یوحنا موکاشیفَه 5:9 - کتاب مقدس به زبان تالشی شمالی

⁹ و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛

کتاب مقدس به زبان تالشي - گویش مرکزی

⁹ و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛

یوحنا موکاشیفَه 5:9 Iomraidhean Croise

مَتّی 20:28

حتی اِنسانی زوعَه نی اومَه نییَه تا اَیی خدمت بِکَرِن، بَلكَم اومَه تا مردمی خدمت بِکَرِه و اِشتَن جانی وِر کَسون آزادی را فیدا بِکَرِه.»

مَتّی 26:28

چوم اِم چِمِن خون اِستَه كه اِم تازه عَهدی، اَیی نَه مهر بَکَردیم. چِمِن خون ویبو تا وِرَه آدَمون گناه اِن بَخشِستَه بِبون.

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

اوّلین نامَه قورَنتیانیرا 6:20

چوم شِمَه خِرییِه بییِه را بها آدوعَه بَه، بَس شِمَه بَدنی دیلَه کا خِدا جلال بِدییَه.

اوّلین نامَه قورَنتیانیرا 7:23

شِمَه آزادی را بَها آدوعَه بییَه، آدَمون نوکر مَبییَه.

نامَه اَفسوسی کلیسارا 1:7

اَمَه مسیح دیلَه کا چَیی خونی واسطه نَه آزادی هِستِمونه، که اِم هَ خَطا اون بخشِستِه یَه، که اَیی، اِشتَن بَرکَ فیضی قَدر،

نامَه اَفسوسی کلیسارا 5:19

مزامیر و پرستشی یَه سرودون و آوازونی نَه که خِدا روح کایَه، یَندی نَه گف بِژَنَه و صِدق دیلی نَه خِداوندی را بوخونه و آهنگ وَج آکَرَه.

نامَه کُولُسی کلیسا را 1:14

که چَیی دیلَه کا اَمَه رهایی هِستِمونه، یعنی چَمَه گناه اون بَخشِش.

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 11:14

چوم کسونی که اِنتَه گَف ژَنن، نیشون بَداین که اِشتَن را ایلَه وطنی دومله کا اینَه.

پطروسی دومین نامه 2:1

امّا قوم اِسرائیلی دیلَه کا، دروعَه پِیغَمبرِن نی بینَه، هَتَه که شِمَه دیلَه کا نی دوروعَه مُعلمِن نی بومَین، که نِینکی غَلطَه تعلیمون بواَردین که بَشای بِکِشِه و هَ اَربابی که اَوون خِرییَشه، حاشا بَکَردین و اِنتَه، نا خَوَرِه بَلایی اِشتَن سَر بواَردین.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 2:2

عیسی چَمَه گناه اون را کَفارَه یَه، نِه فقط چَمَه گناه اون را، بَلکَم گِردِ دنیا گناه اون را.

یوحنا موکاشیفَه 10:11

و مِنَه واتِشونَه: «تِه هَنی بَسی وِرَه قومون و وِرَه میلّتون و وِرَه زَوونون و وِرَه پاُتشا اون دربارَه نبوّت بِکَرِی.»

یوحنا موکاشیفَه 11:9

سه روز و نیمی قَدَر، بعضی آدَمِن هَر میلّت و هَر طایفه و هَر زَوون و هَر قومی کا، چَوون جِنازَه اون ویندِه را بَشین و نییَرزِن اَوون دَفن بِکَرِن.

یوحنا موکاشیفَه 13:7

و حِسَه نی، اَیی اِجازه دوعَه بَه تا مقدسون نَه جنگ بِکَرِه و پیروز بِبو. و اَیی اِقتدار آدوعَه بَه تا هَر طایفه و میلّت و زَوون و قومی سَر حاکِم بِبو.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 14:6

دومله ایلَه دییَر ملائیکه ای ویندِمَه که آسمونی کا پرواز بَکَردی و اَبَدی یَه اِنجیلی اِشتَن همراه داری تا اَیی کسونی را که زمینی سَری کا اینَه، و هَر ملّت و طایفه و زَوون و قومی را اِعلام بِکَرِه.

یوحنا موکاشیفَه 15:3

و اَوِن خِدا خِدمتکار موسی سرودی، و وَرَه سرودی بَخَندین و بَواتین: «اِشتِه کارِن یال و عجیبی نَه، اِی خِداوندْ خِدای قادر مطلق اِشتِه راه اِن چِندی عدل و حقّی نَه. اِی گِردِ میلّتون پاُتشا.

یوحنا موکاشیفَه 17:15

و اَ ملائیکه مِنَه واتِشَه: «اَ آوونی که ویندِرَه، اَ جِگایی که فاحیشه نِشتَه، اَوِن هَ، قومِن، جماعتِن، میلّتِن و زَوونِن اِستینَه.

یوحنا موکاشیفَه 4:11

«اِی چَمَه خِداوندْ و اِی چَمَه خِدا، تِه قابِلیش که جلال و حُرمت و قدرت بَه تِن تقدیم بِبو، چوم که گِردِ چیون تِه خَلق کَردَرَه، و گِردِ چییِن اِشتِه پیستَه نَه بِه وجود اومَه و خَلق بَه.»

یوحنا موکاشیفَه 5:12

بِلندَه سَسی نَه بَواتین: «اَ وَرَه که قِربونی بَه لایقَه که قدرت و ثروت و حکمت و قوّت، و حرمت و جلال و برکت چَیی تقدیم بِبو.»

یوحنا موکاشیفَه 5:6

و تختی وسطی کا اَ چار گِله مخلوق زِنده و پیرون دیلَه کا ایلَه وَرَه ویندِمَه مَندَه بَه که ایلَه قِربونی شیوار بَه، هفت گِله شاخ و هفت گِله چِم داری، که خِدا هفت گِله روحی نَه که گِردِ زمینی سَری را ویسا آبَینه.