یوحنا موکاشیفَه 4:4 - کتاب مقدس به زبان تالشی شمالی

⁴ اَ تختی دُور تا دُوری کا، بیست و چار گِلَه تخت نوعَه بَه و اَ تختون سَری کا بیست و چار گِله پیر نِشتَه بینَه که ایسبی یَه خَلا دَکَردَشون بَه و طِلا تاج سَری کا دارین.

کتاب مقدس به زبان تالشي - گویش مرکزی

⁴ تختی دووریکا، بیستو چار گلَه دییَرَ تخت بَه کن چَوون سَردِرِ بیستو چار گلَه پیر نشت بین. اَیِن ایسبیَه شِندِرشون دَکردَ بَه و طِلِه اینه تاجی کَلَکا دارین.

یوحنا موکاشیفَه 4:4 Iomraidhean Croise

مَتّی 19:28

عیسی جَواو دوشَه: «حقیقتن شِمَه نَه بَواتیم، وختی اِنسانی زوعَه اَ تازه دنیا کا، اِشتَن شکوهمندَه پاُتشایی تختی سَری کا بِنِشِه، شِمَه نی كه بَه مِن کا پِیروی کَردَرونَه، دونزَه گِلَه تَختون سَری کا نِشَه و اِسرائیلی دونزَه گِلَه قبیله داوری بَکَردیرون.

انجیل لوقا 22:30

تا شِمَه نی چِمِن پاُتشایی کا چِمِن سِفره سَری کا، بَرَه و بِنجَه و تَختون سَری کا بِنِشه و اِسرائیلی دونزَه گِلَه قبیله داوری بِکَرَه.

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

یوحنا موکاشیفَه 11:16

و اَ بیست و چار گِله پیر که خِداوندی حضوری کا اِشتَن تختی سَری کا نِشت بینَه، اِشتَن دیمی سَر بَلَکینَه و خِدا پرستش کَردِشونَه،

یوحنا موکاشیفَه 14:3

و اَوِن، اَ تختی پیشی کا و اَ چار گِله موجود زِندَه و اَ پیرون پیشی کا ایلَه تازَه سرودی خَندِشونَه. هیچ‌کس نِشاستَه اَ سرودی باموجِه، اَ صد و چِل و چار هَزار نفری غِیراز که زمینی مردمی دیلَه کا هَنی خِریَه بَه بینَه.

یوحنا موکاشیفَه 19:14

آسمونی قوشونِن، نازِک کَتانَ خَلا که ایسبی و پاک بَه دَکَردَشون بَه و ایسبی یَه اَسبی سِوار بینَه و چَیی دومله کارا بومَین.

یوحنا موکاشیفَه 19:4

و اَ بیست و چار گِله پیر و اَ چار گِله مخلوق زِندَه دیمی سَر بَلَکینه و خِدایی که تختی سَری کا نِشت بَه پرستش کَردِشونَه و واتِشونَه: «آمین. هَلِلویا!»

یوحنا موکاشیفَه 2:10

اَ عذابونی کا که هِم زودیون کَشی، مَتَرس. دَیِس، هِم زودیون اِبلیس شِمَه کا بعضیون زندانی کا دَرَفَنِه تا آزمایش بِبییَه و دَه روز عذاب بِکَشَه. تِه تا مرگ وفادار بومون،که از زِندگی تاجی آدَم بَه تِن.

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 3:18

تِه نصیحت بَکَردیم خالِصَه طِلایی که آتشی کا دَوییَردَه بَه مِن کا بِخِری تا دولتمند بِبی؛ و ایسبی خَلا اون، تا دَکَری و اِشتِه لُخت و سُختی شرم‌ ویندَه مَبو و مَرهم، که اِشتِه چمون کا دَسونی تا بِوینی.

یوحنا موکاشیفَه 4:10

اَ بیست و چار گِله پیر اَ تخت‌نشینی ناری کا بلَکِن و اَئی که تا اَبَد و تا اَبَد زِندَه یَه پرستش بَکَردین و اِشتَن تاجی چَیی تختی ناری کا فِرآدَن و بَواتین:

یوحنا موکاشیفَه 4:6

و تختی ناری کا، ایی چیی بَه که شیشه ایی دریا مونی، بُلوری شیوار. تختی دُور تا دُور و چار گوشه، چار گِله مخلوق زِنده مَند بَه، که چَوون بَدَن هَر طرفی نَه پِشت و نار، چِمی کا پُور بَه.

یوحنا موکاشیفَه 5:11

دومله دَیشتیمَه و وِرَه ملائیکه اون سَسی دَرَسِمَه، که اَ تخت و زِنده مخلوقون و اَ پیرون دُور آکَردَشون بَه. چَوون تعداد دَسته دَسته هَزارون هَزار بینَه.

یوحنا موکاشیفَه 5:14

و اَ چار گِله مخلوق زِنده واتِشونَه: «آمین»، و اَ پیرِن دیمی سَر زمین بَلَکینَه و اَیی پرستش کَردِشونَه.

یوحنا موکاشیفَه 5:6

و تختی وسطی کا اَ چار گِله مخلوق زِنده و پیرون دیلَه کا ایلَه وَرَه ویندِمَه مَندَه بَه که ایلَه قِربونی شیوار بَه، هفت گِله شاخ و هفت گِله چِم داری، که خِدا هفت گِله روحی نَه که گِردِ زمینی سَری را ویسا آبَینه.

یوحنا موکاشیفَه 5:8

هِنتَه که طوماری ویگِتِشه، اَ چار گِله مخلوق زِنده و اَ بیست و چار گِله پیر، وَرَه ناری کا بَلَکینَه. اَوِن هَر کَملیه، ایلَه ساز چَنگ دَسی کا دارین و طِلا جامونی دارین، بخوری کا پُور بَه که هَ مُقدسون دعا اِن اینَه.

یوحنا موکاشیفَه 6:11

و هَر کمیله اَوون کا، ایسبی یَه اَبایی آدوعَه بَه و اَوون نَه واتَه بَه که تِلی وِرتَر آروم بِگِرِن تا چَوون هَمخدمتیون و بِرا اون تعداد که بَسی چَوون شیوار کِشتَه بِبون، کامل آبو.

یوحنا موکاشیفَه 7:11

و گِردِ ملائیکَه اِن، تختی دُور و پیرون و چار گِله مخلوق زِنده دُور مَند بینَه؛ و اَوِن تختی پیشی کا اِشتَن دیمی نَه بَلَکینَه زمینی سَر و خِدا پرستش بَکَردین و

یوحنا موکاشیفَه 7:9

دومله دَیشتیمَه و دَیِس، ایلَه یالَه جماعتی که هیچکس نیمَشای اَیی بیشماری، هَر میلّتی کا و هَر طایفه کا و هَر قوم و هَر زَوونی کا، گِرد اَ تخت و وَرَه پیشی کا مَند بینَه، ایسبی یَه اَبا دَکَردَشون بَه و نخلی لاخه اون اِشتَن دسی کا دارین.

یوحنا موکاشیفَه 9:7

و اَ چَک اُردَکِن اَسبونی مونین که جنگی را حاضیر آبین. چَوون سَری کا ایی چیی نوعَه بَه که طِلا تاجی مونی و چَوون سَر و شکل، آدَمی شیوار بَه.