یوحنا موکاشیفَه 6:12 - کتاب مقدس به زبان تالشی شمالی

¹² و وختی که وَرَه شیشمین مُهری چاکِندِشه، از دَیشتیمَه و دَیِس، ایلَه بَرکَه زمین لرزه ای اومَه و آفتاو، کیلی شیوار سیاه آبَه و کامَلَ مانگ، خونی رنگ آبَه.

کتاب مقدس به زبان تالشي - گویش مرکزی

¹² و وقتی کن وَرَ شَشومین موهرِش آکردَ، اَز دیَشتِم و بوین، کن ایی کَرَایی برکَه یالَه بومَلَرزَ ایی آمَه و آختاو هنته باشلاقی شیوار سیا ویبَه و کامیلَه مانگ، خونی رَنگ آبَه.

یوحنا موکاشیفَه 6:12 Iomraidhean Croise

مَتّی 11:21

عیسی واتِشه: «وای بَر شِمَه، اِی خورَزینی اَهالی! وای بَر شِمَه، اِی بِیت‌صِیدا اَهالی! چوم اَگم معجزه اونی كه شِمَه کا اَنجام بَه، صور و صیدونی شهرون کا اَنجام بِبی، اَ شهرون مردم خیلی زمان پیش کیل دَکَرین و خاکِستری کا نِشین و توبَه کَرین.

مَتّی 24:29

«اَلبَحَل، اَ روزون مصیبَتَ پَش «”آفتاو تاریک آبو و مانگ دِ نور نِده؛ ستاره اِن آسِمونی کا وِیبون، و اَ قدرتِنی که آسِمونی محکم غَم بَردین، لَرزِن.“

مَتّی 24:7

اِنتَه که ایلَه میلَّتی دییَر میلَّتی نَه و ایلَه مَملکتی دییَر مَملکتی نَه جنگ بَکَردین و جور بَه جوره جِگا اون کا قَحطی بَبی و زلزله بومَی.

مَتّی 27:45

ساعت دونزَه ناهاری نَه تا ساعت سِه بعد از ناهار، تاریکی گِرد اَ سرزمینی گِتِشه.

مَتّی 27:54

وختی سَربازون فرماندَه و سربازونی که عیسی صلیبی جیری کا بینَه تا نگهبانی بِدَن، زلزله و گِرد اِم ماجرا ویندِشونَه، وِر ترسی نَه و واتِشونَه: «واقعاً که اِم مِرد خِدا زوعَه بَه.»

مَتّی 28:2

ایی دفعه بَرکَ زلزِلَه ای اومَه، چوم خِداوندی ایلَه ملائیکه آسِمونی کا نازل بَه، شَه مَقبره طرف و اَ سِنگی که مَقبره دَهَنه پوشوندَش بَه ژَندِشَه کَنار و هَ سِنگی سَری کا نِشتَه.

مَرقُس 15:33

ساعت دونزَه ناهاری نَه تا ساعت سِه بعد از ناهار، تاریکی گِردِ اَ سرزمینی گِتِشه.

یوحنا موکاشیفَه 11:13

و هَ ساعتی کا، ایلَه یالَ زلزله ای اومَه و شهری یک دَهم ویبَه و هفت هَزار نفر اَ زلزله کا کِشتَه بیینَه و کسونی که زِنده مَندینَه نی وِر تَرسی نَه و آسمونی خِدا جلال دوشونَه.

یوحنا موکاشیفَه 16:18

و آسمونی برق و گِرخونَه پِرِشتَه، و یالَه زِلزِلَه ای اِتِفاق دَلَکَه، اِنتَه یال که چَیی شیوار اَ موقع نَه که آدَمی زمینی کا بَه، تا حِسَه اِتفاق دَلَکَه نِبَه.

یوحنا موکاشیفَه 16:8

چارمین ملائیکه اِشتَن قَدَرَه آفتاوی سَری کا ویکَردِشه، و آفتاوی اِجازَه دوعَه بَه تا مردمی آتشی نَه بوسونِه.

یوحنا موکاشیفَه 8:12

چارمین ملائیکه اِشتَن شیپوری دیلَه کا فو دَکَردِشه، و آفتاوی یک‌ سوّم، و مانگی یک‌ سوّم، و سِتاره اون یک‌ سوّمی ضَربَه گِنه، جوری که چَوون نوری یک‌ سوّم تاریک آبَه. و روزی یک سوّم بی‌نور مَندَه و شَوی کا نی یک‌ سوّم هَتَه.

یوحنا موکاشیفَه 8:5

دومله ملائیکه، منقلی بُخوری پِگِتِشَه و اَیی قِربونگا آتشی کا پُور آکَردِشَه فِرآدوشَه زمینی سَر. اَ موقع گِرخونَه سَس، بَرقی که آسمونی کا ژَنی و زمین لَرزَه اومَه.