یوحنا موکاشیفَه 3:3 - کتاب مقدس به زبان تالشی شمالی

³ بَس ویر بوعَه، اَ چیی که ویگِتَرَه و دَرَسَرَه. اَیی غَم بَه و توبه بِکَه. اَگم مَپِرِزی، ایلَه دِزدی شیوار بومَیم و تِه نیمَزنیش که چِه ساعتی کا اِشتِه ضِد بومَیم.

کتاب مقدس به زبان تالشي - گویش مرکزی

³ پس اَ چیی ایی کن ویگَتَرَ و دَرستَرَ، یاد آرَفن؛ اَوون غَم بَه و توبَه اَکَن. اَگَم پِمَبی، هنته پتارچی شیوار آم و تِه نیشَموست کن چِه ساعَتیکا اِشتِه زرَبَرارا بومَمَه.

یوحنا موکاشیفَه 3:3 Iomraidhean Croise

مَتّی 25:13

بَس ویرا بِبییَه، چوم شِمَه اَ روز و اَ ساعتی کا خَوَر نیرونَه.

مَرقُس 13:33

بَس ویرا و آگا بِبییَه، چوم شِمَه نیمَزنَه که اَ زمان کَینی آرَستِه.

مَرقُس 13:36

نَبادا که اَ ایی دفعه با و بِوینِه شِمَه خِتیرونَه.

اوّلین نامَه تَسالونیکی کلیسا را 5:2

چوم که شِمَه اِشتَن چاک بَزنیرون که خِداوند عیسی آگردِستِه روز، ایلَه دِزدی شیوار که شوی را بومَی، سَر آرَستِه.

اوّلین نامَه تیموتائوسیرا 6:20

اِی تیموتائوس، اَ، اَمانتی که بَه تِن دَسپَرده بییَه، حِفظ بِکَه. مِفتَه گفون کا و مخالف فیکرونی کا که اِشتباهی معرفت بَواتین، دوری بِکَه؛

دِوُّمین نامَه تیموتائوسیرا 1:13

اَ ایمان و محبتی نَه که مسیحْ عیسی کایَه، و اَ چیی که بَه مِن کا دَرَسَرَه، ایلَه دُرستَه سرمشقی شیوار دِ دَسی دَچیک اَیی.

نامَه، عِبرانیه نَتاجَه مسیحیونرا 2:1

بَس چَمَه هَواس بَسی وِرتَر بِه اَ چیی بِبو که دَرَسَمونَه، نَبادا اَیی کا منحرف آبِییَم.

پطروسی دومین نامه 1:13

از فیکر بَکَردیم که اِم دُرستَه، تا وختی که اِم بَدَنی دیلَه کا ایمَه، اِم صِفتون شِمَه ویر بواَرِم تا غیرتی بِبییَه.

پطروسی دومین نامه 3:1

اِی عَزیزِن، اِم دوّمین نامه یَه که شِمَه را بَنیویشتیم. هَر دِ گِله نامه اِم نیَّتی نَه نیویشتِمَه تا شِمَه ویر بواَرِم و شِمَه پاکَ فیکرون غیرتی بِکَرِم،

پطروسی دومین نامه 3:10

امّا خِداوند عیسی آگَردِستِه روز ایلَه دِزدی شیوار بومَی، اَ موقع آسِمونِن ایلَه بَرک یالَه سَسی نَه از بِین بَشین و ستاره اِن آتش بَگتین و نابود بَبین، زمین و چَیی گِردِ کارِن معلوم آبون.

یوحنا موکاشیفَه 16:15

«دَیِس، از ایلَه دِزدی شیوار بومَیم! خَسه بِبو اَ کسی که آگا بَمندی و خَلا دَکَردَش بِبو، مَبو که لُخت و سُوخت راه دَلَکِه و گِرد چَیی رِسوایی بِوینِن.»

یوحنا موکاشیفَه 2:25

فقط اِمکه، اَ چیی که هِستِرونَه مُحکم دَچیکه تا از بام.

یوحنا موکاشیفَه 2:5

بَس ویر بوعَه که کییا کا بَلَکه ایشَه، توبه بِکَه و اَ کارونی که اوّل بَکَردیش اَنجام بِدَه. اَگم مَکَری، بومَیم اِشتِه وَر و اِشتِه چراپوعَه چَیی جِگا کا پِگِرِم، مَگر اِمکه توبه بِکَری.

یوحنا موکاشیفَه 22:7

«و دَیِس، از هِم زودیون بومَیم! خَسَه بِبو اَ کسی که اِم کتابی نبوّتی کلامی غَم بَرِه.»

یوحنا موکاشیفَه 3:11

«هِم زودیون بومَیم. اَ چیی که هِستِرَه، مُحکم غَم بَه تا کسی اِشتِه تاجی بَه تِه کا مَویگِرِه.

یوحنا موکاشیفَه 3:19

«از کسونی نَه که خِشیمَه توبیخ و تربیت بَکَردیم. بَس غیرتی بِبَش و توبه بِکَه.

یوحنا موکاشیفَه 3:2

پِرِز و اَچیی که باقی مَندَه و کارا بَمَردی، تقویت بِکَه! چوم که از اِشتِه کارون چِمِن خِدا وَری کا کامل نِویندِمَه.