یوحنا موکاشیفَه 3:21 - کتاب مقدس به زبان تالشی شمالی

²¹ «هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.

کتاب مقدس به زبان تالشي - گویش مرکزی

²¹ «هر کم پیروز آبو، اِمی بَی آمَدا تا بمِنه تختی سَریکا بنشِه، هته کن اَز پیروز آبیم و اِشتَن دَدَ نَه، چَی تختی سَردِرِ نِشتیم.

یوحنا موکاشیفَه 3:21 Iomraidhean Croise

مَتّی 19:28

عیسی جَواو دوشَه: «حقیقتن شِمَه نَه بَواتیم، وختی اِنسانی زوعَه اَ تازه دنیا کا، اِشتَن شکوهمندَه پاُتشایی تختی سَری کا بِنِشِه، شِمَه نی كه بَه مِن کا پِیروی کَردَرونَه، دونزَه گِلَه تَختون سَری کا نِشَه و اِسرائیلی دونزَه گِلَه قبیله داوری بَکَردیرون.

مَتّی 25:21

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکَه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

مَتّی 28:18

اَ موقع عیسی نار اومَه اَوون نَه واتِشه: «گِردِ قدرت، آسِمون و زمینی کا بَه مِن آدوعَه بییَه.

انجیل لوقا 22:30

تا شِمَه نی چِمِن پاُتشایی کا چِمِن سِفره سَری کا، بَرَه و بِنجَه و تَختون سَری کا بِنِشه و اِسرائیلی دونزَه گِلَه قبیله داوری بِکَرَه.

یوحنا 13:32

اَگم خِدا اَیی کا جلال گِتَشَه، بَس خِدا نی اَیی اِشتَن کا جلال بَدای و اَیی اَلبَحَل جلال بَدای.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

دِوُّمین نامَه تیموتائوسیرا 2:12

اَگَم تاو بواَرَم، اَیی نَه نی سلطنت بَکَردیمون. اَگَم اَیی هاشا بِکَرَم، اَ نی اَمَه هاشا بَکَردی.

یوحنا موکاشیفَه 1:6

و اَ، اَمَه ایلَه مملیکت کَردِشَه، کاهنونی اِشتَن دَده، خِدا را، جلال و سلطنت تا اَبَد اَیی نَه بِبو. آمین.

یوحنا موکاشیفَه 12:11

و اَوِن وَرَه خونی نَه و کلامی شهادتی نَه اَیی اَفجور بَیینَه. چوم که اَوِن اِشتَن جانی نَه خِش نِبینَه، حتی تا مَردِه موقع.

یوحنا موکاشیفَه 17:14

اَوِن وَرَه نَه جنگ بَکَردین، امّا اَ وَرَه پیروز بَبی، چوم که اَ خِداوندون خِداوند و پاُتشا اون پاُتشایَه- و کسونی که اَیی نَه مَندینَه، چَیی دَعوَتی اِن، و اِنتخاب بییَه اِن و و چَیی وفادارِه نی نَه.»

یوحنا موکاشیفَه 2:7

«اَ کسی که گوش هِستِشَه دَرَسِه، که خِدا روح کلیسا اون نَه چِه بَواتی. هَر کسی که پیروز بِبو، اِمی بَبَخشِستیم بَیی تا زِندگی داری میوه کا بَرِه که خِدا بهشتی دیلَه کایَه.

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 20:6

مقدّس و مِوارکَه اَ کسی که اوّلین زِنده آبییِه کا سهم دارِه. دوّمین مَرگ چَوون سَری کا هیچ قدرتی نیشَه بَلکَم اَوِن خِدا و مسیح کاهِنِن بَبین و اَیی نَه هَزار سال سلطنت بَکَردین.

یوحنا موکاشیفَه 5:10

و اَوون چَمَه خِدا را، پاُتشایی و کاهِنون کَردِرَه، و اَوِن زمینی سَری کا سلطنت بَکَردین.»

یوحنا موکاشیفَه 6:2

از دَیشتیمَه و دَیِس، ایلَه ایسبی یَه اَسبی بَه! و اَ کسی که اَ اَسبی سِوار بَه، ایلَه تیرکَمونی داری، و ایلَه تاج اَیی آدوشونَه و اَ کسی که پیروزی نَه اومَه بِرون تا فَتح بِکَرِه.

یوحنا موکاشیفَه 7:17

چوم اَ وَرَه ایی که تختْی وَسطی کایَه چَوون شوونَه بَبی، و اَوون زِندگی بَخشَ آوی خانیون طرفی را راهنمایی بَکَردی. و خِدا هَر اِسِرگی چَوون چِمون کا پاک آکَرِه.»