یوحنا موکاشیفَه 6:4 - کتاب مقدس به زبان تالشی شمالی

⁴ و ایلَه دییَر اَسبی اومَه بِرون که آتشی شیوار سِر بَه. اَ کسی که اَ اَسبی سِوار بَه، اَیی اِجازَه دوعَه بَه تا صُلح و سلامتی زمینی سَری کا پِگِرِه تا مردم یَندی بِکِشن، و ایلَه یالَ شمشیری آدوعَه بَه اَیی.

کتاب مقدس به زبان تالشي - گویش مرکزی

⁴ و ایلَه دییَرَ اسبی اَیر آبَه کن هنته آرا پَسنَه شیوار سِر بَه، و چَی سَر اَنِشی شون ایجازَ دوعَه تا زَمینی سَردِرِ صلحی پِگرِ و و آدَمِن یَندِ بکشن. و یالَه شمشیری بَشون دوعَه.

یوحنا موکاشیفَه 6:4 Iomraidhean Croise

مَتّی 10:34

«خیال مَکَرَه از اومَیمه که زَمینی کا صلح بواَرِم. اومَه نیمَه كه صلح بواَرِم، بلكَم اومَیمه تا شمشیر بواَرِم.

مَتّی 24:6

شِمَه جَنگون خَوَری دَرَسَه و جَنگون شایعه شِمَه گوش آرَستِه. ویرا بِبییَه که تَشویش مَبییَه، چوم بَسی اِم اِتِفاقِن دَلَکِن، امّا حَلا دنیا آخِر نییَه.

یوحنا 19:11

عیسی واتِشه: «تِه چِمِن سَر هیچ اِختیاری نِداریش، اَگَم خِدا اِم اِختیاری تِه آمَدَی؛ اِمی واسی، اَ کسی که مِن دَوَستَه دَس بَه تِن تحویل دوعَشَه، چَیی گناه یالتَرَه.»

یوحنا موکاشیفَه 12:3

دومله ایلَه دییَر نیشونَه ای آسمونی کا آشکار آبَه: دَیِس، ایلَه یالَه سِرَه اژدها که هفت گِله سَر و دَه گِله شاخ داری، و چَیی سَرون کا هفت گِله تاج نوعَه بَه.

یوحنا موکاشیفَه 13:10

اَگم قرار بِبو کسی اَسیر بِبو، اَسیری را بَشی. اَگم قرارَه کسی شمشیری نَه کِشتَه بِبو، بَسی شمشیری نَه کِشتَه بِبو. و اِم، مقدّسون مقاومت و چَوون ایمانی پیستِشَه.

یوحنا موکاشیفَه 17:3

اَ ملائیکه مِن خِدا روح کا بَردِشَه ایلَه ویاوونی را. اوآ کا ایلَه ژِنی ویندِمَه که ایلَه سِرَه وحشی یَه حَیوونی کولی سَری کا نِشت بَه، اَ حَیوونی بَدَن کُفر آمیزَه نومون نَه پوشوندَه بییَه بَه، و هفت گِله سَر و دَه گِله شاخ داری.

یوحنا موکاشیفَه 17:6

و ویندِمَه که اَ ژِن مقدّسون خونی نَه و کسونی خونی نَه که عسیی واسی شهید بَه بینَه، مَستَه. هِنتَه که اَ ژِنَکی ویندِمَه بَرک مات آبیمَه.