یوحنا موکاشیفَه 6:1 - کتاب مقدس به زبان تالشی شمالی

¹ اَ موقع وَرَه ویندِمَه که ایلَه اَ هفت گِله مُهری چاکِندِشَه، و دَرَسِمَه که ایلَه اَ چار گِله مخلوق زِنده ایلَه سَسی نَه که گِرخونَه سَسی شیوار بَه، واتِشَه: «بِری!»

کتاب مقدس به زبان تالشي - گویش مرکزی

¹ هَنگومی کن وَرَ، اَ هف گلَه موهری اولین موهرِش آکردَ، اَز اِشتَن ویندِمَه و درَستِم کن ایلَه اَ چار گلَه مخلوق هنته گِرّی سَسی شیوار سَس آداشَه و واتِش: «بِه»

یوحنا موکاشیفَه 6:1 Iomraidhean Croise

یوحنا 1:29

صَبایی نَه روز، یَحیی ویندِشه که عیسی بومَی چَیی طَرفی را، یحیی واتِشه: «اِمَه خِدا قِربونی یَه وَره که گناه دنیا کا پِگِرِه!

رَسولون اَعمال 4:20

چوم اَمَه نیمَشایَم اَ چیی که ویندَمونَه و دَرَسَمونَه، مَواجَم.»

یوحنا موکاشیفَه 11:19

دومله خِدا معبد، آسمونی کا آبَه؛ و خِدا عهدی صوندُق چَیی معبدی دیلَه کا آشکار آبَه؛ و ایی دَفعه آسمونی کا برق و گِرخونَه و بِلَندَه خِلِع و زلزله و تِندَه تَگرگ بَه که کارا بومَی.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 14:2

و از آسمونی کا ایلَه سَسی دَرَسِمَه، وِرَه آوون سَسی شیوار؛ و گِرخونَه سَسی شیوار بِلَند بَه؛ اَ سَسی که دَرَسِمَه چَنگی نوازَندَه اوون سَسی مونی اَموقع که چَنگ نَوازین.

یوحنا موکاشیفَه 19:6

دومله ایلَه سَسی دَرَسِمَه که ایلَه یالَ جماعَتی غُلغُله سَسی شیوار بَه، و وِرَه آوون سَسی شیوار بَه، و بَرکَ گِرخونَه سَسی شیوار، که بَواتی: «هَلِلویا! چوم که خِداوند چَمَه خِدا، اَ قادر مُطلق سلطنت بَکَردی.

یوحنا موکاشیفَه 4:8

و اَ چار گِله مخلوق زِنده، هَر کَمیله، شیش گِله بال هِستِشونَه و چوون دیلَه کا و دُور تا دُور، چِمی کا پُورَه، و شَو اَندَه روز یِکسَره بَواتین: «قدّوس، قدّوس، قدّوسَه خِداوندْ خِدای قادر مطلق، اَ که بَه و اِستَه و بومَی.»

یوحنا موکاشیفَه 5:1

اَ موقع تخت نشینی راستَه دَسی کا ایلَه طوماری ویندِمَه که چَیی پِشت و رو، نیوشتَه‌ بَه، و هفت گِله مُهری نَه مُهر و موم بییَه بَه.

یوحنا موکاشیفَه 5:12

بِلندَه سَسی نَه بَواتین: «اَ وَرَه که قِربونی بَه لایقَه که قدرت و ثروت و حکمت و قوّت، و حرمت و جلال و برکت چَیی تقدیم بِبو.»

یوحنا موکاشیفَه 5:8

هِنتَه که طوماری ویگِتِشه، اَ چار گِله مخلوق زِنده و اَ بیست و چار گِله پیر، وَرَه ناری کا بَلَکینَه. اَوِن هَر کَملیه، ایلَه ساز چَنگ دَسی کا دارین و طِلا جامونی دارین، بخوری کا پُور بَه که هَ مُقدسون دعا اِن اینَه.

یوحنا موکاشیفَه 6:3

وختی که وَرَه دوّمین مُهری چاکِندِشَه، دَرَسِمَه که دوّمین مخلوق زِنده واتِشَه: «بِری!»

یوحنا موکاشیفَه 6:5

هِنتَه که وَرَه سوّمین مُهری چاکِندِشَه، دَرَسِمَه که سوّمین مخلوق زِنده واتِشَه: «بِری!» و از دَیشتیمَه، و دَیِس، ایلَه سیاه اَسبی بَه و اَ کسی که اَ اَسبی سِوار بَه اِشتَن دَسی کا ایلَه قاپانی داری.

یوحنا موکاشیفَه 6:7

وختی که وَرَه چارمین مُهری چاکِندِشه، دَرَسِمَه که چارمین مخلوق زِندَه واتِشَه: «بِری!»

یوحنا موکاشیفَه 8:1

وختی که وَرَه هفتمین مُهری چاکِندِشَه، دُروبَر نیم‌ساعت آسمونی کا سکوت برقرار بَه.