یوحنا موکاشیفَه 4:9 - کتاب مقدس به زبان تالشی شمالی

⁹ هَر وَخت که اَ زِندَه مخلوقِن، اَ تخت نِشینی را، اَیی که تا اَبَد و تا اَبَد زِندَه یَه، جلال و حُرمت و شُکری تقدیم بَکَردین،

کتاب مقدس به زبان تالشي - گویش مرکزی

⁹ هر موقه کن اَ زندَ مخلوقِن، اَ تختی سَر اَنِشیرا، اَکَن تا ابد و تا ابد زندَیَه، شکوه و جلال و حورمت و شکر تقدیم اَکَرین،

یوحنا موکاشیفَه 4:9 Iomraidhean Croise

نامَه، عِبرانیه نَتاجَه مسیحیونرا 7:25

بَس عیسی بَشای کسونی که چَیی واسطه نَه بِه خدا نِزدیک آبون، کاملاً نجات بِدَه، چوم که اَ هَمیشه زِنده یَه تا چَوون را شفاعت بِکَرِه.

نامَه، عِبرانیه نَتاجَه مسیحیونرا 7:8

ایلَه طرفی کا، کَسونی کا که از بین بَشین دَه یِک ویگِرِن؛ امّا اَ ایلَه طرفی کا، اَ کسی که چَیی درباره شهادتی دوعَه بَه که زِنده یَه، دَه ویگِرِه.

یوحنا موکاشیفَه 1:18

از که زِندَه ایمَه. مَردیمَه، و دَیِس، تا اَبَد زِنده ایمَه و مرگ و مَردَه اون دنیا اَچَرِن چِمِن دَسی کا اینَه.

یوحنا موکاشیفَه 10:6

و اَیی که تا اَبَد و تا اَبَد زِنده یَه و آسمون و هَر چیی که چَیی دیلَه کایَه و زمین و هَر چیی که چَیی دیلَه کایَه و دریا و هَر چیی که چَیی دیلَه کایَه خَلق کَردَشَه، قَسَم هَردِشِه که: «دِ اِمی کا وِرتَر عَری آنییَب.

یوحنا موکاشیفَه 15:7

و ایلَه اَ چار گِله مخلوق زِندَه کا، هفت گِله طِلایی یَه قَدَرَه که خِدا غَضبی کا پُور بَه، آدوشَه اَ هفت گِله ملائیکه، خِدایی که تا اَبَد و تا اَبَد زِندَه یَه.

یوحنا موکاشیفَه 21:5

و اَ تخت‌نشین واتِشه: «دَیِس، از گِردِ چییون تازه آکَرِم.» و هَنی واتِشه: «اِمی بینیویس چوم اِم گَفِن راستی نَه و بَبی اَیی اِعتماد کَردِه.»

یوحنا موکاشیفَه 4:2

هَ لحظه خِدا روح مِن پُور آکَردِشَه و ایلَه تختی آسِمونی کا ویندِمَه که ایی نفر اَ تختی سَری کا نِشتَه بَه.

یوحنا موکاشیفَه 4:8

و اَ چار گِله مخلوق زِنده، هَر کَمیله، شیش گِله بال هِستِشونَه و چوون دیلَه کا و دُور تا دُور، چِمی کا پُورَه، و شَو اَندَه روز یِکسَره بَواتین: «قدّوس، قدّوس، قدّوسَه خِداوندْ خِدای قادر مطلق، اَ که بَه و اِستَه و بومَی.»

یوحنا موکاشیفَه 5:1

اَ موقع تخت نشینی راستَه دَسی کا ایلَه طوماری ویندِمَه که چَیی پِشت و رو، نیوشتَه‌ بَه، و هفت گِله مُهری نَه مُهر و موم بییَه بَه.

یوحنا موکاشیفَه 6:16

اَوِن کو اون و صخره اون نَه بَواتین: «چَمَه سَر بَلَکَه و اَمَه اَ تخت‌نشینی چِمی کا و اَ وَرَه غَضبی کا نِین آکَرَه.

یوحنا موکاشیفَه 7:15

اِمی واسی یَه که: «اِمِن خِدا تختی پیشی کا مَندینَه، و چَیی معبدی کا شَو اَندَه روز اَیی خدمت بَکَردین؛ و اَ تخت‌نشین، اِشتَن حضوری نَه اَوون سَرپَناه آدَه.