِردِ مقدّسون دعا اون نَه طِلایی یَه قِربونگا سَری کا تختی پیشی کا تقدیم بِکَرِه.

یوحنا موکاشیفَه 9:13

دومله شیشُمین ملائیکه اِشتَن شیپوری دیلَه کا فو دَکَردِشه، و از ایلَه سَسی دَرَسِمَه که قِربونگاه طِلا چار شاخی کا که خِدا پیشی کا نوعَه بَه؛